World Organ Donation Day 2021: બિગ બીથી લઈને બજરંગી ભાઈજાન સુધી, જાણો બોલિવૂડના ક્યા કલાકારોએ કર્યું છે અંગદાન

World Organ Donation Day 2021: બિગ બીથી લઈને બજરંગી ભાઈજાન સુધી, જાણો બોલિવૂડના ક્યા કલાકારોએ કર્યું છે અંગદાન
World Organ Donation Day 2021

વિશ્વ અંગદાન દિવસ દર વર્ષે 13 ઓગસ્ટના રોજ ઉજવવામાં આવે છે. દર વર્ષે મોટી સંખ્યામાં લોકો તેમના અંગોનું દાન કરે છે. બોલિવૂડના જાણીતા કલાકારોના નામ પણ આ યાદીમાં સામેલ છે.

TV9 GUJARATI

| Edited By: Jayraj Vala

Aug 13, 2021 | 3:42 PM

World Organ Donation Day 2021: વિશ્વ અંગદાન દિવસ દર વર્ષે 13 ઓગસ્ટના રોજ ઉજવવામાં આવે છે. તેનો મુખ્ય ઉદ્દેશ લોકોને અંગદાન માટે પ્રોત્સાહિત કરવાનો છે. સરળ શબ્દોમાં કહીએ તો અંગદાન એ પ્રક્રિયા છે જેના હેઠળ વ્યક્તિઓ તેમના અંગોનું દાન કરે છે. જીવંત અને મૃત અવસ્થામાં અંગોનું દાન કરવામાં આવે છે. અંગદાન કોઈપણ સ્વસ્થ વ્યક્તિ દ્વારા કરી શકાય છે.

આમાં વ્યક્તિઓ સ્વેચ્છાએ તેમના અંગોનું દાન કરે છે. અંગદાનમાં વ્યક્તિઓ હૃદય, આંખો, યકૃત, હૃદય વાલ્વ, ચેતા, સ્વાદુપિંડ, નાના આંતરડા, ચામડી અને હાડકાની પેશીઓ જેવા અંગોનું દાન કરી શકે છે. આ અવયવો જરૂરિયાતમંદ લોકોમાં ટ્રાન્સપ્લાન્ટ કરવામાં આવે છે. દર વર્ષે મોટી સંખ્યામાં લોકો તેમના અંગોનું દાન કરે છે. બોલિવૂડના જાણીતા કલાકારોના નામ પણ આ યાદીમાં સામેલ છે. તેમાંથી અમિતાભ બચ્ચનનું અને સલમાન ખાનનું નામ ટોચ પર છે. ચાલો જાણીએ બોલિવૂડ કલાકારો વિશે જેમણે અંગોનું દાન કર્યું છે.

અમિતાભ બચ્ચન

આ યાદીમાં સદીના મબાનાયક અમિતાભ બચ્ચનનું નામ સૌથી ઉપર છે. એક અહેવાલ પ્રમાણે બિગ બીએ પોતાની આંખોનું દાન કર્યું છે. બોલીવુડ અભિનેત્રી એશ્વર્યા રાય બચ્ચન અને રાની મુખર્જી પણ આ યાદીમાં છે. તેણે પણ પોતાની આંખોનું દાન કર્યું છે.

આમિર ખાન

વર્તમાન સમયમાં આમિર ખાન છૂટાછેડાને લઈને ચર્ચામાં છે. તેમની ગણતરી બોલીવુડના દિગ્ગજ અભિનેતાઓમાં થાય છે. વર્ષ 2014માં Maharashtra Cadaver Organ Donation Day નિમિત્તે આમિર ખાને અંગોનું દાન કર્યું હતું. આ અંગે ખાને કહ્યું છે કે, તેમણે આંખો, લીવર, કિડની, આંતરડા, ફેફસાં, હૃદય, સ્વાદુપિંડ વગેરે જેવા મહત્વના અંગોનું દાન કર્યું છે.

સલમાન ખાન

મળતા અહેવાલ સમાચાર સલમાન ખાને પણ બોન મેરોનું દાન કર્યું છે. સાથે જ સલમાન પોતાના ચાહકો અને સામાન્ય લોકોને અંગોનું દાન કરવા માટે પ્રોત્સાહિત કરે છે. અભિનેતા રણવીર સિંહ અને આર. માધવને પણ તેમના અંગોનું દાન કર્યું છે. અંગદાન એક મહાન દાન છે. આ માટે દાન કરો. ઉપરાંત તમારી આસપાસના લોકોને અંગોનું દાન કરવા પ્રોત્સાહિત કરો.

આ પણ વાંચો: New Delhi: દેશમાં આંતરિક મુસાફરી થઈ મોંધી, આજથી રાષ્ટ્રીય ફ્લાઇટની ટિકિટોના દરમાં 12.5% વધારો

Follow us on

Related Stories

Most Read Stories

Click on your DTH Provider to Add TV9 Gujarati