Gadar 2 : ‘ઉડ જા કાલે કાવા’નો First look Out, સકીના અને તારા સિંહની જોડી લાગી શાનદાર
Udd Ja Kale Kawa Song : 'અમીષા પટેલે બોલિવૂડની કેટલીક ફિલ્મોમાં કામ કર્યું છે. જોકે તે ફિલ્મોએ સારો બિઝનેસ કર્યો છે. જેમાં કહો ના પ્યાર હૈ અને ગદર એક પ્રેમ કથા જેવી ફિલ્મોનો સમાવેશ થાય છે. હવે ફરી એકવાર ગદર 2 દ્વારા તે દર્શકોનું મનોરંજન કરવા માટે સ્ક્રીન પર આવી રહી છે. હવે તેની ફિલ્મનું નવું ગીત રિલીઝ થવાનું છે.
Udd Ja Kaale Kawa Song : સની દેઓલ અને અમીષા પટેલની ફિલ્મ ‘ગદર’ ચાહકોને ઘણી પસંદ આવી હતી. આવી સ્થિતિમાં, જ્યારથી સિક્વલ ‘ગદર 2’ ની જાહેરાત થઈ છે ત્યારથી ચાહકો તેની રિલીઝની આતુરતાથી રાહ જોઈ રહ્યા છે. ફિલ્મ ‘ગદર 2’ ઓગસ્ટમાં રિલીઝ થઈ રહી છે. હવે ફિલ્મના ડિરેક્ટર અનિલ શર્માએ સોશિયલ મીડિયા પર માહિતી આપી છે કે તેમની ફિલ્મનું પ્રખ્યાત ગીત ઉડ જા કાલે કાવા 29 જુને રિલીઝ થઈ રહ્યું છે. આ પહેલા તેણે આ ગીતની એક ઝલક ફેન્સ સાથે શેર કરી છે. આ સાથે તેણે લખ્યું છે.
આ પણ વાંચો : Gadar 2 Viral Video : ‘ગદર 2’ના આ એક્શનની સામે હેન્ડપંપ ઉખેડવાનું દ્રશ્ય ફેલ, રિલીઝ પહેલાં જ લીક થયો VIDEO
ઉડ જા કાલે કાવાનું ટીઝર
Get ready for the love story that transcends time! ❤️#UddJaKaaleKaava song out tomorrow#Gadar2 coming to set the screens on 🔥 this Independence Day! 🇮🇳 In Cinemas on 11th August @ZeeStudios_ @Gadar_Official @iamsunnydeol @ameesha_patel @iutkarsharma @anilsharmaprod pic.twitter.com/qT5V7QYcAT
— Anil Sharma (@Anilsharma_dir) June 28, 2023
આગામી ફિલ્મ ‘ગદર 2: ધ કથા કન્ટિન્યુ’ના પહેલા ગીત ‘ઉડ જા કાલે કાવા’નું ટીઝર સામે આવ્યું છે. ગીતમાં સની દેઓલ અને અમીષા પટેલની ઝલક જોવા મળી રહી છે. બંનેની સ્ટાઇલ એક જ છે, જે 22 વર્ષ પહેલા ફિલ્મ ‘ગદરઃ એક પ્રેમ કથા’ના પહેલા ભાગમાં હતી. ફિલ્મની પ્રોડક્શન કંપનીએ ગીતનું ટીઝર રીલીઝ કર્યું અને તેને કેપ્શન આપ્યું કે, ‘સમય અટકે એવી પ્રેમકથા માટે તૈયાર થઈ જાવ. ઉડ જા કાલે કાવા ગીત ગુરુવાર, 29 જૂને રિલીઝ થઈ રહ્યું છે. ગદર 2 આ સ્વતંત્રતા દિવસના અવસર પર 11 ઓગસ્ટે સિનેમાઘરોમાં રિલીઝ થઈ રહી છે.
આખું ગીત 29 જૂને થશે રિલીઝ
‘ગદર 2’નું ગીત ‘ઉડ જા કાલે કાવા’ 29 જૂને રિલીઝ થશે. આ ગીત ઉદિત નારાયણ દ્વારા ગાયું છે, જેણે તેનું અગાઉનું વર્ઝન પણ ગાયું હતું. જો કે, ગીતના ટીઝર પર ટિપ્પણી કરનારા લોકો દાવો કરી રહ્યા છે કે, જુબિન નૌટિયાલ આ ગીત ગાવાના હતા. તેઓ કોમેન્ટ બોક્સમાં પૂછી રહ્યા છે કે, ઝુબીન સાથેનું વર્ઝન ક્યારે રિલીઝ થશે. હવે આ ગીત રિલીઝ થયા પછી જ ખબર પડશે કે મેકર્સ આ ગીતમાં શું ટ્વિસ્ટ આપવાના છે.
‘ગદર 2’ 11 ઓગસ્ટે થશે રિલીઝ
અનિલ શર્મા દ્વારા દિગ્દર્શિત ‘ગદર 2: ધ કથા કન્ટિન્યૂ’ 11 ઓગસ્ટે સિનેમાઘરોમાં રિલીઝ થશે. આ ફિલ્મ 2001માં આવેલી ફિલ્મ ‘ગદર : એક પ્રેમ કથા’ની સિક્વલ છે. ફિલ્મમાં સની દેઓલ, અમિષા પટેલ, ઉત્કર્ષ શર્મા, સિમરત કૌર, લવ સિન્હા, મનીષ વાધવા અને ગૌરવ ચોપરા મહત્વની ભૂમિકામાં જોવા મળશે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
