Suicide : કોરિયોગ્રાફર રેમો ડિસૂઝાના સાળા જેસન વોટકિન્સના મૃત્યુને પોલીસે ગણાવી આત્મહત્યા, ઘરમાં મૃત હાલતમાં મળી આવ્યા હતા
Jason Watkins Suicide Case : રેમો ડિસોઝા સાથે અત્યાર સુધી કોઈ સંપર્ક થઈ શક્યો નથી અને ન તો તેમણે તેના પર કોઈ પ્રતિક્રિયા આપી છે. તેઓ દેશના મોટા કોરિયોગ્રાફરોમાંથી એક છે.
રેમો ડિસૂઝાએ (Remo Dsouza) પોતાના ડાન્સિંગના કારણે બોલિવૂડમાં સારી જગ્યા બનાવી છે. એક દિગ્દર્શક તરીકે પણ તેમણે દરેક વખતે પોતાની જાતને સાબિત કરી છે. સોશિયલ મીડિયા પર તેમની ઘણી તસવીરો આવતી રહે છે, જે આવતાની સાથે જ વાયરલ થઈ જાય છે, પરંતુ હવે એક એવા સમાચાર આવી રહ્યા છે જે ફક્ત અમને અને તમને જ નહીં પરંતુ ખુદ રેમો ડિસૂઝાને પણ આશ્ચર્યચકિત કરી દેશે. બોલિવૂડના પ્રખ્યાત કોરિયોગ્રાફર રેમો ડિસોઝાના સાળા જેસન વોટકિન્સનું (Jason Watkins) નિધન થઈ ગયું છે. તેઓ તેમના ઘરે મૃત હાલતમાં મળી આવ્યા હતા. વોટકિન્સની બહેન અને રેમો ડિસોઝાની પત્ની લિઝેલ ડિસૂઝાએ (Lizelle Dsouza) તેમના ઈન્સ્ટાગ્રામ એકાઉન્ટ પર તેમના ભાઈની તસવીર શેર કરતી વખતે ઘણી બધી બાબતો લખી છે. તેમણે કહ્યું છે કે, ‘કેમ? તું મારી સાથે આવું કેવી રીતે કરી શકે છે? હું તને ક્યારેય માફ નહીં કરું.’
હવે મુંબઈ પોલીસે આ મામલે તપાસ શરૂ કરી છે અને મૃતદેહને પોસ્ટમોર્ટમ માટે કૂપર હોસ્પિટલમાં મોકલવામાં આવ્યો છે. જેથી મૃત્યુ કયા સમયે થયું અને તેના ચોક્કસ કારણો શું હતા તે જાણી શકાય. જેના કારણે તેમણે આત્મહત્યા જેવું મોટું પગલું ભર્યું હતું.
Maharashtra | Choreographer & director Remo D'souza's 48-year-old brother-in-law, Jason Savio Watkins, died by suicide in his apartment in Mumbai. His body has been sent to Cooper Hospital for a post mortem. Case has been registered; further investigation underway: Mumbai Police
— ANI (@ANI) January 20, 2022
રેમો ડિસોઝાના સાળા જેસન વોટકિન્સનું અવસાન થયું
એક સૂત્રએ આ વાતની પુષ્ટિ કરી છે કે, એક મેડિકલ ઓફિસરે તેમને જાણ કરી છે કે જેસનને કૂપર હોસ્પિટલમાં લાવવામાં આવ્યા છે અને ઓશિવારા પોલીસ જરૂરી કાર્યવાહી કરી રહી છે. રેમો ડિસોઝા હાલમાં એક લગ્નમાં હાજરી આપવા માટે ગોવા ગયા છે. તમને જણાવી દઈએ કે જેસન વોટકિન્સ લાંબા સમયથી ફિલ્મ ઈન્ડસ્ટ્રીમાં કામ કરી રહ્યા હતા. તેમણે રેમો ડિસોઝાની ફિલ્મોમાં આસિસ્ટન્ટ ડિરેક્ટર તરીકે પણ કામ કર્યું હતું.
જાણકારી માટે તમને જણાવી દઈએ કે રેમો ડિસોઝા સાથે અત્યાર સુધી કોઈ સંપર્ક થઈ શક્યો નથી અને ન તો તેમણે તેના પર કોઈ પ્રતિક્રિયા આપી છે. તેઓ દેશના મોટા કોરિયોગ્રાફરોમાંથી એક છે. તેમણે અત્યાર સુધી ઘણી ફિલ્મો કરી છે. આ સિવાય તેમણે ઘણા ડાન્સ રિયાલિટી શો પણ જજ કર્યા છે. રેમો ડિસોઝાને માઈકલ જેક્સનના ફેન માનવામાં આવે છે.
મૃત્યુનું કારણ હજુ જાણી શકાયું નથી
રેમોના ડાન્સિંગના ઘણા વીડિયો સોશિયલ મીડિયા પર આવતા રહે છે, જેમાં તમે માઈકલ જેક્સનની આઇકોનિક મૂવ ‘મૂનવોક’ જોઈ શકો છો. એક સમયે બેકગ્રાઉન્ડ ડાન્સર તરીકે કામ કરી ચૂકેલા રેમો ડિસોઝા આજે ઘણા યંગસ્ટર્સના આઇડોલ ગણાય છે. જો કે, રેમોએ અત્યાર સુધી આ અપ્રિય ઘટના અંગે કંઈ કહ્યું નથી, પરંતુ આ મૃત્યુ કેવી રીતે થયું તેના કારણો વિશે અમને કોઈ માહિતી મળી શકી નથી.
આ પણ વાંચો : અલ્લુ અર્જુનની પુષ્પાથી લઈને પ્રભાસની બાહુબલી સુધી, સ્ટાર્સ પાછળના હિન્દી અવાજો કોણ છે?