Bigg Boss 20: બિગ બોસમાંથી હવે આ સ્પર્ધક થયો બહાર ! ઓછા વોટ મળતાં એલિમિનેશનના અહેવાલ

સલમાન ખાનનો રિયાલિટી શો ‘બિગ બોસ’ હાલમાં ખૂબ ચર્ચામાં છે. દરરોજ નવા વિવાદો અને તીવ્ર દલીલબાજી જોવા મળે છે. આ દરમિયાન, દર અઠવાડિયે કોઈ એક સ્પર્ધકનો સફર પૂરો થાય છે. આ વખતે, આમ્રપાલી અને વાઇલ્ડ-કાર્ડ એન્ટ્રી મનીષ ગોયલ સિવાય ઘરના તમામ સભ્યો નોમિનેટ થયા હતા. ઘરના કેપ્ટન હોવાને કારણે આસિફ નોમિનેશનમાંથી સુરક્ષિત રહ્યા હતા. સામાન્ય રીતે ‘વીકેન્ડ કા વાર’ એપિસોડના બીજા દિવસે સ્પર્ધકોને બહાર કરવામાં આવે છે, પરંતુ જે સ્પર્ધક બહાર થયા છે તેમનું નામ પહેલેથી જ સામે આવી ગયું છે.

બિગ બોસમાંથી કપાયુ આ સ્પર્ધકનું પત્તુ

હા, સોશિયલ મીડિયા પ્લેટફોર્મ ‘X’ (અગાઉનું ટ્વિટર) પર બિગ બોસ વિશે નિયમિત અપડેટ્સ આપતા એક એકાઉન્ટે બહાર થનારા સ્પર્ધકનું નામ જાહેર કર્યું છે. આ ખુલાસો કદાચ ઘણાને ચોંકાવી શકે છે. આ સ્ત્રોત અનુસાર, અરિશફા ખાન, ઉદિતિ સિંહ અને અમન ગાંધીની ત્રિપુટી હવે તૂટી જશે, કારણ કે સૌથી ઓછા મત મળવાને કારણે અમન ગાંધીને શોમાંથી બહાર કરી દેવામાં આવ્યા છે.

Breaking #AmanGandhi has been Evicted from the #BiggBoss20 House!!

— Livefeed Updates (@BBossLivefeed) October 16, 2026

બિગ બોસમાંથી અમન ગાંધી બહાર

‘X’ પર ‘લાઇવ ફીડ અપડેટ્સ’ આપતા એક પેજે અહેવાલ આપ્યો છે કે અમન ગાંધીને બિગ બોસના ઘરમાંથી બહાર કરી દેવામાં આવ્યા છે. સૌથી ઓછા મત મળવાને કારણે તેમને ઘરે પરત મોકલી દેવામાં આવ્યા છે. શોમાં તેમનો સફર લગભગ ૪૩ દિવસનો રહ્યો. આ દરમિયાન, તેમની રમતની રણનીતિ કોઈને સમજાઈ ન હતી; સલમાન ખાને પણ ‘વીકેન્ડ કા વાર’ દરમિયાન તેમને ઘણી વખત પોતાની રમત પર વધુ ધ્યાન આપવાની સલાહ આપી હતી. એવું લાગે છે કે દર્શકો પણ તેમની રણનીતિ સમજી શક્યા ન હતા. જોકે, શોના નિર્માતાઓએ હજુ સુધી સત્તાવાર રીતે આ અંગે કોઈ પુષ્ટિ કરી નથી.

પહેલા કયા સ્પર્ધક થયા બહાર?

અત્યાર સુધીમાં, બિગ બોસમાંથી ચાર સ્પર્ધકો બહાર થઈ ચૂક્યા છે. રોહેદ ખાન અને ઈશા રિખીને ઓછા મત મળવાને કારણે શોમાંથી બહાર કરવામાં આવ્યા હતા. આ ઉપરાંત, રીતિ તિવારીને અઠવાડિયાની વચ્ચે જ બહાર થવું પડ્યું હતું; આ નિર્ણય કેપ્ટનસીના દાવેદારો માહી વિજ, ઉદિતિ સિંહ અને યંગ ડીએસએ (Young DSA)દ્વારા લેવામાં આવ્યો હતો. આ સિવાય, વાઇલ્ડ-કાર્ડ સ્પર્ધક નકુલ ધુલને બિગ બોસ દ્વારા ઘરની અંદર હિંસા આચરવા બદલ શોમાંથી બહાર કરી દેવામાં આવ્યા હતા.

Ramayana : નિતેશ તિવારીની ‘રામાયણ’ની નવી ઝલક! જોવા મળ્યું સીતાજીનું શસ્ત્રકૌશલ્ય અને રાવણનું શિવ તાંડવ, જુઓ VIDEO, આ સ્ટોરી વાંચવા અહીં ક્લિક કરો