Raghav Juyal Girlfriend : રાઘવનું દિલ આવ્યુ આ વિદેશી સુંદરી પર, જાણીને શક્તિ મોહનના ફેન્સનું તૂટશે દિલ
જાણવા મળી રહ્યુ છે કે રાઘવ અને સાત સમંદર પારની આ હસીનાની મુલાકાત 2017માં એક ટ્રેક દરમિયાન થઈ હતી, જ્યાં પહેલા મિત્રતા થઈ હતી અને પછી બંનેએ 2018માં એકબીજાને ડેટ કરવાનું શરૂ કર્યું હતું.
ટીવીના ફેમસ ડાન્સ શો ડાન્સ દીવાનેના હોસ્ટ રાઘવ જુયાલ (Raghav Juyal) પોતાના અનોખ અંદાજથી લોકો સાથે હસી મજાક કરતા રહે છે, પરંતુ વાસ્તવિક જીવનમાં રાઘવ ખૂબ જ પ્રાઇવેટ વ્યક્તિ છે. શોમાં રાઘવ ઘણીવાર શોની જજ શક્તિ મોહન (Shakti Mohan) સાથે ફ્લર્ટ કરતો જોવા મળે છે, પરંતુ તમને જણાવી દઇએ કે રાઘવના દિલમાં શક્તિએ નહીં પરંતુ દૂર દેશની એક છોકરીએ જગ્યા બનાવી છે.
જે લોકો વિચારી રહ્યા છે કે રાઘવના દિલમાં શક્તિના પ્રેમની ઘંટડીઓ વાગે છે, તો તેઓ ગેરસમજમાં છે કારણ કે જો અહેવાલો પર વિશ્વાસ કરવામાં આવે તો, રાઘવ હાલમાં એક સ્વીડિશ છોકરીને ડેટ કરી રહ્યો છે. બંનેની કેટલીક તસવીરો વાયરલ થઈ રહી છે જેમાં આ લવ બર્ડ્સ ખૂબ જ ખુશ દેખાઈ રહ્યા છે. વાસ્તવમાં આ સ્વીડિશ યુવતીનું નામ સારાહ અર્હ્યુસિયસ જણાવવામાં આવી રહ્યું છે. સારા ઈન્ટિમેસી પ્રોફેશનલ્સની એક ભારતીય ફર્મની સહ-સ્થાપક પણ છે અને આ બંને વચ્ચેનો સંબંધ હમણાં જ નહીં પરંતુ 2018થી છે.
View this post on Instagram
જો કે રાઘવે અત્યાર સુધી તેના સંબંધો અંગે કોઈ માહિતી કે જાહેરાત કરી નથી, પરંતુ સારાએ પોતે તેના ઓફિશિયલ ઈન્સ્ટા હેન્ડલ પરથી રાઘવ સાથેની રોમેન્ટિક તસવીરો શેર કરીને ચર્ચાનું બજાર ગરમ કર્યું છે.
View this post on Instagram
જાણવા મળી રહ્યુ છે કે રાઘવ અને સાત સમંદર પારની આ હસીનાની મુલાકાત 2017માં એક ટ્રેક દરમિયાન થઈ હતી, જ્યાં પહેલા મિત્રતા થઈ હતી અને પછી બંનેએ 2018માં એકબીજાને ડેટ કરવાનું શરૂ કર્યું હતું. સારા અવારનવાર રાઘવને મળવા આવતી હોય છે અને રાઘવ પણ તેના લેડી લવને મળવા તેના દેશ ગયો હતો. જો કે રાઘવના કેટલાક ખાસ મિત્રો અને પરિવારના સભ્યો સારા વિશે જાણે છે, પરંતુ રાઘવ આ સંબંધને ખૂબ જ ગુપ્ત રાખવા માંગતો હતો.
પરંતુ હવે જ્યારે સારા સાથેના તેના સંબંધોનો હવે જાહેર થઇ રહ્યા છે, ત્યારે તે જોવાનું રહેશે કે શું રાઘવ આ અંગે સ્પષ્ટતા કરશે કે પછી તે સારા સાથે ડેટિંગને માત્ર અફવા ગણાવશે. રાઘવના કરિયરની વાત કરીએ તો તેણે 2015માં આવેલી ફિલ્મ એબીસીડી 2થી બોલિવૂડમાં પ્રવેશ કર્યો હતો. રાઘવ એક ડાન્સર, કોરિયોગ્રાફર તેમજ એક સારો કોમેડિયન છે. તે જ્યારે પણ સ્ટેજ પર આવે છે ત્યારે લોકો હસ્યા વગર રહી શકતા નથી.
આ પણ વાંચો –
NCL Recruitment 2021: NCLમાં એપ્રેન્ટિસની 1295 જગ્યાઓ માટે અરજી કરવાની છેલ્લી તારીખ નજીક છે, આ રીતે કરો અરજી
આ પણ વાંચો –
UPSC Success Story: સોશિયલ મીડિયાથી અંતર રાખીને અંકિતા બની IAS ઓફિસર, જાણો તેમની સક્સેસ ટિપ્સ
