આવી ગયું Bhuj: The Pride Of India નું ટીઝર: સાંભળો અજય દેવગનનો રુંવાડા ઉભા કરી દે તેવો ડાયલોગ
1971 ના ભારત-પાકિસ્તાન યુદ્ધ પર આધારિત અજય દેવગનની ફિલ ભુજ: ધ પ્રાઈડ ઓફ ઇન્ડિયાનું ટીઝર આવી ગયું છે. ચાલો જણાવી દઈએ આ ફિલ્મ વિશે.
જે ફિલ્મની ઘણા સમયથી રાહ જોવાઈ રહી છે, આખરે એનું ટીઝર આવી જ ગયું. જી હા અજય દેવગન (Ajay Devgan) અને નોરા ફતેહીએ ‘ભુજ: ધ પ્રાઈડ ઓફ ઇન્ડિયા’ (Bhuj: The Pride Of India)નું ટીઝર પોતાના સોશિયલ મીડિયા પર શેર કર્યું છે. એટલું જ નહીં નોરાએ (Nora Fatehi) તો સાથે એ પણ જણાવ્યું છે કે આવતી કાલે એટલે કે 12 જુલાઈના રોજ આ ફિલ્મનું ટ્રેલર પણ આવવા જઈ રહ્યું છે. તમને જણાવી દઈએ કે આ ફિલ્મ 13 ઓગસ્ટે હોટસ્ટાર પર રિલીઝ કરવામાં આવશે.
ફિલ્મના ટીઝરમાં ફિલ્મની નાની ઝલક બતાવવામાં આવી છે. ટીઝર થોડા સમય પહેલા જ આવ્યું છે. એવામાં ખુબ ધમાલ મચાવી રહ્યું છે. લોકો પણ તેને શેર કરી રહ્યા છે. ટીઝરમાં ભયંકર યુદ્ધના થોડા દ્રશ્યો બતાવવામાં આવ્યા છે. આ પરથી અંદાજો લગાવી શકાય છે કે ફિલ્મ કેવી હશે. ટીઝરમાં નોરા ફતેહી, સંજય દત્ત, સોનાક્ષી સિન્હા અને અજય દેવગનના થોડો લૂક બતાવવામાં આવ્યા છે.
આ ટીઝરમાં લોકોને કંઇક સૌથી વધુ પસંદ પડી રહ્યું હોય એ અને વાયરલ થઇ રહ્યું હોય તો એ છે અજય દેવગનનો ડાયલોગ. જી હા આ ડાયલોગ સાંભળતા જ રુંવાડા ઉભા થઇ જાય એવી ફીલિંગ્સ આવે એમ છે. તમે પણ જુઓ ટીઝર અને સાંભળો ડાયલોગ.
THE GREATEST BATTLE EVER FOUGHT. TRAILER OUT TOMORROW.#BhujThePrideOfIndia releasing on 13th August only on @DisneyplusHSVIP#DisneyPlusHotstarMultiplex @duttsanjay #SonakshiSinha @AmmyVirk #NoraFatehi @SharadK7 @pranitasubhash @ihanaofficial @AbhishekDudhai6 pic.twitter.com/qHMfda9KZF
— Ajay Devgn (@ajaydevgn) July 11, 2021
સત્ય ઘટના પર આધારિત છે આ ફિલ્મ
આ ફિલ્મ અભિષેક દુધૈયા દ્વારા દિગ્દર્શિત છે. ફિલ્મ એક સાચી ઘટના પર આધારિત છે. ફિલ્મમાં 1971 ના ભારત-પાકિસ્તાન યુદ્ધની વાત બતાવવામાં આવી છે. અજય દેવગન (Ajay Devgan) સ્કોડ્રન લીડર વિજય કાર્નિક (Squadron Leader Vijay Karnik) ની ભૂમિકામાં જોવા મળશે. તેઓ 1971 માં ભારત-પાકના યુધ્ધ દરમ્યાન ભુજ હવાઈ મથકના ઇન ચાર્જ હતા.
વિજય કાર્નિક અને તેમની ટીમે 300 સ્થાનિક મહિલાઓની મદદથી ગુજરાતનાં ભુજમાં નષ્ટ થયેલી ભારતીય વાયુ સેના (Indian Air Force) ની હવાઈ પટ્ટીનું પુનઃ નિર્માણ કર્યું હતું. જે ઘટનાને ‘પર્લ હાર્બર’ (Pearl Harbour) તરીકે ઓળખવામાં આવે છે.