પોતાની દુલ્હનિયા શોધવા નીકળેલા મિકા સિંહે કહ્યું kk અને સિદ્ધૂ મૂસેવાલા મારા સ્વજનસમાન, આ રીતે આપીશ વિશેષ શ્રદ્ધાંજલિ

મિકા સિંહના (Mika sinh) મિકા દી વોટી નામનો રિયાલિટી શો (Reality show)કરીરહ્યો છે આ શોનો પ્રોમો હાલમાં જ રિલીઝ થયો હતો.  આ શો  દ્વારા મિકા સિંહ પોતાના માટે પત્નીની શોધ આરંભશે. શોના પ્રોમોમાં 4 યુવતીઓ જોવા મળી હતી. એક યુવતીએ તો મિકા સિંહને ઘૂંટણિયે બેસીને પ્રપોઝ પણ કર્યું હતું. યુવતીએ આ રીતે પ્રપોઝ કરતા મિકા સિંહ શરમાઈ ગયો હતો. હાલમાં જ મિકાના આ શોનું શૂટિંગ શરૂ થયું છે. આ શોનું શૂટિંગ જોધપુરમાં ચાલી રહ્યું છે, ત્યારે મિકા સિંહે પોતાના જન્મદિવસ અંગે મહત્વની વાત કહી હતી. મિકા સિંહે જણાવ્યું હતું કે તે પંજાબી સિંગર સિદ્ધુ મૂસેવાલા અને બોલિવૂડના ફેમસ સિંગર કેકેને વિશેષ શ્રદ્ધાંજલિ આપશે અને એટલે જ તે પોતાનો જન્મદિવસ ઉજવશે નહીં.

મિકા આ ​​વખતે પોતાનો જન્મદિવસ ઉજવશે નહીં

સ્વયંવર ‘મીકા દી વોટી’ના મંચ પરથી બોલતા ગાયક મિકા સિંહે કહ્યું, હતું કે આ વખતે અમે કોઈ જન્મદિવસ ઉજવીશું નહીં. અમે અહીંથી કેકેને શ્રદ્ધાંજલિ આપીશું અને મારા નાના ભાઈ સમાન સિદ્ધૂ મૂસેવાલાની હત્યા થઈ છે આથી અમારા ગાયક પરિવાર જગતમાંથી જ બે જણાના અપમૃત્યુ થયા છે ક ત્યારે મારે જન્મદિવસની ઉજવણી ન કરવી જોઈએ. સ્વાભાવિક છે કે પરિવારમાં કોઈ સ્વજનનું મૃત્યુ થાય તો આપણે ઉજવણી કરતા નથી.

મિકા સિંહ અને સિદ્ધૂ મૂસેવાલાનો હતો ખાસ સંબંધ

મિકા સિંહનો સિદ્ધુ મુસેવાલા સાથે ખૂબ જ ગાઢ અને જૂનો સંબંધ હતો. તમે મિકાના સોશિયલ મીડિયા એકાઉન્ટ્સ પર તેની સાથેની તસવીરો પણ જોઈ શકો છો. હાલમાં જ મૂસેવાલા સાથેની એક તસવીર શેર કરતા મિકા સિંહે લખ્યું હતું કે, ‘હું હંમેશા ગર્વથી કહું છું કે હું પંજાબી છું પરંતુ આજે મને શરમ આવે છે. એક યુવાન, પ્રતિભાશાળી છોકરો જે માત્ર 28 વર્ષનો હતો, તે ખૂબ જ પ્રખ્યાત હતો અને તેની સામે તેનું આખુ જીવન હતું, પંરતુ પંજાબમાં જ પંજાબીઓએ તેને મારી નાખ્યો. ભગવાન સિદ્ધૂના આત્માને શાંતિ આપે

સિદ્ધુ મુસેવાલાની અજાણ્યા લોકોએ હત્યા કરી હતી

ઉલ્લેખનીય છે કે થોડા સમય પહેલા સિદ્ધુ મુસેવાલાની પંજાબના માનસામાં રસ્તા પર કેટલાક અજાણ્યા લોકો દ્વારા હત્યા કરી દેવામાં આવી હતી. સિદ્ધુ મુસેવાલા તેના કેટલાક મિત્રો સાથે તેની કાળા રંગની જીપમાં તેના ગામ માનસા જઈ રહ્યા હતા તે જ સમયે કારમાંથી નીચે ઉતરેલા કેટલાક લોકોએ તેમના પર ગોળીબાર શરૂ કરી દીધો હતો, જેમાં સિદ્ધુ મુસેવાલાએ જીવ ગુમાવ્યો હતો. આ ઘટનામાં પોલીસે તપાસ શરૂ કરી હતી તેમાં ગેંગસ્ટર લોરેન્સ બિશ્નોઈએ તેની હત્યા કર્યાની કબૂલાત કરી છે. લોરેન્સ બિશ્નોઈ હાલ દિલ્હીની તિહાર જેલમાં બંધ છે.