ગાંધીનગર: BSF હેડક્વાર્ટર ખાતે કરાઈ ગણતંત્ર દિવસની ઉજવણી, જુઓ VIDEO

71માં પ્રજાસત્તાક પર્વની BSF હેડક્વાર્ટર ખાતે પરંપરાગત રીતે ઉજવણી કરવામાં આવી. BSF ગુજરાત ફ્રંટીયરના DIG R S રાઠોરના વરદ હસ્તે ધ્વજવંદન કરવામાં આવ્યું. આ પ્રસંગે BSFના તમામ સિનિયર અધિકારીઓ અને કર્મચારીઓ ઉપસ્થિત રહ્યાં હતા. દેશની આંતરિક અને બાહ્ય સુરક્ષા માટે BSF સક્રિય છે અને ગુજરાતના કચ્છ તથા બનાસકાંઠા સહિત દેશની સરહદો પર BSF સતર્ક, સજ્જ હોવાનું DIG આર એસ રાઠોરે મીડિયા સાથેની વાતચીતમાં જણાવ્યું.

દર વખતે BSF હડક્વાર્ટર ખાતે ફ્રટીયર વડાના  હસ્તે ધ્વજવંદન કરવામાં આવે છે. આજે પણ ગુજરાત  ફ્રન્ટીયરના વડા IG જ્ઞાનેન્દ્ર સિંહ માલિકના હસ્તે ધ્વજવંદન નિર્ધારિત હતું પરંતુ અચાનક દિલ્હીનૂ તેડું આવતા તેઓના સ્થાને DIG આર એસ રાઠોરના હસ્તે ધ્વજવંદન કરાયું હતું. આમ દેશની રક્ષા કરનારા જવાનોએ તિરંગાને સલામી આપી હતી.