સિદ્ધુ મુસેવાલા હત્યાઃ અત્યાર સુધીમાં 23 લોકની ધરપકડ, ગોલ્ડી બ્રાર સામે રેડ કોર્નર નોટિસ જાહેર
દીપક મુંડીના બે સહયોગીઓની ઓળખ કપિલ પંડિત અને રાજીન્દર તરીકે થઈ છે. આ બંને પર આરોપીઓને હથિયાર અને અન્ય સુવિધાઓ આપવાનો આરોપ છે.
Sidhu Moosewala : સિદ્ધુ મુસેવાલા (Sidhu Moosewala) હત્યાકાંડના મેન શુટર અને તેના 2 સહયોગીઓને 6 દિવસના પોલીસ રિમાન્ડ પર મોકલવામાં આવ્યા છે. દિપક મુંડી અને તેના 2 સહયોગી કપિલ પંડિત અને રાજીન્દરને આજ પંજાબ મનસા કોર્ટમાં રજુ કરવામાં આવ્યા હતા. સુનાવણી દરમિયાન કોર્ટે પોલીસ (Police)ને ત્રણેય લોકોને 6 દિવસના રિમાન્ડ પણ મોકલવામાં આવ્યા છે. પંજાબી ગાયક (Punjabi singer)સિદ્ધુ મુસેવાલાની હત્યા અંદાજે 100 દિવસ બાદ શનિવારના રોજ પંજાબ પોલિસે તેની હત્યામાં સામેલ શૂટર દિપક મુંડીની ધરપકડ કરી હતી.
સહયોગીઓને પશ્ચિમ બંગાળ-નેપાળ સરહદેથી પકડવામાં આવ્યા
પંજાબ પોલીસના મહાનિર્દેશક (ડીપીજી) ગૌરવ યાદવે કહ્યું કે દીપક અત્યાર સુધી પોલીસની આંખમાં ધૂળ નાખતો હતો. પરંતુ એજન્સીઓ સાથેના સંયુક્ત ઓપરેશનમાં તેને અને તેના બે સહયોગીઓને પશ્ચિમ બંગાળ-નેપાળ સરહદેથી પકડવામાં આવ્યા હતા. યાદવના જણાવ્યા અનુસાર મુંડીના બંને સહાયકોની ઓળખ કપિલ પંડિત અને રાજીન્દર તરીકે થઈ છે. આ બંને પર આરોપીઓને હથિયાર અને અન્ય સુવિધાઓ આપવાનો આરોપ છે.
A total of 23 accused have been arrested so far. 2 accused were neutralized in an encounter and so far 35 accused nominated. Red Corner Notice has been issued against Goldy Brar through Interpol with the help of central agencies: Punjab Police DGP on Sidhu Moose Wala murder case pic.twitter.com/zxDXVXJtF4
— ANI (@ANI) September 11, 2022
એક ટ્વિટમાં ડીજીપીએ કહ્યું કે, પંજાબ પોલીસે કેન્દ્રીય એજન્સીઓ અને દિલ્હી પોલીસ સાથે સંયુક્ત ઓપરેશનમાં સિદ્ધુ મુસેવાલા હત્યા કેસમાં ફરાર શૂટર દીપક મુંડીની તેના બે સહયોગીઓ સાથે ધરપકડ કરી છે. તેમણે વધુમાં કહ્યું કે, ‘મુખ્યમંત્રી ભગવંત માનની સૂચના પર ડ્રગ્સ અને કુખ્યાત આરોપીઓ વિરુદ્ધ ચાલી રહેલા જંગમાં મોટી જીત હાંસલ કરવામાં આવી છે.’
અત્યાર સુધી 23 લોકોની ધરપકડ
ગોલ્ડી બ્રાર આ હત્યાનો અસલી સૂત્રધાર છે. કપિલ નામના વ્યક્તિએ તેને નેપાળમાં આશરો આપ્યો હતો. તેમની યોજના દીપક મુંડીને દુબઈ મોકલવાની હતી. એટલું જ નહીં, સલમાન ખાનની રેકી પણ કપિલ પંડિત નામના વ્યક્તિએ કરી હતી. પોલીસે કહ્યું કે, અમે વિદેશમાં બેઠેલા અન્ય આરોપીઓને પણ પકડવાના પ્રયાસો કરી રહ્યા છીએ. આ કેસમાં અત્યાર સુધીમાં કુલ 23 લોકોની ધરપકડ કરવામાં આવી છે. જ્યારે બે એન્કાઉન્ટરમાં માર્યા ગયા છે. સાથે જ કુલ 35 આરોપીઓના નામ છે.
Latest News Updates
