વૈશ્વિક તણાવથી ફિલ્મ ઇન્ડસ્ટ્રી પર થઈ રહી છે અસર, અક્ષય કુમારે આ રીતે વ્યક્ત કરી ચિંતા…

બોલીવુડ અભિનેતા અક્ષય કુમાર હાલમાં તેમની આગામી ફિલ્મ ‘ભૂત બંગલા’ના પ્રમોશનમાં વ્યસ્ત છે. પણ દેશ અને દુનિયાની વર્તમાન પરિસ્થિતિ અંગે અક્ષય કુમારની ચિંતા સ્પષ્ટપણે દેખાય છે. અમેરિકા, ઇઝરાયલ અને ઈરાન વચ્ચે ચાલી રહેલા તણાવની અસર ભારત પર પણ પડી રહી છે. આ દરમિયાન અક્ષયે ફિલ્મ ઉદ્યોગ માટે પોતાની ચિંતા વ્યક્ત કરી છે.

વૈશ્વિક તણાવથી ફિલ્મ ઇન્ડસ્ટ્રી પર અસર

એક એજન્સી સાથે વાત કરતા અક્ષય કુમારે કહ્યું, ‘અત્યારે આપણે ફક્ત સિનેમાની જ ચિંતા કરીએ છીએ. સિનેમા આપણા માટે ખૂબ જ મહત્વપૂર્ણ છે. મને આશા છે કે રદ થયેલા કોન્સર્ટ ફરી શરૂ થાય. દરેકનો વ્યવસાય ચાલુ રહેવો જોઈએ. પરંતુ જેમ તમે કહ્યું તેમ, આ યુદ્ધમાં, દરેકનો વ્યવસાય ચાલુ રહે. આ યુદ્ધમાં દરેકનો વ્યવસાય ખોરવાઈ ગયો છે. શેરબજાર પણ તૂટી રહ્યું છે.

અક્ષયે કહ્યું કે હાલની પરિસ્થિતિ ફક્ત સામાન્ય લોકો પર જ નહીં, પણ મનોરંજન ઉદ્યોગ પર પણ અસર કરી રહી છે. જોકે આવા સમયમાં પણ ધુરંધર 2 જેવી ફિલ્મો કરોડો રૂપિયાનો વ્યવસાય કરી રહી છે. પણ અક્ષય પોતાની ફિલ્મના પરિણામ અંગે ચિંતિત જોવા મળી રહ્યા છે.

અક્ષયે અગાઉ પણ વ્યક્ત કરી હતી ચિંતાઓ

અક્ષયે અગાઉ પણ તેના શો ‘વ્હીલ ઓફ ફોર્ચ્યુનમાં’ વિશ્વભરમાં ચાલી રહેલા યુદ્ધો અંગે ચિંતા વ્યક્ત કરી હતી. તેણે લોકોને અપીલ કરતા કહ્યું હતું કે, ‘દુનિયામાં ઘણી મુશ્કેલીઓ ચાલી રહી છે. ઘણા બધા યુદ્ધો ચાલી રહ્યા છે. આપણે પ્રાર્થના કરવી જોઈએ. રાત્રે સૂતા પહેલા, તમારા પરિવાર અને દેશ માટે એક ટૂંકી પ્રાર્થના કરો, જેથી આપણે બધા સુરક્ષિત રહી શકીએ.’

અક્ષય કુમાર દર્શકોમાં વધારી રહ્યા છે ઉત્સાહ

અક્ષય કુમાર પોતાની ફિલ્મ ‘ભૂત બંગલા’ માટે દર્શકોમાં ઉત્સાહ વધારી રહ્યા છે. પરંતુ બીજી તરફ તેઓ વૈશ્વિક પરિસ્થિતિને અવગણી કરી રહ્યા નથી. તેમનું માનવું છે કેફિલ્મ ઉદ્યોગ સહિત દરેક ક્ષેત્રના કાર્ય માટે શાંતિ અને સ્થિરતા જરૂરી છે. તેઓ આ સમય દરમિયાન દરેકને સકારાત્મક રહેવા વિનંતી કરી રહ્યા છે.

10 એપ્રિલે રિલીઝ થશે ‘ભૂત બંગલા’

અક્ષયની ફિલ્મ ‘ભૂત બંગલા’ 10 એપ્રિલે સિનેમાઘરોમાં રિલીઝ થશે. તેમાં તેની સાથે વામિકા ગબ્બી, તબ્બુ અને રાજપાલ યાદવ જેવા અભિનેતા હશે. આ ફિલ્મનું દિગ્દર્શન પ્રિયદર્શન દ્વારા કરવામાં આવ્યું છે. અક્ષયની ફિલ્મ ‘વેલકમ ટુ ધ જંગલ’ પણ લાઇન અપમાં છે.

અભિષેક બચ્ચનની અનોખી સ્ટાઇલ, સોશિયલ મીડિયા પર ડબલ વોચ લુક વાયરલ… વધુ વાંચવા માટે અહીં ક્લિક કરો