બોલિવૂડ એક્ટર શાહરૂખ ખાનની (Shah Rukh Khan) ભારત ઉપરાંત વિદેશમાં પણ ઘણી ફેન ફોલોઈંગ છે. ઘણી વખત જોવામાં આવ્યું છે કે શાહરૂખ જ્યારે વિદેશ જાય છે ત્યારે તેના ચાહકો તેનું ભવ્ય સ્વાગત કરે છે. ત્યારે હાલમાં શાહરૂખ ખાનના ઇજિપ્તીયન(Egypt) ફેને કંઈક એવુ કર્યું છે જેના દ્વારા તેણે સૌ કોઈનુ દિલ જીતી લીધું છે. પ્રોફેસરે સોશિયલ મીડિયા પર ઇજિપ્તમાં તેમની સાથે બનેલી એક રસપ્રદ ઘટનાનો ઉલ્લેખ કર્યો છે.
અશોકા યુનિવર્સિટીના અર્થશાસ્ત્રના પ્રોફેસર અશ્વિની દેશપાંડેએ ટ્વિટર પર તેમની ઇજિપ્તની મુલાકાત દરમિયાન એક ઘટનાનો ઉલ્લેખ કર્યો છે. જ્યાં તેમને શાહરૂખ ખાનનો એક ચાહક મળ્યો અને તેણે તેમનું દિલ જીતી લીધું. અશ્વિનીએ ટ્વીટમાં લખ્યું કે, મારે ઇજિપ્તમાં ટ્રાવેલ એજન્ટને પૈસા ટ્રાન્સફર કરવાની જરૂર હતી. પરંતુ ટ્રાન્સફરમાં કંઈક સમસ્યા હતી. આ જોઈને તે વ્યક્તિએ કહ્યું કે, તમે શાહરૂખ ખાનના દેશના છો ને ? મને તમારા ઉપર વિશ્વાસ છે. હું બુક કરીશ, તમે મને પછીથી ચૂકવણી કરી દેજો.
Needed to transfer money to a travel agent in Egypt. Was having problems with the transfer. He said: you are from the country of @iamsrk. I trust you. I will make the booking, you pay me later. For anywhere else, I wouldn’t do this. But anything for @iamsrk. & he did!#SRK is 👑
— Ashwini_Deshpande (@AshwDeshpande) December 31, 2021
પોતાનો અનુભવ શેર કરતા પ્રોફેસરે જણાવ્યુ કે, વિદેશમાં શાહરૂખ ખાનની લોકપ્રિયતા ખુબ છે. ઘણા લોકો ભારતને તેમના નામથી ઓળખે છે. આ ઘટનાના ઉલ્લેખ સાથે બીજા ઘણા લોકો પણ પોતાનો અનુભવ શેર કરી રહ્યા હતા. અન્ય એક યુઝરે લખ્યું કે ઓહ આ ખૂબ જ ક્યૂટ છે. અમારી સાથે શેર કરવા બદલ ખૂબ ખૂબ આભાર. મારો એક મિત્ર છે જે ફ્રાન્સનો છે. તે બોલિવૂડમાં માત્ર શાહરૂખને જ ઓળખે છે, તેને છમ્મકછલ્લો ગાવાનું પસંદ છે પણ તે સોંગને બિલકુલ સમજી શકતો નથી.
તમને જણાવી દઈએ કે, આર્યન ખાનના ડ્રગ્સ કેસ બાદ શાહરૂખ ખાન સોશિયલ મીડિયા અથવા જાહેર સ્થળો પર ભાગ્યે જ જોવા મળે છે. જો કે, તાજેતરમાં સમાચાર આવ્યા હતા કે તે શૂટ પર પાછો ફર્યો છે, તેણે લાંબા સમયથી પેન્ડિંગ ફિલ્મ ‘પઠાણ’નું શૂટિંગ શરૂ કરી દીધું છે. છેલ્લે તે 2018માં આનંદ એલ રોયની ફિલ્મ ‘ઝીરો’માં જોવા મળ્યો હતો. તેમાં અનુષ્કા શર્મા અને કેટરિના કૈફ મુખ્ય ભૂમિકામાં હતા.
આ પણ વાંચો : SS રાજામૌલીની ‘RRR’ બાદ પ્રભાસની ‘રાધે શ્યામ’ પણ પોસ્ટપોન થશે? મેકર્સે આપ્યો આ જવાબ