આ ખતરનાક ગુનેગાર પર બની છે સોનાક્ષી સિન્હાની ‘Dahaad’, જેણે પ્રેમની જાળમાં ફસાવીને મારી હતી 20 છોકરીઓને
Vijay Varma Role In Dahaad : વેબ સિરીઝ દહાડમાં વિજય વર્માનું પાત્ર વાસ્તવિક જીવનના સાયકો કિલર સાથે મેળ ખાય છે. જેણે 20 છોકરીઓને પ્રેમની જાળમાં ફસાવીને મારી નાખી હતી. આવો તમને તે ખતરનાક ગુનેગાર વિશે જણાવીએ.
Vijay Varma Role In Dahaad: OTT પ્લેટફોર્મ ડિઝની પ્લસ હોટસ્ટાર પર 12 મેના રોજ રીલિઝ થયેલી સોનાક્ષી સિન્હા અને વિજય વર્માની વેબ સિરીઝ દહાડને ખૂબ પસંદ કરવામાં આવી રહી છે. સિરીઝમાં સોનાક્ષીએ પોલીસ ઓફિસરની ભૂમિકા ભજવી છે, વિજય સાયકો કિલરના રોલમાં જોવા મળી રહ્યો છે. આજે અમે તમને રિયલ લાઈફના આવા જ ભયંકર ગુનેગાર વિશે જણાવવા જઈ રહ્યા છીએ, જેની પાસેથી વિજય વર્માનું પાત્ર પ્રેરિત હોવાનું કહેવાય છે.
આ પણ વાંચો : સોનાક્ષી સિન્હાની ‘દહાડ’, દેશની પહેલી વેબ સિરીઝનું બર્લિન ફિલ્મ ફેસ્ટિવલમાં થશે સ્ક્રિનિંગ
આવી છે વેબસિરીઝની સ્ટોરી
દહાડની વાર્તામાં બતાવવામાં આવ્યું છે કે, અંજલિ નામની પોલીસ ઓફિસર એટલે કે સોનાક્ષી સિન્હા એક ગુમ થયેલી છોકરીની શોધમાં લાગેલી છે. તપાસ દરમિયાન તેમને ખબર પડી કે હજુ પણ ઘણી છોકરીઓ ગુમ છે, જેનું ઠેકાણું નથી. આ છોકરીઓના ગુમ થવા પાછળ આનંદ સ્વર્ણકાર (વિજય વર્મા) નામના ભયંકર ગુનેગારનો હાથ છે, જેણે આ બધી છોકરીઓની હત્યા કરી છે.
View this post on Instagram
આવો જ એક ભયંકર ગુનેગાર વાસ્તવિક જીવનમાં પણ બન્યો છે, જે સાઇનાઇડ મોહન તરીકે પ્રખ્યાત હતો. તે પોતાના પ્રેમની જાળમાં છોકરીઓને ફસાવતો અને પછી તેમની હત્યા કરતો હતો. કહેવામાં આવી રહ્યું છે કે, રોરમાં બતાવવામાં આવેલા વિજયા વર્માનું પાત્ર એ જ સાયકો કિલરથી પ્રેરિત છે.
સાયનાઇડ મોહન, તસવીર-પીટીઆઈ
સાયનાઇડ મોહન વિશે જાણો
સાઇનાઇડ મોહનનું સાચું નામ મોહન કુમાર હતું. જેઓ શિક્ષક હતા. 2003 થી 2009 ની વચ્ચે તેણે કર્ણાટકમાં લગભગ 20 છોકરીઓની હત્યા કરી હતી. તે 25 થી 30 વર્ષની છોકરીઓને નિશાન બનાવતો હતો. પહેલા તે તેમની સાથે મિત્રતા કરતો અને પછી પ્રેમમાં હોવાનો ડોળ કરતો. લગ્નના નામે તે યુવતીઓ સાથે શારીરિક સંબંધ બાંધતો હતો અને પછી ગર્ભપાતના નામે તે યુવતીઓને સાઈનાઈડ પીવડાવતો હતો. જેના કારણે યુવતીઓ મૃત્યુ પામી હતી અને પછી તે તેમના દાગીના લઈને ભાગી જતો હતો.
View this post on Instagram
અહીંયાથી થઈ હતી ધરપકડ
સાઇનાઇડ મોહન હવે બેલાગાવીની સેન્ટ્રલ જેલમાં સજા કાપી રહ્યો છે. અહેવાલો અનુસાર તેને આજીવન કેદની સજા ફટકારવામાં આવી છે. પોલીસે તેની 2009માં મેંગલુરુના એક ગામમાંથી ધરપકડ કરી હતી.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
