ગણપતિ બાપ્પા મોર્યાના નાદથી ગુંજી ઉઠ્યું બોલિવૂડ, બિગ બીથી લઈને અજયે આ રીતે પાઠવી શુભેચ્છાઓ
Ganesh Chaturthi 2021: બોલિવૂડના દરેક સેલેબ્સને ગણપતિ દાદામાં અતૂટ શ્રદ્ધા છે. આ જ કારણ છે કે આ ખાસ દિવસે અમિતાભથી લઈને અનુપમ ખેરે સોશિયલ મીડિયા પર ગણેશ ચતુર્થીની શુભેચ્છા પાઠવી છે.
Ganesh Chaturthi 2021: ભગવાન ગણપતિના ભક્તો માટે આજનો દિવસ ખૂબ જ ખાસ છે. આજે દરેક ઘરમાં ગણપતિ દાદાનું આગમન થઈ રહ્યું છે. આવી સ્થિતિમાં બોલિવૂડ સેલેબ્સ પણ આ યાદીમાં સામેલ છે. તેઓને પણ ગણપતિમાં અતૂટ શ્રદ્ધા છે. દર વર્ષની જેમ આ વર્ષે પણ સેલેબ્સ ગણેશ ચતુર્થીના પવિત્ર તહેવારની ઉજવણી કરી રહ્યા છે. બોલિવૂડ સ્ટાર્સ આજે સોશિયલ મીડિયા પર આ ખાસ દિવસની શુભેચ્છા પાઠવી રહ્યા છે.
આ વર્ષે પણ કોરોના પ્રોટોકોલના કારણે ગણપતિ બાપ્પાની ઉજવણી ખૂબ ધામધૂમથી નહીં કરવા આવે. પરંતુ બોલિવૂડના મેગાસ્ટાર અમિતાભ બચ્ચનથી (Amitabh Bachchan) લઈને અજય દેવગન (Ajay Devgn) સુધી, ઘણા સેલેબ્સે સોશિયલ મીડિયા પર ગણેશ ચતુર્થીની શુભેચ્છા પાઠવી છે.
જાણો કેવી રીતે સેલેબ્સે શુભેચ્છા પાઠવી
સદીના મહાનાયક અમિતાભ બચ્ચને ગણપતિ દાદનું ઉષ્માભર્યું સ્વાગત કર્યું છે. બિગ બીએ આજે એક ફોટો શેર કર્યો છે જેમાં તેઓ હાથ જોડીને ગણેશજીની પૂજા કરતા જોવા મળે છે. ફોટો શેર કરતી વખતે તેમણે લખ્યું છે કે ‘ગણેશ ચતુર્થી પર ઘણી શુભેચ્છાઓ. ગણપતિ બાપ્પા મોરૈયા !!!’
View this post on Instagram
તે જ સમયે, અજય દેવગને ઇન્સ્ટાગ્રામ પર ફોટો શેર કરતી વખતે ‘લાલબાગચા રાજા’ના દર્શન કરાવ્યા છે. અભિનેતાએ લખ્યું, ‘ભગવાન ગણેશ તમામ બાબતોના આશ્રયદાતા છે – શાંતિ, સમૃદ્ધિ, પ્રગતિ, સુખ અને આરોગ્ય. ચાલો આજે આપણા પ્રિય દેવને આવકારવા પ્રાર્થના કરીએ. ગણપતિ બાપ્પા મોર્યા… ગણેશ ચતુર્થીની શુભકામનાઓ.
View this post on Instagram
આ સાથે જ અભિષેક બચ્ચને પણ એક વિડીયો શેર કર્યો છે અને આ પવિત્ર દિવસે શુભેચ્છા પાઠવી છે. અભિનેતાએ લખ્યું છે કે ‘ભગવાન ગણેશ તમને દરેક આંસુથી મુક્તિ આપે અને દરેક પ્રાર્થનાનો જવાબ આપે! આપ સૌને ગણેશ ચતુર્થીની ખૂબ ખૂબ શુભેચ્છાઓ! ‘
View this post on Instagram
વિરાસત ફિલ્મ અભિનેત્રી પૂજા બત્રાએ આ તહેવાર પર તેના ચાહકો માટે એક વિડીયો શેર કર્યો છે, આ સિવાય મલાઈકા અરોરાએ સોશિયલ મીડિયા પર ફેન્સ ગુડ મોર્નિંગ શેર કરતા લખ્યું છે – ‘ગણપતિ બપ્પા મોર્યા.’
View this post on Instagram
અનુપમ ખેરે પણ ચાહકોને સોશિયલ મીડિયા દ્વારા ગણેશ ચતુર્થીની શુભેચ્છા પાઠવી છે. તેમણે લખ્યું છે- તમને બધાને ગણેશ ચતુર્થીની ખૂબ ખૂબ શુભેચ્છાઓ. #GanpatiBappaMorya
View this post on Instagram
દર વખતની જેમ આ વખતે પણ સેલેબ્સના ઘરે ગણપતિનું આગમન થયું છે. શિલ્પા શેટ્ટી અને નીલ નીતિન મુકેશ સહિત ઘણા સેલેબ્સ તેમના ઘરે ગણપતિ બાપ્પા લાવે છે. તાજેતરમાં જ શિલ્પા શેટ્ટીના ફોટા પણ સામે આવ્યા હતા, જેમાં તેનો પુત્ર ગણપતિની પૂજા કરતો જોવા મળ્યો હતો. જો કે, કોરોનાને કારણે, મહારાષ્ટ્રમાં ઘણા નિયમો અંગે ફેરફારો કરવામાં આવ્યા છે.
આ પણ વાંચો: Anurag Kashyap Net Worth: 5 હજાર લઈને મુંબઈ આવેલા અનુરાગની આજની સંપત્તિ જાણીને આંખો થઈ જશે પહોળી
આ પણ વાંચો: વિવાદ: કૃષ્ણા અભિષેકે આપ્યું આવું નિવેદન તો ભડકી ગોવિંદાની પત્ની, કહ્યું ‘જીવનમાં એનો ચહેરો જોવા નથી માંગતી’
Latest News Updates
