શું કાર્તિક આર્યન અને કરણ જોહરનો સંબંધ સુધરી ગયો છે ? વાયરલ વીડિયોમાં એક-બીજા સાથે હસી-મજાક કરતા જોવા મળ્યા બંને

એક્ટર કાર્તિક આર્યન (Kartik Aaryan) અને ફિલ્મ મેકર કરણ જોહર (Karan Johar) વચ્ચેનો ઝઘડો હવે પતી ગયો હોય તેવું લાગે છે. બંને વચ્ચે અણબનાવની વાતો ચાલી રહી છે જ્યારથી કાર્તિક આર્યન કરણ જોહરની ફિલ્મ ‘દોસ્તાના 2’માંથી (Dostana 2) બહાર થયો છે. પરંતુ મેકર્સે આ ફિલ્મ વિશે પણ જાહેરાત કરી છે કે તેઓ ફરીથી પ્રોજેક્ટ શરૂ કરશે. આ ફિલ્મની જાહેરાત વર્ષ 2019માં કરવામાં આવી હતી. હાલમાં જ એક કાર્યક્રમમાં કરણ જોહર અને કાર્તિક આર્યન એક સાથે બેસીને ટેબલ પર વાત કરતા જોવા મળ્યા હતા.

કરણ જોહર-કાર્તિક આર્યન વચ્ચેનો અણબનાવ દૂર થયો?

વર્ષ 2019માં ફિલ્મની જાહેરાત થયા બાદ વર્ષ 2021માં એવા રિપોર્ટ સામે આવ્યા હતા કે કાર્તિક આર્યન અને કરણ જોહર વચ્ચે અણબનાવ થયો છે જેના કારણે તે ફિલ્મમાંથી બહાર થઈ ગયો છે. આ વાત અહીં અટકી જ ન હતી આ પછી એવી પણ અફવા ફેલાઈ હતી કે કાર્તિક આર્યન જે ફિલ્મ જ્હાન્વી કપૂર સાથે ફિલ્મ કરવાનો હતો, તે તેમના બ્રેક-અપને કારણે અને અન્ય કેટલાક ઈસ્યુઝને લીધે બહાર થઈ ગયો હતો. આ બધું સેટ પર મોટા ઝઘડામાં બદલાઈ ગયું.

પરંતુ તે બીજી વાત છે કે બંનેમાંથી કોઈએ ઝઘડાનો સ્વીકાર કર્યો નથી. પરંતુ જો આપણે અફવાઓ વિશે વાત કરીએ, તો તેમાં કંઈક અલગ જ દાવો કરવામાં આવ્યો હતો. હવે જે વીડિયો સામે આવ્યો છે તે એક કાર્યક્રમનો છે જ્યાં કાર્તિક આર્યન અને કરણ જોહર એકબીજાને મળ્યા હતા. સ્ટેજ પર સાથે ડાન્સ કર્યા પછી બંને એકસાથે એક જ ટેબલ પણ શેર કરતા પણ જોવા મળ્યા હતા અને એકબીજા સાથે વાતચીત કરતી વખતે હસતા પણ જોવા મળ્યા હતા.

‘દોસ્તાના 2’ પર ધર્મા પ્રોડક્શને આપ્યું સ્ટેટમેન્ટ

વરુણ ધવને કાર્તિક આર્યનને સ્ટેજ પર ખેંચી લીધો હતો. સ્ટેજ પર ઘણા કલાકારો એકસાથે ડાન્સ કરતા પણ જોવા મળ્યા હતા. આમાં વરુણ ધવન, કાર્તિક આર્યન, રણવીર સિંહ, અર્જુન કપૂર, આયુષ્માન ખુરાના, અનિલ કપૂર, કૃતિ સેનન, કિયારા અડવાણી અને સિદ્ધાર્થ મલ્હોત્રા પણ જોવા મળ્યા હતા. બધાએ અપકમિંગ ફિલ્મ ‘જુગ જુગ જિયો’ના ગીત પર ડાન્સ કર્યો. કરણ જોહર પણ સ્ટેજ પર બધા સાથે ડાન્સ કરતો જોવા મળ્યો હતો.

સારા અલી ખાને કાર્તિક આર્યનને શુભેચ્છા પાઠવી

આ જ કાર્યક્રમમાં કાર્તિક આર્યન પણ સારા અલી ખાનને શુભેચ્છા પાઠવતો જોવા મળ્યો હતો જેમના વિશે ઘણા સમયથી રિપોર્ટમાં કહેવામાં આવી રહ્યું હતું કે બંને ‘લવ આજ કલ’ દરમિયાન એકબીજાને ડેટ કરી રહ્યા હતા. પરંતુ ફિલ્મ ફ્લોપ થતાં જ બંનેનું બ્રેક-અપ થઈ ગયું હતું. આ કાર્યક્રમમાં કાર્તિક આર્યન અને સારા અલી ખાન પણ પાપારાઝી માટે પોઝ આપતા જોવા મળ્યા હતા.

હાલમાં જ કાર્તિક આર્યનની ફિલ્મ ‘ભૂલ ભુલૈયા 2’ રીલિઝ થઈ હતી જે ઘણી હિટ સાબિત થઈ હતી. આ ફિલ્મમાં તેની એપોઝિટ કિયારા અડવાણી જોવા મળી હતી અને તેની સાથે તબ્બુ પણ આ ફિલ્મમાં જોવા મળી હતી. આ ફિલ્મ પછી હવે કાર્તિક આર્યન પાસે ફ્રેડી, શહજાદા અને સાજિદ નડિયાદવાલાની બીજી ફિલ્મ છે. કરણ જોહર પણ ઘણા વર્ષો પછી ‘રોકી ઔર રાની કી પ્રેમ કહાની’ દ્વારા નિર્દેશનમાં પુનરાગમન કરી રહ્યો છે. તેની પ્રોડક્શનની ફિલ્મ ‘જુગ જુગ જિયો’ પણ 24 જૂને સિનેમાઘરોમાં રિલીઝ થવા જઈ રહી છે.