Kajol Birthday : કાજોલના પિતા કાજલનું નામ ‘મર્સિડીઝ’ રાખવાના હતા, માતા તનુજાએ કર્યો વિરોધ

કાજોલ………..ભારતીય (Kajol Birthday) સિનેમાની શ્રેષ્ઠ અભિનેત્રીઓમાંની એક છે, જેણે તાજેતરમાં જ ફિલ્મ ઉદ્યોગમાં તેના 30 વર્ષ પૂરા કર્યા છે. જેના વિશે તેણે પોતે તેના ઇન્સ્ટાગ્રામ એકાઉન્ટ પર માહિતી આપી હતી. કાજોલે પોતાના કરિયરમાં એકથી વધુ ફિલ્મો કરી છે. તેણીએ તેની કારકિર્દીમાં 6 વખત ફિલ્મફેર એવોર્ડ (Filmfare Award) પણ જીત્યો છે. કાજોલનો જન્મ 5 જુલાઈ 1974ના રોજ મુંબઈમાં થયો હતો. તે દિવંગત નિર્માતા-નિર્દેશક સોમુ મુખર્જી અને ભૂતપૂર્વ અભિનેત્રી તનુજાની (Tanuja) પુત્રી છે. કાજોલ આજે તેનો 48મો જન્મદિવસ ઉજવી રહી છે.

અજય દેવગન સાથે કર્યા લગ્ન

કાજોલને એક બહેન છે અને તે પણ ફિલ્મી દુનિયામાં સક્રિય છે. કાજોલે 24 ફેબ્રુઆરી 1999ના રોજ અભિનેતા અજય દેવગન સાથે લગ્ન કર્યા હતા. જ્યારે કાજોલે અજય દેવગન સાથે લગ્ન કર્યા હતા, તે સમયે તે બોલિવૂડની શ્રેષ્ઠ અભિનેત્રીઓમાંની એક બની ગઈ હતી. કાજોલ અને અજયને બે બાળકો છે, ન્યાસા દેવગન અને યુગ દેવગન.

પિતા ‘મર્સિડીઝ’ રાખવાના હતા કાજોલનું નામ

કાજોલના પિતા તેનું નામ ‘મર્સિડીઝ’ રાખવાના હતા. આની પાછળ એક મહત્વનો કિસ્સો એવો પણ છે કે, કાજોલના પિતાએ કહ્યું હતું કે, જ્યારે તેમના બાળકના નામ પર મર્સિડીઝ કાર લોન્ચ થઈ શકે છે તો પછી મારી પુત્રીનું નામ ‘મર્સિડીઝ’ કેમ ન હોઈ શકે? પરંતુ તેની માતાને આ નામ રાખવું પસંદ ન હતું અને પછી તેનું નામ ‘કાજોલ’ રાખવામાં આવ્યું.

કાજોલ ફિલ્મોમાં આવવા માંગતી ન હતી

એક ઘટનાનો ઉલ્લેખ કરતા કાજોલે એક ઈન્ટરવ્યુ દરમિયાન કહ્યું હતું કે, તે ક્યારેય ફિલ્મોમાં આવવા માંગતી નથી. અને તે એટલા માટે કારણ કે તેણે તેની માતાને સવારે 7 થી 10 અને ક્યારેક બપોરે 2 વાગ્યે ઘરે પાછા ફરતી જોઈ હતી. તે જ સમયે, તેને નક્કી કર્યું હતું કે, તે ફિલ્મ ઉદ્યોગમાં પ્રવેશ કરશે નહીં. તે વધુ સારું છે કે તેઓ પોતાના માટે 9 થી 6 નોકરી શોધે, જેમાં દર મહિનાના ઓછામાં ઓછા પ્રથમ દિવસે પગાર મળે. ફિલ્મોમાં તો કામના હિસાબે પૈસા પણ મળતા નથી.

‘બાઝીગર’ અને ‘બેખુદી’ કાજોલની માતાએ કરી હતી સાઈન

કાજોલે પોતાની કારકિર્દીની પ્રથમ બે ફિલ્મો ‘બેખુદી’ અને ‘બાઝીગર’ સાઈન કરી ન હતી. કારણ કે તે સમયે તે માત્ર 16 વર્ષની હતી. તેના કરાર પર તેની માતાએ હસ્તાક્ષર કર્યા હતા. કાજોલે ફિલ્મ ‘બાઝીગર’ માટે ‘યે કાલી-કાલી આંખે’ ગાવાની ના પાડી દીધી હતી કે મારી આંખો કાળી નથી, આ ગીત રહેવા દો પણ તેણે કહ્યું કે શાહરૂખનું છે.

શાહરુખે કાજોલને કહ્યું હતું ‘ગધેડી’

કાજોલે આ બંને ફિલ્મો ક્યાંય પણ એક્ટિંગ શીખ્યા વિના કરી. ‘બાઝીગર’ના શૂટિંગ દરમિયાન શાહરૂખ ખાને કાજોલને ત્યાં સુધી કહ્યું હતું કે ‘તું મૂર્ખ છે, તું ગધેડી છે… તને ખબર નથી કે તું શું કરી રહી છે’. તને એક્ટિંગ વિશે કંઈ ખબર નથી. તું બસ આ રીતે ફરતી રહે છે. તને ખબર નથી કે તું કેમેરાની સામે શું કરી રહી છો.’

નસીબથી મળી ગઈ હતી ‘ગુપ્ત’

ફિલ્મ ‘ગુપ્ત’ વિશેની એક ઘટનાનો ઉલ્લેખ કરતાં કાજોલે એક ઈન્ટરવ્યુમાં કહ્યું હતું કે, હું કોઈ બીજાના ફોટો સેશન માટે ગઈ હતી અને મેં મારા ફોટા પાડ્યા અને મને ઑફર મળી, તો તે માત્ર નસીબ હતું કે તે યોગ્ય સમયે હું યોગ્ય સ્થાન પર હતી અને તે મારી સાથે થયું. પરંતુ હું મારા બાળકોને ટેકો આપવા માંગુ છું, તેઓ ગમે તે કરવા માંગે. હું તેમને ફિલ્મોમાં લાવવા માટે માર્ગદર્શન નહીં આપીશ, પરંતુ તેમને એવા કાર્યો કરવા માટે માર્ગદર્શન આપીશ જે તેમને ખુશ કરે અને સમાજ માટે ફળદાયી બને.

કાજોલને અત્યાર સુધી ઘણા એવોર્ડ મળ્યા છે

બોલિવૂડ અભિનેત્રી કાજોલે વર્ષ 1995માં બે ફિલ્મો ‘કરણ-અર્જુન’ અને ‘દિલવાલે દુલ્હનિયા લે જાયેંગે’ કરી હતી અને આ બંને ફિલ્મો બ્લોકબસ્ટર સાબિત થઈ હતી. કાજોલને ‘દિલવાલે દુલ્હનિયા લે જાયેંગે’ માટે ફિલ્મફેર શ્રેષ્ઠ અભિનેત્રીનો એવોર્ડ આપવામાં આવ્યો હતો. જ્યારે તેને ફિલ્મ ‘ગુપ્ત’માં નેગેટિવ પાત્ર ભજવવા માટે બેસ્ટ ઇન નેગેટિવ રોલનો ફિલ્મફેર એવોર્ડ પણ મળ્યો હતો.