ટીવીનો પોપ્યુલર ચેટ શો ‘કોફી વિથ કરણ’ (Koffee With Karan) હવે ક્યારેય ઓન એર નહીં થાય. શોના હોસ્ટ અને ફિલ્મમેકર કરણ જોહરે (Karan Johar) પોતે ટ્વીટ કરીને આ જાણકારી આપી છે. 2004માં શરૂ થયેલા આ શોનો છેલ્લો એપિસોડ માર્ચ 2019માં આવ્યો હતો, જેમાં ઘણી જાણીતી હસ્તીઓએ ભાગ લીધો હતો. આ શો ઘણીવાર વિવાદોથી ઘેરાયેલો રહેતો હતો, કારણ કે ચેટ શો દરમિયાન સ્ટાર્સ તેમના વિવાદાસ્પદ નિવેદનોને કારણે હેડલાઇન્સમાં આવતા હતા. ગત સિઝનમાં આ શો ટ્રોલર્સના નિશાના પર આવ્યો હતો. જે બાદ તેને થોડા સમય માટે ઓફ એર કરવામાં આવ્યો હતો. પરંતુ કરણ જોહરની જાહેરાતના કારણે તેના ફેન્સને મોટો ઝટકો લાગ્યો છે. જો કે, એક વર્ગ એવો પણ છે જે આ શો બંધ થવા પર ખુશી વ્યક્ત કરી રહ્યો છે અને ઉગ્રતાથી મીમ્સ શેર કરી રહ્યો છે.
કરણ જોહરે બુધવારે એક ટ્વિટમાં લખ્યું – આ શો મારા જીવનનો એક ભાગ રહ્યો છે. પરંતુ ભારે મનથી હું જાહેર કરું છું કે છ સિઝનના ટેલીકાસ્ટ પછી, હવે આ શો ક્યારેય ટીવી પર પાછો નહીં આવે. કરણ જોહરની આ જાહેરાત બાદ તેની પોસ્ટ પર લોકોની કોમેન્ટ્સનું પૂર આવ્યું છે. તેના નિર્ણયથી ફેન્સ નિરાશ થયા છે, ત્યારે મોટાભાગના યુઝર્સ તેની મજાક ઉડાવતા જોવા મળે છે. કેટલાક લોકો કહે છે કે જ્યારે શો બંધ થવાથી હાર્દિક પંડ્યા સૌથી વધુ ખુશ થશે. હવે તેના દિલને પણ ઠંડક મળશે. આ સિવાય ઘણા યુઝર્સ ફની મીમ્સ શેર કરીને પોતાની પ્રતિક્રિયા આપી રહ્યા છે. ચાલો પહેલા જોઈએ કે કરણ જોહરે પોતાના ટ્વીટમાં શું લખ્યું છે.
IMPORTANT ANNOUNCEMENT pic.twitter.com/FfVbIe1wWO
— Karan Johar (@karanjohar) May 4, 2022
Finally cancer band ho gaya !
— Jatan Kumar🇵🇰 (@IamJK45) May 4, 2022
કરણ જોહરના આ શોમાં હાર્દિક પંડ્યાએ મહિલાઓ પર વાંધાજનક ટિપ્પણી કરી હતી. જેના પર ભારે હોબાળો થયો હતો. ત્યારે કેએલ રાહુલ પણ તેની સાથે શોમાં હાજર હતો. બંને પર BCCI દ્વારા પ્રતિબંધ મૂકવામાં આવ્યો હતો. આ બંને ખેલાડીઓ માટે ખરાબ સ્વપ્નથી જેવું હતું.