Johnny Depp : શું જોની ડેપ ‘જેક સ્પેરો’ તરીકે પરત ફરશે? આ કંપનીએ તેમને રૂપિયા 2,535 કરોડની કરી ઓફર

જોની ડેપ તેની ભૂતપૂર્વ પત્ની એમ્બર હર્ડ (Amber Heard) સામે માનહાનિનો કેસ જીત્યા બાદ હવે તેની કારકિર્દીમાં પુનરાગમન કરવાનો પ્રયાસ કરી રહ્યો છે. જોની ડેપ (Johnny Depp) માટે છેલ્લા કેટલાક અઠવાડિયા તણાવપૂર્ણ રહ્યા છે. અભિનેતાએ એમ્બર હર્ડ સામે માનહાનિનો કેસ જીતી લીધો છે અને હવે કોર્ટે એમ્બર હર્ડને જોની ડેપને પૈસા ચૂકવવા પણ કહ્યું છે. તાજેતરના અહેવાલ મુજબ, ડિઝનીએ (Disney) જોની ડેપને માફી પત્ર મોકલ્યો છે અને જેક સ્પેરો તરીકે પરત ફરવા માટે રૂપિયા 2,535 કરોડની ઓફર પણ કરી છે. જો કે હજુ સુધી આ મામલે જોની ડેપ તરફથી કોઈ નિવેદન સામે આવ્યું નથી.

ડિઝનીએ જોની ડેપની માફી માંગી!

એમ્બર હર્ડ સાથે ચાલી રહેલા માનહાનિના કેસને કારણે જોની ડેપ ખૂબ જ નારાજ હતો. જેના કારણે તેની કરિયર પર પણ ખરાબ અસર પડી હતી. તેને ફિલ્મો મળવાનું બંધ થઈ ગયું હતું. ‘ફેન્ટાસ્ટિક બીસ્ટ 3’ અને ‘પાઇરેટ્સ ઓફ ધ કેરેબિયન’ જેવી ફિલ્મોના નિર્માતાઓએ તેને સાઇન કરવાનો સ્પષ્ટ ઇનકાર કરી દીધો હતો. પરંતુ કેસ જીત્યા પછી, ચાહકો ડિઝનીને જોની ડેપની માફી માંગવા માટે કહી રહ્યા છે.

ઓસ્ટ્રેલિયન પોપ કલ્ચર ગોસિપ સાઈટ Poptopic.com અનુસાર, ડિઝનીએ જોની ડેપને માફી માંગી છે. આ ઉપરાંત તેણે ‘પાઇરેટ્સ ઓફ ધ કેરેબિયન’માં જોક સ્પેરો તરીકે પરત ફરવા માટે 2,535 કરોડ રૂપિયાની ઓફર પણ કરી છે. પ્રકાશનની નજીકના એક સૂત્રએ જણાવ્યું હતું કે, ‘હું જાણું છું કે કોર્પોરેટે તેને ભેટ સાથે એક પત્ર મોકલ્યો છે, પરંતુ તે અભિનેતાને કેવી રીતે મોકલવામાં આવ્યો તેની મને જાણ નથી. હું તમને કહી શકું છું કે સ્ટુડિયોએ જેક સ્પેરોનો મુસદ્દો તૈયાર કર્યો છે. આશા છે કે જોની તેને માફ કરશે અને આ પાત્ર માટે પાછા આવશે.

જોની ડેપ જેક સ્પેરો તરીકે પાછા ફરશે નહીં

જો કે, જોની ડેપ અથવા તેની ટીમ તરફથી આ વિશે કોઈ સત્તાવાર પુષ્ટિ કરવામાં આવી નથી. તદુપરાંત, આ ઓસ્ટ્રેલિયન સાઇટ પરના લેખ પર પ્રશ્ન ઉઠાવવામાં આવી રહ્યો છે. કારણ કે ડિઝની દ્વારા આપવામાં આવેલી રકમ (રૂપિયા 2,535 કરોડ) બદનક્ષીના દાવામાં જોની ડેપ દ્વારા નોંધાયેલી રકમ જેવી જ છે. તમારી માહિતી માટે, અમે તમને જણાવી દઈએ કે જોની ડેપે થોડા સમય પહેલા જાહેરાત કરી હતી કે તે હવે ‘પાઇરેટ્સ ઓફ ધ કેરેબિયન’માં જેક સ્પેરો તરીકે પાછો નહીં આવે, તેમ છતાં તેને $301 મિલિયન જેટલી મોટી રકમ કેમ ચૂકવવામાં ન આવે!