શાહરૂખ ખાન બનાવશે વિદ્યા બાલનની સુપરહિટ ફિલ્મ “કહાની”ની પ્રિક્વલ

બોલિવુડના કિંગખાન વિદ્યા બાલનની સ્ટારર ફિલ્મ “કહાની”ની પ્રિક્વલ બનાવશે. વર્ષ 2012માં રીલીઝ થયેલી ફિલ્મ “કહાની”ની પ્રિક્વલમાં અભિષેક બચ્ચન નેગેટિવ રોલમાં જોવા મળી શકે છે. આ વાત પર પુષ્ટિ પણ થઇ ગઇ છે. ફિલ્મને લઇ ખાસ વાત છેકે, આ ફિલ્મને શાહરૂખ ખાનના પ્રોડશન હાઉસ રેડ ચિલિઝ એન્ટરટેઇનમેન્ટમાં બનાવવામાં આવશે. શાહરૂખ ખાને આ ફિલ્મનું એલાન કરી જણાવ્યું છેકે આ ફિલ્મમાં લીડ રોલની ભૂમિકા અભિષેક બચ્ચન નિભાવશે. જો કે હજુ સુધી ફિલ્મનું નામ ફાઇનલ કરવામાં નથી આવ્યું. આ ફિલ્મને અત્યારે “બૉબ બિસ્વાસ” નામ આપવામાં આવ્યું છે. ફિલ્મને દિગ્ગજ નિર્દેશક સુજોય ઘોષની પુત્રી દિયા ઘોષ ડાયરેકટ કરશે. આ ફિલ્મ વર્ષ 2020માં બોકસ ઓફિસ પર આવશે.

આ ફિલ્મમાં વિદ્યા બાલનની એન્ટ્રી છે કે નહીં તે હજુ કન્ફોર્મ નથી. પણ જો વિદ્યા આ ફિલ્મની સ્ટારકાસ્ટમાં સામેલ થશે તો આ ફિલ્મની સૌથી મોટી વાત હશે. વિદ્યા બાલન અને અભિષેક બચ્ચને આ પહેલા સુપરહિટ ફિલ્મ “પા”માં સાથે કામ કર્યું છે. વિદ્યા બાલનની ફિલ્મ “કહાની”ને સુજૉય ઘોષે જ ડાયરેકટ કરી હતી.