Kingdom Trailer : વિજય દેવેરાકોંડાની ફિલ્મ કિંગડમ ટ્રેલર થયું રિલીઝ, જુઓ-Video
વિજય દેવરકોંડાની ફિલ્મ કિંગડમ 31 જુલાઈના રોજ સિનેમાઘરોમાં રિલીઝ થવાની તૈયારીમાં છે. ગૌતમ તિન્નાનુરી, જેમણે મલ્લી રાવા અને જર્સી જેવી ફીલ-ગુડ ફિલ્મોનું દિગ્દર્શન કર્યું છે, તેમણે કિંગડમનું નિર્દેશન તેમની પાછલી ફિલ્મો કરતાં અલગ શૈલીમાં કર્યું છે.
ટોલીવુડના દબંગ હીરો વિજય દેવરકોંડાની ફિલ્મ કિંગડમ રિલીઝ માટે તૈયાર છે. આ ફિલ્મ એક્શનથી ભરપુર ફિલ્મ છે. 31 જુલાઈના રોજ સિનેમાઘરોમાં રિલીઝ થવાની તૈયારીમાં છે. ગૌતમ તિન્નાનુરી, જેમણે મલ્લી રાવા અને જર્સી જેવી ફીલ-ગુડ ફિલ્મોનું દિગ્દર્શન કર્યું છે, તેમણે કિંગડમનું નિર્દેશન તેમની પાછલી ફિલ્મો કરતાં અલગ શૈલીમાં કર્યું છે.
રિલિઝ પહેલા જ કિંગડમની બોલબાલા
આ ફિલ્મમાં ભાગ્યશ્રી બોરસે નાયિકાની ભૂમિકા ભજવી રહી છે, જ્યારે સત્યદેવ બીજી એક મહત્વપૂર્ણ ભૂમિકામાં છે. નાગા વંશી અને સાઈ સૌજન્યએ સીતારા એન્ટરટેઈનમેન્ટ્સ અને ફોર્ચ્યુન ફોર સિનેમાના બેનર હેઠળ ફિલ્મનું નિર્માણ કર્યું છે. જેમ જેમ રિલીઝ તારીખ નજીક આવી રહી છે, તેમ તેમ નિર્માતાઓએ ફિલ્મના પ્રમોશનમાં વધારો કર્યો છે. સ્ટાર ડિરેક્ટર સંદીપ રેડ્ડી વાંગા દ્વારા હીરો વિજય દેવરકોંડા અને ડિરેક્ટર ગૌતમ તિન્નાનુરી સાથે કરવામાં આવેલા પોડકાસ્ટ સ્પેશિયલ ઇન્ટરવ્યુને પહેલાથી જ ચાહકો તરફથી અણધાર્યો પ્રતિસાદ મળ્યો છે. જે બાદથી ફિલ્મને લઈને ઘણી ઉત્સુકતા વધી છે.
That’s a wrap for the #KingdomTrailer Launch Event
The cheers, the energy everything was on a whole different vibe with all your love pouring in #KingdomTrailer Out Now – https://t.co/yBzWSVacSH#Kingdom #KingdomOnJuly31st @TheDeverakonda @anirudhofficial @gowtam19… pic.twitter.com/CgQHor1dwT
— Sithara Entertainments (@SitharaEnts) July 26, 2025
કિંગડમનું ટ્રેલર રિલિઝ
આ દરમિયાન, નિર્માતાઓએ શનિવારે (27 જુલાઈ) તિરુપતિમાં કિંગડમનું ટ્રેલર રિલીઝ કર્યું છે. વિજય તેમાં ખૂબ જ મજબૂત દેખાઈ રહ્યો છે. ફિલ્મમાં તેના કેરેક્ટરે ફેન્સને પ્રભાવિત કર્યા છે . હાલમાં, કિંગડમનું ટ્રેલર ઇન્ટરનેટ પર ખૂબ ટ્રેન્ડ કરી રહ્યું છે. તેને યુટ્યુબ પર પણ રેકોર્ડ વ્યૂઝ મળી રહ્યા છે. ટ્રેલરની અસર એડવાન્સ બુકિંગ પર પણ સ્પષ્ટપણે દેખાય છે. ટ્રેલર રિલીઝ થયા પછી, કિંગડમની પ્રીમિયર ટિકિટો મોટી સંખ્યામાં વેચાઈ રહી છે.
31 જુલાઈના રોજ ફિલ્મ થશે રિલિઝ
ફિલ્મ કિંગડમ 31 જુલાઈના રોજ સમગ્ર ભારતમાં રિલીઝ થશે. આ ફિલ્મ ‘સામ્રાજ્ય’ શીર્ષક સાથે હિન્દીમાં રિલીઝ થઈ રહી છે. હિન્દીની સાથે, તમિલ ફિલ્મનું ટ્રેલર પણ આજે રાત્રે રિલીઝ થવાની ધારણા છે. નોંધનીય છે કે અનિરુદ્ધે આ ફિલ્મનું સંગીત આપ્યું છે.
હિન્દી ફિલ્મ ઈન્ડસ્ટ્રી જેને બોલિવુડના નામથી ઓળખવામાં આવે છે. બોલિવૂડનું નામ અંગ્રેજી ફિલ્મ ઈન્ડસ્ટ્રી હોલીવુડની તર્જ પર રાખવામાં આવ્યું હતું. બોલિવુડના વધારે ન્યૂઝ જોવા માટે અહીં ક્લિક કરો.
