FIFA World Cup ના ફાઈનલમાં દીપિકા પાદુકોણ હાજર રહેશે, તેને મળી મોટી જવાબદારી
દીપિકા પાદુકોણ (Deepika Padukone) ફિફા વર્લ્ડ કપના ફાઈનલના દિવસે સ્ટેડિયમમાં ટ્રોફીનું અનાવરણ કરશે. આ માટે તે ટૂંક સમયમાં કતાર જવા રવાના થશે. આ જાણકારી મળ્યા બાદ ફેન્સમાં ગજબનું એક્સાઈટમેન્ટ જોવા મળી રહ્યું છે.
દીપિકા પાદુકોણ ઈન્ડસ્ટ્રીની એવી એક્ટ્રેસમાંથી એક છે જેને કોઈ ઓળખાણની જરૂર નથી. તે હંમેશા કોઈને કોઈ કારણોસર લાઈમ લાઈટમાં રહે છે. તેની સોશિયલ મીડિયા પર જબરદસ્ત ફેન ફોલોઈંગ છે, તેને તેના ફેન્સ તરફથી ઘણો પ્રેમ અને સમર્થન પણ મળે છે, જેના કારણે તેની પોપ્યુલારિટી દિવસેને દિવસે વધી રહી છે. આ સાથે હવે તે પોતાના કરિયરમાં ઐતિહાસિક સીડી ચડવાની તૈયારી કરી રહી છે. એક ગ્લોબલ આઈકોન હોવાને કારણે તેને ફિફા વર્લ્ડ કપના ફાઈનલમાં ટ્રોફીનું અનાવરણ કરવાની તક મળી રહી છે.
View this post on Instagram
દીપિકા પાદુકોણ ટૂંક સમયમાં કતાર જવા રવાના થવા જઈ રહી છે. તેને ફિફા વર્લ્ડ કપ 2022 ની ટ્રોફીને અનાવરણ કરવાની મોટી જવાબદારી સોંપવામાં આવી છે. પરંતુ આ સમાચાર વિશે હજુ સુધી કોઈ ઓફિશિયલ એનાઉન્સમેન્ટ કરવામાં આવ્યું નથી. પરંતુ રિપોર્ટ મુજબ 18 ડિસેમ્બર 2022ના રોજ દીપિકાને ફિફા કપ બતાવવાની તક મળી રહી છે.
ફિલ્મ ‘ફાઈટર’ના શૂટિંગમાં વ્યસ્ત છે દીપિકા
હાલમાં દીપિકા તેના તમામ પ્રોજેક્ટ્સમાં વ્યસ્ત છે. દીપિકા તેની અપકમિંગ ફિલ્મ ‘ફાઈટર’નું શૂટિંગ કરી રહી છે. આ ફિલ્મમાં તેની સાથે ઋતિક રોશન પણ જોવા મળશે. દીપિકા અને ઋતિકની શાનદાર જોડીને જોવા માટે ફેન્સ ખૂબ જ એક્સાઈટેડ છે. પહેલીવાર દીપિકા અને ઋતિક એકસાથે સ્ક્રીન શેયર કરતા જોવા મળશે. ડાયરેક્ટર સિદ્ધાર્થ આનંદના ડાયરેક્શનમાં બની રહેલી આ ફિલ્મને લઈને ફેન્સને ઘણી આશાઓ છે. ફિલ્મમાં અનિલ કપૂર પણ છે જે લીડ રોલમાં જોવા મળશે.
આ પ્રોજેક્ટ્સ પર કામ કરી રહી છે દીપિકા પાદુકોણ
આ સિવાય એક્ટ્રેસ પાસે ઘણી ફિલ્મો પાઇપલાઈનમાં છે. તમને જણાવી દઈએ કે દીપિકા શાહરૂખ ખાન અને જોન અબ્રાહમ સાથે ફિલ્મ પઠાનમાં જોવા મળશે. આ ફિલ્મ આવતા વર્ષે થિયેટરોમાં રિલીઝ થશે. એક્ટ્રેસ પ્રભાસ અને દિશા પટની સાથે પણ એક ફિલ્મમાં કામ કરી રહી છે. આ સિવાય તે અમિતાભ બચ્ચન સાથેની ઈન્ટર્નની રિમેકમાં પણ ધમાકેદાર અંદાજમાં જોવા મળશે. દીપિકા પાદુકોણ શાહરૂખ ખાનની ફિલ્મ ‘જવાન’માં કેમિયો કરતી જોવા મળશે. આ સિવાય તે સર્કસ ફિલ્મમાં પણ કેમિયો કરતી જોવા મળશે.
