Stree 2 Box Office Collection Day 2: “સ્ત્રી 2” એ રચ્યો ઈતિહાસ, 100 કરોડના ક્લબમાં પ્રવેશનારી 4 ફિલ્મ બની
સ્ત્રી 2 સાથે, અક્ષય કુમાર અને તાપસી પન્નુની 'ખેલ ખેલ મેં' અને જ્હોન અબ્રાહમની 'વેદા' થિયેટરોમાં રિલીઝ થઈ હતી, પરંતુ શરૂઆતના દિવસે શ્રદ્ધા કપૂર અને રાજકુમાર રાવની ફિલ્મ સાથે સ્પર્ધા કરવામાં નિષ્ફળ રહી હતી. બે મોટા સ્ટાર્સની ફિલ્મો પછી પણ, સ્ત્રી 2 પ્રેક્ષકોની વચ્ચે પોતાનું સ્થાન જાળવી રાખવામાં સફળ રહી
શ્રદ્ધા કપૂર, રાજકુમાર રાવ, પંકજ ત્રિપાઠી, અપારશક્તિ ખુરાના અને અભિષેક બેનર્જી સ્ટારર ‘સ્ત્રી 2’ એ પહેલા જ દિવસે બોક્સ ઓફિસ પર ધમાલ મચાવી હતી. દર્શકો આ હોરર કોમેડીની કેટલી રાહ જોઈ રહ્યા હતા તેનો અંદાજ એ વાત પરથી લગાવી શકાય છે કે આ ફિલ્મની સામે થિયેટરોમાં સુપરસ્ટાર અક્ષય કુમાર અને જ્હોન અબ્રાહમની ફિલ્મો છે, પરંતુ કમાણીના મામલામાં કોઈ તેની નજીક નથી. આ ફિલ્મે પ્રથમ દિવસે ભારતમાં કુલ રૂ. 60.3 કરોડની કમાણી કરી હતી, જ્યારે તેનું કુલ કલેક્શન રૂ. 76.5 કરોડની આસપાસ રહ્યું હતું. હવે ફિલ્મની બીજા દિવસની કમાણીના આંકડા પણ સામે આવ્યા છે, જે દર્શાવે છે કે બીજા દિવસે પણ ફિલ્મ પર ઘણી કમાણી થઈ છે.
2 દિવસમાં સ્ત્રી 2ની છપ્પડફાડ કમાણી
સ્ત્રી 2, તેની રજૂઆતના બીજા દિવસે, 30 કરોડનું કલેક્શન થયું. ત્યારે પહેલા અને બીજા એમ બે જ દીવસમાં સ્ત્રી 2 ની કુલ કમાણી રૂ. 100 કરોડથી વધુ થઈ ગઈ છે, જે આ કેટેગરીની ફિલ્મ માટે નોંધપાત્ર સિદ્ધિ છે. સ્ત્રી 2 અને લોંગ વીકએન્ડ વિશે પ્રેક્ષકોમાં ક્રેઝને ધ્યાનમાં લેતા, ટ્રેડ એનાલિસ્ટ્સનું અનુમાન છે કે સપ્તાહના અંત સુધીમાં તે સરળતાથી રૂ. 200 કરોડનો આંકડો પાર કરી જશે.
‘વેદા’ અને ‘ખેલ-ખેલ મેં’ સ્ત્રી 2 સાથે રિલીઝ થઈ
બીજી તરફ, સ્ત્રી 2 સાથે, અક્ષય કુમાર અને તાપસી પન્નુની ‘ખેલ ખેલ મેં’ અને જ્હોન અબ્રાહમની ‘વેદા’ થિયેટરોમાં રિલીઝ થઈ હતી, પરંતુ શરૂઆતના દિવસે શ્રદ્ધા કપૂર અને રાજકુમાર રાવની ફિલ્મ સાથે સ્પર્ધા કરવામાં નિષ્ફળ રહી હતી. બે મોટા સ્ટાર્સની ફિલ્મો પછી પણ, સ્ત્રી 2 પ્રેક્ષકોની વચ્ચે પોતાનું સ્થાન જાળવી રાખવામાં સફળ રહી, જેનું મુખ્ય કારણ દર્શકોની રાહ અને ફિલ્મ વિશે સકારાત્મક સમીક્ષાઓ હતી.
બે દિવસમાં 100 કરોડના ક્લબમાં પ્રવેશનારી ફિલ્મો
- પઠાણ 2 દિવસમાં – 123 કરોડ
- એનીમલ 2 દિવસમાં – 113.12 કરોડ
- જવાન 2 દિવસમાં – 111.73 કરોડ
- સ્ત્રી 2 દિવસમાં – 106.5 કરોડ
- ટાઇગર 3 103.75 કરોડ 2 દિવસમાં
- KGF: Part 2- 2 દિવસમાં – 100.74 કરોડ
અમર કૌશિક દ્વારા દિગ્દર્શિત ‘સ્ત્રી 2’ માં શ્રદ્ધા કપૂર અને રાજકુમાર રાવ તેમની મૂળ ભૂમિકાઓનું પુનરાવર્તન કરતા જોવા મળે છે. ફિલ્મમાં ચંદેરી શહેરમાં સિરકાટેની ભયાનકતા જોવા મળે છે. આ ભયંકર રાક્ષસથી છુટકારો મેળવવા માટે નગરવાસીઓ ફરી એકવાર મહિલા તરફ વળે છે. ફિલ્મમાં ઘણા આશ્ચર્યજનક કેમિયો છે, જેમાં ‘ભેડિયા’ના વરુણ ધવન અને અક્ષય કુમારનો સમાવેશ થાય છે.
