KBC 14: ચુપચાપ લોકોની નજરોથી બચીને કુંભ મેળામાં ગયો અક્ષય કુમાર, હેરાન થઈ ગયા અમિતાભ બચ્ચન

સોની ટીવીના ક્વિઝ રિયાલિટી ગેમ શો કૌન બનેગા કરોડપતિ 14ના હોસ્ટ અમિતાભ બચ્ચન શો દરમિયાન એક્ટર અક્ષય કુમારની મજાક ઉડાવતા જોવા મળશે. અક્ષય કુમાર અપકમિંગ કેબીસીના સ્પેશિયલ એપિસોડમાં ગેસ્ટ તરીકે જોવા મળશે. આ એપિસોડની એક ઝલક સોની ટીવીએ તેના સોશિયલ મીડિયા પર શેયર કરી છે. આ વીડિયોમાં અક્ષય કુમારને અમિતાભ બચ્ચનની સામે હોટસીટ પર બેઠેલો જોઈ શકીએ છીએ. આ દરમિયાન અક્ષય કુમારે ‘કુંભ મેળા’ વિશે કેટલીક રસપ્રદ વાતો જણાવી.

આ એપિસોડ દરમિયાન અક્ષય કુમાર અને અમિતાભ બચ્ચન ફેમસ ‘કુંભ મેળા’ વિશે ચર્ચા કરતા જોવા મળ્યા હતા. તમને જણાવી દઈએ કે કુંભ મેળા દર વર્ષે દેશના ચાર પવિત્ર શહેરો હરિદ્વાર, ઉજ્જૈન, નાસિક અને અલ્હાબાદમાં આયોજિત કરવામાં આવે છે. કુંભ મેળા વિશે વાત કરતાં અમિતાભ બચ્ચને તેમના સેલિબ્રિટી ગેસ્ટ અક્ષય કુમારને પૂછ્યું, “શું અક્ષયે ક્યારેય વાસ્તવિક જીવનમાં કુંભ મેળો જોયો છે?” અક્ષય કુમારે આ સવાલનો જવાબ આપતા એક રસપ્રદ વાત ફેન્સ સાથે શેર કરી હતી.

અહીં જુઓ અક્ષય કુમાર અને અમિતાભ બચ્ચનનો વીડિયો

View this post on Instagram

A post shared by Sony Entertainment Television (@sonytvofficial)

અક્ષય કુમાર કુંભ મેળામાં ગયો હતો

અક્ષયે એ વાતની પુષ્ટિ કરી હતી કે “જ્યારે મને તક મળી ત્યારે હું કુંભ મેળામાં ચુપચાપ ચાલ્યો ગયો અને પછી પાછો આવ્યો.” તેનો જવાબ સાંભળીને અમિતાભ બચ્ચને અક્ષય કુમારની મજાક કરતા કહ્યું, “તે ચૂપ ચાપ ગયો હતો”? અમિતાભ બચ્ચનના આ મજાકનો અક્ષય કુમારે પણ ફની રીતે જવાબ આપ્યો. તેને બિગ બીને પૂછ્યું, “શા માટે, હું ચૂપ ચાપ નથી જઈ શકતો? તમે પણ અમુક જગ્યાઓ પર ચુપચાપ જાવ છો, તો અમે ક્યાંય કેમ ના જઈ શકીયે.

કેબીસીના છેલ્લા સપ્તાહમાં સામેલ થશે ઘણા મોટા ચહેરા

અક્ષય કુમારના આ જવાબથી થોડા સમય માટે અમિતાભ બચ્ચન પણ હેરાન થઈ જાય છે અને પછી બંને હસવા લાગ્યા. એક ક્ષણ માટે શું બોલવું તે જાણ્યા પછી અમિતાભ બચ્ચન હસ્યા અને કહ્યું, “ના ના.” જ્યારે અક્ષય પણ જોરથી હસી પડ્યો. તમને જણાવી દઈએ કે આ કેબીસીની સીઝન 14નું છેલ્લું અઠવાડિયું છે. આ શોમાં વિકી કૌશલ, કિયારા અડવાણી, શાર્ક ટેન્ક ઈન્ડિયાના જજ અમન ગુપ્તા અને વિનિતા સિંહ અને શેફ વિકાસ ખન્ના જેવા ઘણા પ્રખ્યાત લોકો પણ સામેલ થવાના છે.