હાલમાં જ મિથુન ચક્રવર્તીને લઈને એક ખરાબ સમાચાર વાયરલ થયા હતા. જણાવવામાં આવ્યું હતું કે, છાતીમાં દુખાવાને કારણે તેમને શનિવારે સવારે હોસ્પિટલમાં દાખલ કરવામાં આવ્યા હતા. આ સમાચાર સાંભળ્યા પછી દરેક લોકો ચિંતિત છે. સાથે જ લોકો તેમના જલદી સ્વસ્થ થવાની પ્રાર્થના કરી રહ્યા છે. જો કે હવે મિથુનના પુત્રએ તેના પિતાની હેલ્થ અપડેટ શેર કરી છે. મિમોહ સિવાય મિથુનની વહુએ પણ પોતાની પ્રતિક્રિયા આપી છે.
પુત્ર મિમોહ ચક્રવર્તીએ એક ઈન્ટરવ્યુમાં જણાવ્યું હતું કે, તેના પિતા સંપૂર્ણ ઠીક છે. તે હોસ્પિટલમાં ગયા હતા પરંતુ માત્ર રૂટિન ચેકઅપ માટે જ ગયા હતા. તે જ સમયે મિથુનની વહુ મદાલસા ખૂબ ગુસ્સામાં છે. તેણે કહ્યું કે, તેના સસરા એકદમ ઠીક છે અને આ સમાચાર અફવા છે. તે માત્ર રૂટીન ચેકઅપ માટે જ હોસ્પિટલમાં ગયા હતા. આ અફવા કોણ ફેલાવી રહ્યું છે?
મીડિયા રિપોર્ટ્સ અનુસાર કોલકાતા હોસ્પિટલના અધિકારી દ્વારા માહિતી આપવામાં આવી હતી કે મિથુનનું MRI કરવામાં આવ્યું છે. આ સિવાય કેટલાક ટેસ્ટ પણ કરવામાં આવ્યા છે. બાકીની માહિતી અમે પછીથી આપી શકીશું. મિથુનને 10:30 વાગ્યે હોસ્પિટલમાં લાવવામાં આવ્યા હતા. MRI રિપોર્ટ આવવાનો બાકી છે. હાલ તેને ડોક્ટરની દેખરેખ હેઠળ રાખવામાં આવ્યા છે. અહેવાલો અનુસાર મિથુન કોલકાતામાં છે અને તેની આગામી ફિલ્મ શાસ્ત્રીનું શૂટિંગ કરી રહ્યા છે.
તમને જણાવી દઈએ કે, મિથુનને હાલમાં જ પદ્મ ભૂષણ એવોર્ડથી નવાજવામાં આવ્યા છે. પુરસ્કાર મળવા પર ખુશી વ્યક્ત કરતાં તેમના પુત્ર નમાશીએ કહ્યું હતું કે, “ખૂબ જ ખુશ, ખૂબ જ આનંદ, બધું મેળવવું એ એક એવી અનુભૂતિ છે જે હું વર્ણવી શકતો નથી. ઘણી તકલીફો પછી જ્યારે કોઈને આટલું મોટું સન્માન મળે છે ત્યારે લાગણી કંઈક અલગ જ હોય છે.