Sushant Singh Rajputનાં નામે પોતાનો ચહેરો ચમકાવનારા પર ભડકી મોટી બહેન મિતૂ સિંહ, કહ્યું પરિવાર સહન નહીં કરે
ગયા વર્ષે 14 જૂને સુશાંતની ડેડબોડી તેમના બાંદ્રા નિવાસસ્થાને મળી હતી. સુશાંતના મોતથી ન ખાલી તેમના પરિવાર અને ઉદ્યોગને, પરંતુ ચાહકોને પણ ખુબજ આંચકો લાગ્યો હતો.
બોલિવૂડ એક્ટર સુશાંત સિંહ રાજપૂત (Sushant Singh Rajput) નાં નિધનને 14 જૂને એક વર્ષ પૂર્ણ થશે. અભિનેતાના મૃત્યુની પહેલી પુણ્યતિથિ પૂર્વે, પરિવારે તેમના નામે ધંધો કરનારાઓને કડક ચેતવણી આપી છે. સુશાંતની મોટી બહેન મિતૂ સિંહે સ્પષ્ટ કહ્યું કે સુશાંતના નામે કોઈ ફિલ્મ, બુક અથવા કોઈપણ પ્રકારની વ્યવસાયિક પ્રવૃત્તિની મંજૂરી પરિવારે આપી નથી. આવા લોકોને સહન કરવામાં આવશે નહીં.
આપને જણાવી દઈએ કે, ગયા વર્ષે 14 જૂને સુશાંતની ડેડબોડી તેમના બાંદ્રા નિવાસસ્થાને મળી હતી. સુશાંતના મોતથી ન ખાલી તેમના પરિવાર અને ઉદ્યોગને, પરંતુ ચાહકોને પણ ખુબજ આંચકો લાગ્યો હતો. તમામ હસ્તીઓએ આ દુ:ખદ ઘટના પર શોક વ્યક્ત કર્યો હતો અને પરિવારને દિલાસો વ્યક્ત કર્યો હતો.
તે જ સમયે, સોશિયલ મીડિયામાં સુશાંતના મોત પર ઘણા દિવસો સુધી હેશટેગ ચાલતા રહ્યા. બાદમાં દેશના જુદા જુદા ભાગોમાં ઘણી ફેન ક્લબ બનવાના અહેવાલો આવ્યા હતા.
એક તરફ, સુશાંતનો પરિવાર અને ચાહકો તેમના મૃત્યુથી તૂટી ગયા હતા અને તેમને ન્યાય અપાવવાનો પ્રયાસ છેલ્લા એક વર્ષથી કરી રહ્યા છે, જ્યારે કેટલાક લોકો માટે સુશાંતનું મૃત્યુ એક સુવર્ણ તક તરીકે આવ્યું છે.
અભિનેતાને શ્રદ્ધાંજલિ આપવાના નામે ઘણી યુટ્યુબ ચેનલો ખોલવામાં આવી હતી. આવા લોકો તેમના વિશે કમેન્ટ્સ કરવાનું શરૂ કર્યું, જેનો દૂર દૂર સુધી કોઈ મતલબ નથી. તેમના નામે ફંડ રેઇઝિંગ કરવામાં આવ્યું હતું. તે જ સમયે, એક ફિલ્મ નિર્માણના સમાચાર પણ આવ્યા. આ મામલો હાલ કોર્ટમાં છે.
(1/3)Unfortunately, it has come to our notice that some people are taking advantage of this situation for their own personal benefits which is an unexplainably inhuman act. All these people are required to refrain themselves from doing so.
— Meetu Singh (@divinemitz) June 3, 2021
(2/3)We would also like to bring this to everyone’s notice that the family has not authorised anyone to raise donations or funds in the name of SSR and no one has the consent to make anything about or related to SSR, be it a movie, a book or a merchandise.
— Meetu Singh (@divinemitz) June 3, 2021
(3/3)The family is not fond of turning a devastating tragedy into a profit and we will not allow anyone to do so. #JusticeForSushantSinghRajput #SSRians #SushantSinghRajput
— Meetu Singh (@divinemitz) June 3, 2021
સુશાંતની બહેન મીતુ સિંહે આ બધી બાબતોનું ધ્યાન રાખીને ટ્વીટ કરીને આ કરનારાઓને ચેતવણી આપી છે. તેમણે લખ્યું- દુર્ભાગ્યે, અમારા ધ્યાનમાં આવ્યું છે કે કેટલાક લોકો પોતાના ફાયદા માટે પરિસ્થિતિનો ઉપયોગ કરી રહ્યા છે, જો કે અમાનવીય કૃત્ય છે. આવા બધા લોકોએ આવી પ્રવૃત્તિઓથી દૂર રહેવું.
અમે બધા લોકોને ધ્યાનમાં લેવા માંગીએ છીએ કે સુશાંતના નામે પૈસા ઉઘરાવવા અથવા દાન મેળવવા માટે પરિવારે કોઈને સત્તા આપી નથી અને કોઈને એસએસઆરના નામે ફિલ્મ બનાવવા, પુસ્તકો લખવા અથવા ધંધો કરવાની છૂટ નથી આપી. પરિવારને આ બિલકુલ ગમતું નથી કે એક આંચકાજનક દુર્ઘટનાને લાભ કમાવવાના સાધનમાં ફેરવો અને અમે કોઈને આવું કરવા નથી દેવાના.
તમને જણાવી દઈએ કે, સુશાંત મૃત્યુ કેસમાં તેમની ગર્લફ્રેન્ડ રિયા ચક્રવર્તી મુખ્ય આરોપી છે. ડેથ કેસની તપાસ સીબીઆઈ કરી રહી છે. તે જ સમયે, પ્રવર્તન નિદેશાલય અને નાર્કોટિક્સ કંટ્રોલ બ્યુરો પણ સંબંધિત બાબતોની તપાસ કરી રહ્યા છે.