Actor Pawan Death : તમિલ અભિનેતા પવનનું કાર્ડિયાક અરેસ્ટથી નિધન, નાની વયે લીધા અંતિમ શ્વાસ
તમિલ અને હિન્દીમાં ઘણી સિરિયલોમાં કામ કરનાર 25 વર્ષીય ટીવી એક્ટર પવન ( Actor Pawan )નું નિધન થયું છે. હૃદયરોગના હુમલાને કારણે તેમનું મૃત્યુ થયું હતું.
મનોરંજન ઉદ્યોગમાં કાર્ડિયાક અરેસ્ટને કારણે ઘણા સ્ટારના મૃત્યુ થયા છે. લોકપ્રિય કન્નડ સ્ટાર પુનીત રાજકુમાર પણ એવા લોકોમાં સામેલ હતા જેમણે હાર્ટ એટેકના કારણે જીવ ગુમાવ્યો હતો. તેમના મૃત્યુના સમાચારે સાઉથ ફિલ્મ ઉદ્યોગને હચમચાવી દીધો હતો. અને હવે વધુ એક યુવા અભિનેતા (Actor Pawan)નું કાર્ડિયાક અરેસ્ટને કારણે અવસાન થયું છે. મીડિયા રિપોર્ટ્સ અનુસાર, હિન્દી અને તમિલ ટીવી એક્ટર પવન સિંહનું માત્ર 25 વર્ષની ઉંમરે હાર્ટ એટેકના કારણે અવસાન થયું હતું. પવનનું નિધન તેના મુંબઈના ઘરે થયું હતું
પવન કર્ણાટકનો હતો
પવન કર્ણાટકના માંડ્યા જિલ્લાનો રહેવાસી હતો. અહેવાલ મુજબ, પવનના મૃતદેહને મુંબઈથી તેના વતન માંડ્યા લાવવામાં આવશે, જ્યાં તેના પરિવારના સભ્યો દ્વારા તેના અંતિમ સંસ્કાર કરવામાં આવશે. કર્ણાટકનો હોવા છતાં કામના સંબંધમાં તે પરિવાર સાથે મુંબઈમાં રહેતો હતો. તેણે હિન્દી અને તમિલની ઘણી સિરિયલોમાં કામ કર્યું હતું. બીજી તરફ પવનના આકસ્મિક મૃત્યુથી તેનો આખો પરિવાર ઘેરા શોકમાં છે. જો કે, હજી સુધી અભિનેતાના મૃત્યુની વિગતો અંગે કોઈ સત્તાવાર માહિતી આપવામાં આવી નથી,
આ પણ વાંચો : Gadar 2 Collection Day 8: Gadar 2એ બોક્સ ઓફિસ પર ધૂમ મચાવી, આઠમા દિવસે પણ કર્યું શાનદાર કલેક્શન
થોડા દિવસ પહેલા જ અભિનેતા વિજય રાધવેન્દ્રની પત્ની સ્પંદના થાઈલેન્ડમાં વેકેશન માણવા ગઈ હતી. જ્યાં તેનું નિધન થયું હતુ, તેના મૃત્યુથી આખું કન્ન્ડ ફિલ્મ ઈન્ડસ્ટ્રીને ઝટકો લાગ્યો છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
Published On - 12:44 pm, Sat, 19 August 23