‘Antim: The Final Truth’ Trailer: સલમાન ખાનની પાવર-પેક એક્શન, આયુષ શર્માની જબરદસ્ત એક્ટિંગ, જુઓ ધમાકેદાર ટ્રેલર

મુંબઈમાં આયોજિત એક ઈવેન્ટમાં સલમાન ખાન અને આયુષ શર્માની ફિલ્મ 'અંતિમઃ ધ ફાઈનલ ટ્રુથ' (Antim : The Final Truth Trailer)નું ટ્રેલર રિલીઝ કરવામાં આવ્યું હતું.

‘Antim: The Final Truth’ Trailer: સલમાન ખાનની પાવર-પેક એક્શન, આયુષ શર્માની જબરદસ્ત એક્ટિંગ, જુઓ ધમાકેદાર ટ્રેલર
Antim: The Final Truth

સલમાન ખાન (Salman Khan) અને આયુષ શર્મા (Aayush Sharma)ની ફિલ્મ ‘અંતિમ: ધ ફાઈનલ ટ્રુથ’ (Antim : The Final Truth) આ વર્ષની બહુપ્રતિક્ષિત ફિલ્મોમાંથી એક છે. જ્યાં એક તરફ સલમાનના ચાહકોમાં ફિલ્મને લઈને ક્રેઝ જોવા મળી રહ્યો છે તો બીજી તરફ સોમવારે ફિલ્મનું પહેલું ટ્રેલર રિલીઝ થતા તેમનો ઉત્સાહ વધી ગયો છે. સલમાન ખાન અને આયુષ શર્માની ફિલ્મ ‘અંતિમ: ધ ફાઈનલ ટ્રુથ’ (Antim : The Final Truth Trailer)નું ટ્રેલર મુંબઈમાં આયોજિત એક કાર્યક્રમમાં રિલીઝ કરવામાં આવ્યું હતું.

 

3 મિનિટ અને 5 સેકન્ડનું ટ્રેલર ખૂબ જ મજેદાર અને એક્શનથી ભરપૂર છે. સલમાન ખાન આ ફિલ્મમાં પોલીસની ભૂમિકા ભજવી રહ્યા છે. પાઘડી પહેરેલા સલમાન ખાન એકદમ અલગ અંદાજમાં જોવા મળે છે. તે જ સમયે આયુષ શર્મા ટ્રેલરમાં ખૂબ જ અલગ લુકમાં જોવા મળ્યા હતા. આયુષ શર્મા વિલન તરીકે જોવા મળ્યા હતા. સલમાન ખાન સાથે ટપોરી સ્ટાઈલમાં વાત કરે છે અને તેમની સામે ડાયલોગ બોલે છે, તે ખૂબ જ જોરદાર લાગે છે.

 

ફિલ્મના ડાયલોગ્સ પણ છે જબરદસ્ત

એટલું જ નહીં, આયુષ શર્માને જોઈને લાગે છે કે તે ફિલ્મમાં સલમાન ખાન પર ભારી પડી શકે છે. જોકે, જેમ સલમાન ખાન ટ્રેલરમાં એક ડાયલોગ બોલે છે – હું આખા હિન્દુસ્તાનનો ભાઈ છું… શું ખબર, ફિલ્મ જોયા પછી સલમાન ખાન તેમના આ સંવાદની જેમ ભારતના લોકો પર છવાઈ જાય, જેમ કે આજ સુધી છવાયેલા રહ્યા છે. એટલું જ નહીં, સલમાનના ફેન્સ જે વસ્તુ માટે ફિલ્મની રાહ જુએ છે, તે પણ તેમને આમાં જોવા મળશે, એટલે કે સલમાન ખાનનો શર્ટલેસ લુક. સલમાન અને આયુષ બંને ફિલ્મમાં પોતાની ફિટ બોડી બતાવતા જોવા મળશે.

 

આ ફિલ્મમાં આયુષ શર્માની લેડી લવની ભૂમિકામાં ટીવી પરથી આ ફિલ્મ દ્વારા બોલિવૂડમાં એન્ટ્રી કરનાર અભિનેત્રી મહિમા મકવાના (Mahima Makwana) છે. દર્શકોને આ ફિલ્મમાં મહિમા અને આયુષનું રોમેન્ટિક રૂપ પણ જોવા મળશે. આ ઉપરાંત આ ફિલ્મમાં દક્ષિણની જાણીતી અભિનેત્રી પ્રજ્ઞા જયસ્વાલ (Pragya Jaiswal ) પણ છે, જે સલમાન ખાનની હિરોઈન તરીકે જોવા મળશે. ટ્રેલર જોરદાર છે. ખાસ કરીને, તેના સંવાદો, જે દર્શકોને ઘણું મનોરંજન આપશે.

 

સલમાન અને આયુષે સંયુક્ત રીતે તેમના ચાહકો સાથે ટ્રેલર રિલીઝ કર્યું, જેથી ત્યાં હાજર દર્શકોનો જબરજસ્ત પ્રતિસાદ મળ્યો. ટ્રેલર એક સાથે મુંબઈ, ઈન્દોર, ગુરુગ્રામ અને નાગપુરમાં રિલીઝ કરવામાં આવ્યું હતું. આ ઈવેન્ટ તાજેતરના સમયમાં બોલિવૂડની ફિલ્મ માટે લોન્ચ કરવામાં આવેલ સૌથી મોટી ટ્રેલર ઈવેન્ટમાંની એક સાબિત થઈ. તમને જણાવી દઈએ કે મહેશ માંજરેકર (Mahesh Manjrekar)ની આ ફિલ્મ 26 નવેમ્બરે રિલીઝ થશે.

 

આ પણ વાંચો :- સુપરસ્ટાર Rajinikanthને મળ્યો દાદાસાહેબ ફાળકે એવોર્ડ, યાદ કરી કંડક્ટરથી એક્ટર બનવા સુધીની સફર

 

આ પણ વાંચો :- Bunty Aur Babli 2 Trailer: ડબલ હશે બંટી ઔર બબલીની ધમાલ, સિદ્ધાંત અને શાર્વરીએ કરી દીધી છે ગેમ અપ

Click on your DTH Provider to Add TV9 Gujarati