કપિલ શર્માની (Kapil Sharma) સ્ટાઈલ અને તેની કોમેડીના દરેક લોકો ફેન છે. સોશિયલ મીડિયા પર તેના લાખો ચાહકો છે. કોમેડિયન જે રીતે તેમના ચાહકોનું મનોરંજન કરે છે, તેમના ચાહકો પણ તેમના મનપસંદ હાસ્ય કલાકારને વિશેષ અનુભવ કરાવવામાં કોઈ કસર છોડતા નથી. આજે કપિલ શર્માએ પોતાના સોશિયલ મીડિયા હેન્ડલ પરથી આવા જ એક ફેનની માફી માંગી છે. વાસ્તવમાં કપિલ શર્માનો એક મોટો ફેન તેના આઈડલને મળવા લખનૌથી મુંબઈ (Mumbai) આવ્યો હતો. તમને જણાવી દઈએ કે લખનૌથી મુંબઈ આવેલા આ ફેન કપિલ માટે ખાસ ગિફ્ટ પણ લઈને આવ્યા હતા.
Hi manish, thank you for the beautiful sketch, n sorry for the inconvenience, studio was full that’s why they didn’t allow, see you some other time. Lots of love ❤️🙏 https://t.co/FtC70p8Nz0
— Kapil Sharma (@KapilSharmaK9) May 11, 2022
કપિલના આ ફેનનું નામ મનીષ ગુપ્તા છે. મનીષ ગુપ્તા પોતાની સાથે કપિલનો સ્કેચ લાવ્યો હતો. જોકે, તેને સ્ટુડિયોમાં પ્રવેશવા દેવામાં આવ્યો ન હોવાથી તે નિરાશ થયો હતો. કપિલ શર્માને ટ્વીટ કરીને મનીષે લખ્યું કે “હાય કપિલ શર્મા સર, મારું નામ મનીષ ગુપ્તા છે, મેં તમારો સ્કેચ બનાવ્યો છે, તમારી સાથે મેં અક્ષય કુમાર સર અને માનુષી છિલ્લર તેમજ તમારી આખી ટીમનો સ્કેચ બનાવ્યો છે. આજે હું તમારા શોમાં આ આપવા આવ્યો હતો, પરંતુ તેઓએ મને મંજૂરી ન આપી, હું લખનૌથી આવ્યો હતો. મનીષે આ પોસ્ટ સાથે અનેક ઈમોજીનો પણ ઉપયોગ કર્યો હતો.
મનીષના આ ટ્વીટને ટાંકીને કપિલે તેના ફેન્સને ન માત્ર જવાબ આપ્યો, પરંતુ તેની માફી પણ માંગી. તેણે તેના જવાબમાં લખ્યું કે હાય મનીષ, આ સુંદર સ્કેચ માટે તમારો આભાર અને તમને જે અસુવિધાનો સામનો કરવો પડ્યો તેના માટે હું માફી માંગુ છું. ખરેખર સ્ટુડિયો સંપૂર્ણ ભરાઈ ગયો હોવાથી તમને અંદર આવવાની મંજૂરી આપવામાં આવી ન હતી. આ વખતે મળી શક્યા નથી પણ ફરી ચોક્કસ મળીશું. તમને ઘણો પ્રેમ.
વેલ, આ પહેલીવાર નથી જ્યારે કપિલ શર્માને તેના ચાહકો દ્વારા ભેટ આપવામાં આવી હોય. ગયા અઠવાડિયે શરૂઆતમાં, કપિલ શર્મા શોના સેટ પર એક ચાહકે કોમેડિયનને એક ચિત્ર ભેટ આપીને આશ્ચર્યચકિત કરી દીધું હતું. કપિલે તે ફેન સાથે ફોટો પણ પડાવ્યો હતો. ‘ધ કપિલ શર્મા શો’ દર્શકોમાં ઘણો ફેમસ છે. દેશભરમાંથી લોકો તેનો શો જોવા આવે છે. તાજેતરમાં, તેણે નેટફ્લિક્સ પર સ્ટેન્ડ-અપ કોમેડી એક્ટ દ્વારા દર્શકોનું મનોરંજન કર્યું.