પઠાણની રાહ પર ગદર 2, રક્ષાબંધન પર સની દેઓલની ફિલ્મને લઈને મેકર્સે કરી મોટી જાહેરાત

Gadar 2 : તારા સિંહ અને સકીના બનીને સની દેઓલ (Sunny Deol) અને અમીષા પટેલ (Ameesha patel) સ્ક્રીન પર કમાણીના મામલે ખૂબ જ ધૂમ મચાવી રહ્યા છે. પહેલા જ દિવસથી ફિલ્મે બમ્પર કમાણી શરૂ કરી છે અને માત્ર 18 દિવસમાં જ ફિલ્મે 460.65 કરોડની કમાણી કરી લીધી છે. પરંતુ ત્રીજા સોમવારે કમાણી થોડી સ્લો રહી, પરંતુ હવે મેકર્સ તેની કમાણી વધારવાની વ્યવસ્થા કરી છે.

ગદર 2 ને 500 કરોડની ક્લબમાં સામેલ થવા માટે લગભગ 40 કરોડથી વધુની કમાણી કરવી પડશે, પરંતુ ધીમી ગતિએ આ આંકડાને સ્પર્શ કરવો થોડો મુશ્કેલ હશે. આ દરમિયાન મેકર્સ એક મોટી ઓફર લઈને આવ્યા છે. રક્ષાબંધનના અવસર પર સની દેઓલની ફિલ્મ માટે ‘બાઈ 2 ગેટ 2’ની ઓફર જાહેર કરવામાં આવી છે. એટલે કે જો તમે આ ફિલ્મ માટે બે ટિકિટ ખરીદો છો, તો તમને બે ટિકિટ ફ્રીમાં મળશે.

અહીં જુઓ ઓફર પોસ્ટર

View this post on Instagram

A post shared by Zee Studios (@zeestudiosofficial)

(PC: Sunny Deol Instagram) 

આ ઓફર માટે એક પોસ્ટર પણ જાહેર કરવામાં આવ્યું છે, જેના પર લખ્યું છે કે, ‘આ રક્ષાબંધન તમારા આખા પરિવાર સાથે ઉજવો.’ તમને જણાવી દઈએ કે આ પહેલીવાર નથી જ્યારે કોઈ ફિલ્મ માટે આવી ઓફર આવી હોય, પરંતુ આ વર્ષે મેકર્સે શાહરૂખ ખાનની પઠાણ માટે પણ આવી ઓફર કરી હતી. તે ઓફરના કારણે ફિલ્મની કમાણીમાં વધારો થયો અને ફાયદો થયો હતો. પઠાણે ભારતીય બોક્સ ઓફિસ પર 543 કરોડની કમાણી કરી હતી, જ્યારે દુનિયાભરમાં આંકડો 1000 કરોડને પાર કરી ગયો હતો.

આ પણ વાંચો: દીપિકાથી લઈને આલિયા સુધી, આ છે માનેલા ભાઈ-બહેનો, દર વર્ષે મનાવે છે રક્ષાબંધન

ગદરની જેમ ગદર 2નું ડાયરેક્શન પણ અનિલ શર્માએ કર્યું છે. સની દેઓલ, અમીષા પટેલ સિવાય ફિલ્મમાં ઉત્કર્ષ શર્મા અને સિમરત કૌરની જોડી પણ જોવા મળી છે. પહેલા પાર્ટમાં દિવંગત એક્ટર અમરીશ પુરી વિલનના રોલમાં હતા, જ્યારે મનીષ વાધવા આ ફિલ્મમાં નેગેટિવ રોલમાં જોવા મળે છે. આ પહેલા તે પઠાણમાં પણ જોવા મળ્યો હતો. બોક્સ ઓફિસ પર ફિલ્મ ગદર 2નો ક્લેશ અક્ષય કુમારની OMG 2 સાથે થયો હતો, પરંતુ સની દેઓલની ફિલ્મ ઓએમજીને માત આપી હતી.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો