શહનાઝનું ખુલ્યું નસીબ, ‘કિસી કા ભાઈ કિસી કી જાન’ પછી હવે આ મોટી ફિલ્મમાં એન્ટ્રી
Shehnaaz Gill Nikhil Advani Film: બોલીવુડમાં ડેબ્યુ કરતા પહેલા શહનાઝ ગીલ પાસે બીજો મોટો પ્રોજેક્ટ હાથમાં છે. તે નિર્માતા નિખિલ અડવાણીની ફિલ્મમાં જોવા મળશે.
સલમાન ખાનના ટીવી રિયાલિટી શો ‘બિગ બોસ’ની 13મી સીઝનમાં આવ્યા બાદ શહેનાઝ ગિલની લોકપ્રિયતા ઘણી વધી ગઈ છે. હવે તે ઘણીવાર ચર્ચાનો હિસ્સો બની છે. શહનાઝ ગિલ ટૂંક સમયમાં સલમાન ખાનની આગામી ફિલ્મ ‘કિસી કા ભાઈ કિસી કી જાન’થી બોલિવૂડમાં ડેબ્યૂ કરવા જઈ રહી છે.
‘કિસી કા ભાઈ કિસી કી જાન’ 2023ની ઈદ પર રિલીઝ થવા જઈ રહી છે. આ ફિલ્મની રિલીઝ પહેલા, શહનાઝ ગિલના હાથમાં વધુ એક મોટો પ્રોજેક્ટ છે. ઇટાઈમ્સના અહેવાલ અનુસાર, શહનાઝ ગિલ નિર્માતા નિખિલ અડવાણીની આગામી ફિલ્મમાં જોવા મળશે, જેના માટે તેને પણ કાસ્ટ કરવામાં આવી છે. શહનાઝ ઉપરાંત વાણી કપૂર પણ આ ફિલ્મનો એક ભાગ છે.
નિખિલ અડવાણીની ફિલ્મ મહિલા કેન્દ્રિત ફિલ્મ
આ સમાચારમાં, ફિલ્મ સાથે જોડાયેલા સૂત્રોને ટાંકીને કહેવામાં આવ્યું હતું કે આ એક મહિલા કેન્દ્રિત ફિલ્મ બનવા જઈ રહી છે જેમાં તમામ અભિનેત્રીઓનો સમાન રોલ હશે. આ ફિલ્મનું શૂટિંગ ગયા વર્ષે જ શરૂ થવાનું હતું, પરંતુ હવામાનને કારણે શૂટિંગમાં વિલંબ થયો હતો.
એવું કહેવામાં આવી રહ્યું છે કે, શહનાઝ ગિલ આ ફિલ્મમાં તેના પાત્રમાં આવવા માટે સખત મહેનત કરી રહી છે. આ સાથે તે પોતાનું કામ વધુ સારી રીતે કરવા માટે એક્ટિંગની ટ્રેનિંગ પણ લઈ રહી છે.
રિયા કપૂરની ફિલ્મમાં પણ જોવા મળશે
હવે જોવાનું એ રહેશે કે નિખિલ અડવાણીની આ ફિલ્મ કે જેમાં શહનાઝ ગિલ ભાગ હશે તેની સત્તાવાર માહિતી ક્યારે સામે આવે છે. તમને જણાવી દઈએ કે, આ પ્રોજેક્ટ અને ‘કિસી કા ભાઈ કિસી કી જાન’ સિવાય શહનાઝ ગિલ રિયા કપૂરની ફિલ્મમાં પણ જોવા મળશે, જેનું નિર્દેશન રિયા કપૂરના પતિ કરણ બુલાની કરી રહ્યા છે.
જો કે, શહેનાઝ ગિલના ચાહકો તેની પ્રથમ બોલિવૂડ ફિલ્મ ‘કિસી કા ભાઈ કિસી કા જાન’ની લાંબા સમયથી રાહ જોઈ રહ્યા છે. આ ફિલ્મમાં સલમાન ખાન અને શહનાઝ ગિલ સાથે પૂજા હેગડે પણ જોવા મળશે.29 વર્ષની શહનાઝને બાળપણથી જ એક્ટિંગનો ખૂબ જ શોખ હતો અને તેણે પોતાના શોખને સ્કિલમાં બદલી નાખ્યો. તેણીએ ખૂબ જ નાની ઉંમરથી મોડલિંગ શરૂ કર્યું હતું. શહનાઝનો પહેલો મ્યુઝિક વીડિયો ‘શિવ દી કિતાબ’ વર્ષ 2015માં રિલીઝ થયો હતો, જે ગુરવિંદર બ્રારે ગાયું હતું.