KK Last Performance Video : જુઓ કેકેના LIVE પર્ફોર્મન્સનો આ છેલ્લો વીડિયો, છોટીસી હૈ જીંદગી, પલ મિલ જાયે…હમ રહે યા ના રહે…..!

કૃષ્ણકુમાર કુન્નાથ એટલે કે કેકે (KK)… જાણીતા બોલિવૂડ ગાયક કેકેનું 53 વર્ષની વયે નિધન (KK Passes Away) થયું છે. તેઓ કોલકાતાની વિવેકાનંદ કોલેજના મંચ પર લાઈવ પરફોર્મ કરી રહ્યો હતો. કોન્સર્ટ દરમિયાન તેમને સીડી પર હાર્ટ એટેક આવ્યો, ત્યારબાદ તેમને કોલકાતાની મેડિકલ રિસર્ચ ઈન્સ્ટિટ્યૂટ લઈ જવામાં આવ્યા જ્યાં ડોક્ટરોએ તેમને મૃત જાહેર કર્યા. તેમના આકસ્મિક નિધન પર વડાપ્રધાન નરેન્દ્ર મોદીએ (PM Narendra Modi) દુઃખ વ્યક્ત કરીને શ્રદ્ધાંજલિ અર્પી છે અને પરિવાર પ્રત્યે સંવેદના વ્યક્ત કરી છે. કેકેએ લાઇવ શો દરમિયાન તેના ઇન્સ્ટાગ્રામ એકાઉન્ટ પર બે તસવીરો શેર કરી, જે કેકે દ્વારા કરવામાં આવેલી છેલ્લી પોસ્ટ છે.

લાઈવ કોન્સર્ટની બે તસવીરો શેર કરી

કેકેએ તેના ઈન્સ્ટાગ્રામ એકાઉન્ટ પર લાઈવ શોની બે તસવીરો શેર કરી હતી અને તેની સાથે તેણે કેપ્શન લખ્યું હતું, ‘નઝરૂલ આજે રાત્રે સ્ટેજ પર ડાન્સ કરી રહ્યો છે. કોલકાતાની વિવેકાનંદ કોલેજ!! તમને સૌને પ્રેમ કરું છુ.

અહીં તેના લાઇવ પર્ફોર્મન્સમાંથી તેની બે નવી તસવીરો પર એક નજર છે-

લાઈવ પરફોર્મન્સનો છેલ્લો વીડિયો પણ સામે આવ્યો છે

આ સિવાય આ લાઈવ પર્ફોર્મન્સનો છેલ્લો વીડિયો પણ સામે આવ્યો છે જેમાં તે પોતાના આલ્બમ ‘પલ’નું ટાઈટલ સોંગ ‘પલ’ ગાતા ખૂબ જ ખુશ જોવા મળ્યો હતો.

કેકેના આકસ્મિક નિધનથી પરિવાર અને બોલિવૂડ સહિત તેમના ચાહકો અને મિત્રો શોકમાં છે. કેકે દ્વારા શેર કરવામાં આવેલી તસવીરોમાં તે પોતાની સ્ટાઈલમાં ગીત ગાતો જોવા મળી રહ્યો છે. આ દરમિયાન તે હોલમાં હજારો લોકો એકઠા થયેલા જોવા મળે છે. જે લોકો કોલેજમાં હાજર હતા તેમને જરાય પણ શંકા કે વિચાર નહોતો કે તેઓ કેકેના જીવનનો છેલ્લો લાઈવ શો જોવાના છે. કેકેના આમ અચાનક થયેલા નિધનથી ફિલ્મ અને સંગીત જગતના સૌ કોઈને ભારે આઘાત લાગ્યો છે.

બોલિવૂડમાં તેનું નસીબ વિશાલ ભારદ્વાજની ફિલ્મ ‘માચીસ’ના ગીત ‘છોડ આયે હમ વો ગલિયાં’થી ખુલ્યું હતું. તે પછી તેણે ક્યારેય પાછળ વળીને જોવાની જરૂર નથી પડી. તેમના અવાજના લાખો ચાહકો આજે આખી દુનિયામાં હાજર છે. તેમનો અવાજ સાંભળીને લોકોને એક પ્રકારનો નશો ચડી જતો. તેમણે ઘણા ટીવી શો માટે ગીતો પણ ગાયા હતા.