બોલીવુડનો હળહળતો વિરોધ, બે પાકિસ્તાની ગાયકના વીડિયો T-Seriesએ યુટ્યૂબમાંથી હટાવી લીધા
પુલવામામાં CRPFના કાફલા પર થયેલ આંતકી હુમલાની વિરૂધ્ધ દેશ ઉકળી રહ્યો છે અને પાકિસ્તાન અને આંતકીઓની વિરૂધ્ધ કડક કાર્યવાહી કરવાની માગ કરી રહ્યાં છે. સરકાર જવાબ આપવાનું વચન આપી ચૂકી છે પણ તેના પહેલા 2 પાકિસ્તાની પ્લેબેક સિંગરને પુલવામા હુમલાની કિંમત ચૂકવવી પડી છે. બોલિવુડ મ્યુઝીકમાં વર્ષોથી મોટું નામ કમાતા પાકિસ્તાનના ગાયક આતિફ અસલમ અને […]
પુલવામામાં CRPFના કાફલા પર થયેલ આંતકી હુમલાની વિરૂધ્ધ દેશ ઉકળી રહ્યો છે અને પાકિસ્તાન અને આંતકીઓની વિરૂધ્ધ કડક કાર્યવાહી કરવાની માગ કરી રહ્યાં છે.
સરકાર જવાબ આપવાનું વચન આપી ચૂકી છે પણ તેના પહેલા 2 પાકિસ્તાની પ્લેબેક સિંગરને પુલવામા હુમલાની કિંમત ચૂકવવી પડી છે. બોલિવુડ મ્યુઝીકમાં વર્ષોથી મોટું નામ કમાતા પાકિસ્તાનના ગાયક આતિફ અસલમ અને રાહત ફતેહ અલી ખાનના ગીતોને મ્યુઝીક કંપની ટી-સીરીઝે તેમના યૂ-ટયૂબ એકાઉન્ટથી હટાવી લીધા છે. આ ગીતો યૂ-ટયૂબના બાકી એકાઉન્ટમાં હાજર છે. મ્યુઝીક કંપનીએ પુલવામા હુમલા પછી આ કાર્યવાહી કરી છે.
સલમાન ખાનની ફિલ્મ ‘ટાઈગર જીન્દા હે’ નું ગીત ‘દિલ દિયા ગલ્લા’ સહિત ઘણાં સુપરહિટ ગીતોના ગાયક આતિફ અસલમનું ગીત ‘બારિશે’ 13 ફેબ્રુઆરીએ અપલોડ કરવામાં આવ્યું હતુ, તેને પણ હટાવી લીધુ છે. તે રીતે રાહત ફતેહ અલી ખાનનું ગીત ‘જીન્દગી’ 15 ફેબ્રુઆરીએ યૂ-ટયૂબ પર મુકવામાં આવ્યું હતુ તેને પણ હટાવી લેવામાં આવ્યું છે.
ટી-સીરીઝે આ વિશે કોઈ વાતચીત કરી નથી પણ મહારાષ્ટ્ર નવનિર્માણ સેનાએ બધી જ મ્યુઝીક કંપનીઓને કહ્યું કે તેઓ કોઈ પણ પાકિસ્તાની સંગીત કલાકારની સાથે કામ કરવાનું બંધ કરી દે. મહારાષ્ટ્ર નવનિર્માણ સેનાએ ફિલ્મ સેનાના પ્રમુખ અમેય ખોપકરે જણાવ્યું કે બધી જ મ્યુઝીક કંપનીઓને ચેતવણી આપી છે કે તેઓ પાકિસ્તાની સંગીતકારો અને ગાયકો સાથે કોઈ સંબંધ ના રાખે.
[yop_poll id=1527]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
Latest News Updates
