Parineeti And Raghav: પરિણીતી ચોપરા અને રાઘવ ચઢ્ઢાની સગાઈ સેરેમનીમાં શું હશે ખાસ? લગ્ન ક્યારે થશે? જાણો
Parineeti Chopra And Raghav Chadha Engagement:પરિણીતી ચોપરા અને રાઘવ ચઢ્ઢા 13 મેના રોજ સગાઈ કરી શકે છે. સગાઈ વિશે ચર્ચા તીવ્ર છે. ચાલો તમને જણાવીએ કે સગાઈનો કાર્યક્રમમાં કેવો રહેશે.
જ્યારથી બોલિવૂડ એક્ટ્રેસ પરિણીતી ચોપરા અને રાઘવ ચઢ્ઢા પહેલીવાર એકસાથે જોવા મળ્યાં છે, ત્યારથી બોલિવૂડથી લઈને રાજકીય વર્તુળોમાં તેમના અફેરના સમાચારો ચાલી રહ્યા છે. જો કે બંનેએ ક્યારેય તેમના સંબંધોની પુષ્ટિ કરી નથી, પરંતુ ઘણી વખત બંને સાથે જોવા મળ્યા હતા, જેના કારણે તેમના સંબંધો વિશે અટકળો ચાલી રહી હતી.
તેમની સગાઈના સમાચાર ઘણા સમયથી હેડલાઇન્સમાં છે. જો કે, હવે લાગે છે કે ટૂંક સમયમાં સગાઈના આ સમાચારનો અંત આવવાનો છે. રિપોર્ટ્સ અનુસાર, બંને 13 મેના રોજ સગાઈ કરી શકે છે. જ્યારથી આ સમાચાર સામે આવ્યા છે ત્યારથી બંને લાઈમલાઈટમાં છે. આવો અમે તમને બંનેની સગાઈ સંબંધિત કેટલીક વધુ માહિતી આપીએ.
View this post on Instagram
આ પણ વાંચો : વિરોધ અને પ્રતિબંધ વચ્ચે The Kerala Storyનો દબદબો, 5 દિવસમાં 50 કરોડને પાર !
સગાઈનો કાર્યક્રમ કેવો રહેશે
કહેવામાં આવી રહ્યું છે કે, બંનેની સગાઈનો કાર્યક્રમ દિલ્હીમાં યોજાવા જઈ રહ્યો છે. આ સમારોહમાં લગભગ 150 મહેમાનો ભાગ લેશે, જેમાં પરિવાર તેમજ મિત્રો અને સંબંધીઓ સામેલ થશે. રિપોર્ટ્સમાં કહેવામાં આવી રહ્યું છે કે, આ કાર્યક્રમ ખૂબ જ ખાસ રીતે થવાનો છે. તેની શરૂઆત અરદાસ (શીખ ધર્મના ભગવાનને સ્મરણ) થી થશે, ત્યારબાદ મુખ્ય ઈવેન્ટ શરૂ થશે અને પછી બંને એકબીજાને રીંગ પહેરાવશે.
પરિણીતી-રાઘવના લગ્ન ક્યારે થશે?
જો કે હાલમાં બંને પોતાની સગાઈને લઈને ઘણા ચર્ચામાં છે. બંને ક્યારે લગ્ન કરશે તેની અટકળો શરૂ થઈ ગઈ છે. કેટલાક રિપોર્ટ્સમાં કહેવામાં આવી રહ્યું છે કે, બંને આ વર્ષના અંત સુધીમાં લગ્ન કરી શકે છે. જો કે, બંનેમાંથી કોઈની સગાઈ કે લગ્ન વિશે કોઈ સત્તાવાર માહિતી શેર કરવામાં આવી નથી.
જો કે, બંને તેમના સંબંધો વિશે કંઈ નથી કહી રહ્યા, પરંતુ સંકેતો ચોક્કસ મળી રહ્યા છે. આ પહેલા બંને ઘણી વખત સાથે જોવા મળ્યા હતા, ત્યારબાદ હવે બંને સાથે દિલ્હી પહોંચી ગયા છે. મંગળવારે સાંજે બંને દિલ્હી એરપોર્ટ પર સાથે જોવા મળ્યા હતા.
મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…
