Cororna virusની બનાવટી દવા બનાવનારાઓ પર Farhan Akhtar નો ગુસ્સો, અભિનેતાએ કહ્યું- ‘તમારા પર શરમ આવે છે’

એક તરફ, કોરોના રોગચાળાની વચ્ચે, હોસ્પિટલોમાં પથારી, દવાઓ અને ઓક્સિજનની અછત છે, તો બીજી તરફ, દવાઓની કાળાબજારી અને ફરજીવાડા ઓછુ થવાનું નામ નથી લેઈ રહ્યા. મીડિયામાં એવા ઘણા અહેવાલો આવ્યા છે કે પોલીસે અનેક જગ્યાએ કોરોના વાયરસની નકલી દવાઓની ગેંગનો પર્દાફાશ કર્યો છે.

કોરોના વાયરસની નકલી દવાઓ બનાવવા વાળા પર બોલીવુડના જાણીતા અભિનેતા, ગાયક અને સંગીતકાર ફરહાન અખ્તરે પોતાનો રોષ વ્યક્ત કર્યો છે. તેમણે નકલી દવાઓ બનાવતા લોકોને શેતાન ગણાવ્યા છે. અભિનેતાએ સોશિયલ મીડિયા પર આ વાત કહી છે. ફરહાન અખ્તર સોશિયલ મીડિયા પર ખૂબ જ એક્ટિવ છે. તેઓ સામાજિક-રાજકીય મુદ્દાઓ પર ખુલીને પોતાના મંતવ્યો રાખે છે.

ફરહાન અખ્તરે પોતાના ઓફિશિયલ ટ્વિટર એકાઉન્ટ પર લખ્યું, ‘નકલી કોવિડ -19 દવા બનાવતા અને વેચતા લોકોનો એક ન્યૂઝ રિપોર્ટ જોયો. આ અંધકારમય અને નિરાશાજનક સમયમાં લોકોને રિઝાવવા માટે તમારે એક ખાસ પ્રકારનો રાક્ષસ બનવું પડે છે. તમારા પર શરમ આવે છે, તમે જે પણ હોવ! ‘ સોશિયલ મીડિયા પર ફરહાન અખ્તરનું ટ્વીટ ઝડપથી વાયરલ થઈ રહ્યું છે.

અભિનેતાના ઘણા ચાહકો અને બધા સોશિયલ મીડિયા યુઝર્સ તેમના ટ્વિટને ખૂબ પસંદ કરે છે. સાથે જ કમેન્ટ કરીને તેમની પ્રતિક્રિયા પણ આપી રહ્યા છે. ફરહાન અખ્તરના વર્કફ્રન્ટની વાત કરીએ તો તે ટૂંક સમયમાં ફિલ્મ તૂફાનમાં જોવા મળશે. આ ફિલ્મ એક સ્ટ્રીટ બોક્સરના સંઘર્ષ પર આધારિત છે. ફરહાન અખ્તરની ફિલ્મ ઘણા લાંબા સમયથી ચર્ચામાં છે. ફિલ્મ તુફાન 21 મેના રોજ એમેઝોન પ્રાઇમ વીડિયો પર રિલીઝ થશે.

આ ફિલ્મમાં મૃણાલ ઠાકુર અને પરેશ રાવલ પણ મુખ્ય ભૂમિકામાં જોવા મળશે. તૂફાન શરૂઆતમાં થિયેટરોમાં રિલીઝ થવાની હતી, પરંતુ કોરોના રોગચાળાને કારણે ફિલ્મની રજૂઆત અટકી હતી અને હવે તે સીધી એમેઝોન પ્રાઇમ વીડિયો પર રિલીઝ થશે. ફિલ્મ તુફાનના ઘણા પોસ્ટર અને ટ્રેલર્સ અત્યાર સુધીમાં રિલીઝ થયા છે. જે પ્રેક્ષકોએ ખુબ પસંદ કર્યાં છે.

આ પણ વાંચો :- ચીનથી ઓક્સિજન સિલિન્ડર્સની ડિલીવરીમાં થઈ રહ્યો હતો વિલંબ, Sonu Soodએ ઉઠાવ્યો હતો સવાલ તો મળ્યો આ જવાબ

આ પણ વાંચો :- Aamir Khanએ લીધો નિર્ણય, હવે લદ્દાખમાં શુટ થશે લાલ સિંહ ચઢ્ઢાનાં એક્શન સિક્વન્સ!