Matrix 4: ચાહકો માટે સારા સમાચાર, આ દિવસે રિલીઝ થઈ રહ્યું છે પ્રિયંકા ચોપરાની ફિલ્મનું ટ્રેલર
ચાહકો લાંબા સમયથી પ્રિયંકા ચોપરાની ફિલ્મ મેટ્રિક્સ 4ની રાહ જોઈ રહ્યા છે. હવે અભિનેત્રીએ આ દરમિયાન ટ્રેલરની રિલીઝ ડેટની જાહેરાત કરી છે, જે પછી ચાહકો તેને જોવા માટે ઉત્સાહિત છે.
પ્રિયંકા ચોપરા (Priyanka Chopra)એ તેમની આગામી ફિલ્મ મેટ્રિક્સ 4 (Matrix 4)ના ટ્રેલરની રિલીઝ ડેટ જાહેર કરી છે. મેકર્સ ફિલ્મનું ટ્રેલર 9 સપ્ટેમ્બરે રિલીઝ કરશે. પ્રિયંકાએ સોશિયલ મીડિયા પર એક પોસ્ટ શેર કરી છે, જેમાં 2 કેપ્સ્યુલ્સ એક બ્લુ અને એક લાલ રંગમાં જોવા મળે છે. આ કેપ્સ્યુલ્સ સાથે લખ્યું છે, ‘તમારે પસંદગી કરવી પડશે. મેટ્રિક્સનું ટ્રેલર ગુરુવારે આવશે. વીડિયો શેર કરતી વખતે પ્રિયંકાએ કેપ્શનમાં લખ્યું છે, ‘દવા લેવાનો સમય આવી ગયો છે. ટ્રેલર ગુરુવારે આવશે.
તમને જણાવી દઈએ કે આ કેપ્સ્યુલ્સ પર ક્લિક કર્યા પછી યુઝર્સ 2 અલગ અલગ વાસ્તવિકતાઓ વિશે જાણશે. જો તમે લાલ કેપ્સ્યુલ પર ક્લિક કરો છો તો એક વોઈસ ઓવર આવશે, જેમાં કહેવામાં આવે છે ‘તમારા માટે સત્ય શું છે તે બતાવવાનો સમય આવી ગયો છે અને આપણામાંથી કોઈ તેને જાણતું નથી. તે તમારા જીવનનો પ્રથમ દિવસ હોય અથવા તમારી પુરી જિંદગી. જો તમે તેને ઈચ્છતા હો તો તમારે તેના માટે લડવું પડશે.
બીજી બાજુ જો તમે બ્લ્યુ કેપ્સ્યુલ પસંદ કરો છો તો વોઈસ ઓવર આવશે કે સત્ય અને ફિક્શન વચ્ચે પસંદગી કરવામાં ઘણી મુશ્કેલી થાય છે. ફિલ્મની સ્ટાર કાસ્ટની વાત કરીએ તો પ્રિયંકા સિવાય કેરી-એન્ની મોસ, યાહ્યા અબ્દુલ મતિન અને નીલ પૈટ્રિક હેરિસ મુખ્ય ભૂમિકામાં છે.
અહીં જુઓ વીડિયો
View this post on Instagram
તમને જણાવી દઈએ કે મેટ્રિક્સ ફ્રેન્ચાઈઝીની પહેલી ફિલ્મ 1999માં રિલીઝ થઈ હતી. આ પછી ફિલ્મના 2 ભાગ મેટ્રિક્સ રીલોડેડ અને મેટ્રિક્સ રિવોલ્યૂશન વર્ષ 2003માં રજૂ કરવામાં આવ્યા હતા. તમામ મેટ્રિક્સ ફિલ્મોને સારો પ્રતિસાદ મળ્યો છે.
બોલિવૂડ પ્રોજેક્ટ
પ્રિયંકાના બોલિવૂડ પ્રોજેક્ટ્સની વાત કરીએ તો તે છેલ્લે વર્ષ 2019માં રિલીઝ થયેલી ફિલ્મ સ્કાય ઈઝ પિંકમાં જોવા મળી હતી. ફિલ્મમાં પ્રિયંકા સાથે ફરહાન અખ્તર મુખ્ય ભૂમિકામાં હતા. જોકે ફિલ્મને મિશ્ર પ્રતિસાદ મળ્યો હતો. હવે પ્રિયંકા ફિલ્મ જી લે ઝરામાં જોવા મળશે. ફિલ્મમાં પ્રિયંકા સાથે કેટરિના કૈફ (Katrina Kaif) અને આલિયા ભટ્ટ (Alia Bhatt) મુખ્ય ભૂમિકામાં છે. તમને જણાવી દઈએ કે આ ફિલ્મ દ્વારા પહેલીવાર ત્રણેય અભિનેત્રીઓ એક સાથે જોવા મળશે.
ફિલ્મની જાહેરાત કરતી વખતે પ્રિયંકાએ કહ્યું હતું કે આપણે ત્યાં ઘણી એવી ફિલ્મો નથી જેમાં ઘણી અભિનેત્રીઓ મુખ્ય ભૂમિકામાં હોય. પરંતુ આ વખતે 3 અભિનેત્રીઓ મળીને ફિલ્મ લઈને આવી રહી છે જેમાં મિત્રતાની ઉજવણી કરવામાં આવશે.
આ પણ વાંચો :- Wrap: આલિયા ભટ્ટે વિજય વર્મા સાથે પુરી કરી પોતાની ફિલ્મ ‘ડાર્લિંગ્સ’નું શૂટિંગ, જુઓ ફિલ્મનો BTS વીડિયો
આ પણ વાંચો :- Big News: કંગના રનૌતની ‘થલાઈવી’ ને ટક્કર આપશે સૈફ અલી અભિનીત ‘Bhoot Police’
Latest News Updates
