Vav seat by-election result 2024 : વાવ બેઠક પર ભાજપના સ્વરુપજીનો 1300 મતે વિજય

બનાસકાંઠા જિલ્લાની વાવ બેઠક પર ભાજપના સ્વરુપજી ઠાકોરનો 1300 મતે વિજય થયો છે. આ બેઠક પર 23 રાઉન્ડની હાથ ધરાયેલ મતગણતરીમાં 21 રાઉન્ડ સુધી કોંગ્રેસના ગુલાબસિંહ રાજપૂત આગળ ચાલી રહ્યાં હતા. પરંતુ  મતગણતરીના 22 અને 23માં રાઉન્ડમાં ભાજપના સ્વરૂપજી ઠાકોરે, કોંગ્રેસના ગુલાબસિહની લીડ કાપીને વિજય તરફ આગળ વધ્યા હતા. ભારે રસાકસી બાદ, કોંગ્રેસના ગુલાબસિંહનો પરાજય થયો છે.

પુણે કેન્ટોનમેન્ટ મતવિસ્તારનું પરિણામ જાહેર થઈ ગયું છે. ભારતીય જનતા પાર્ટીના સુનિલ કાંબલેનો આ બેઠક પરથી વિજય થયો છે. હારથી કોંગ્રેસના રમેશ બાગને આંચકો લાગ્યો છે.

Maharashtra Election Results 2024 LIVE : મહારાષ્ટ્રની ચૂંટણીમાં મુંબઈના અંધેરી પૂર્વ મતવિસ્તારમાંથી શિવસેના શિંદે જૂથના મુરજી પટેલ જીત્યા છે.

મહારાષ્ટ્ર વિધાનસભાની ચૂંટણીના પરિણામો અને વલણો જાહેર થયા બાદ, દેવેન્દ્ર ફડણવીસે ટ્વિટ કરીને કહ્યું છે કે, એક હૈ તો સેફ હૈ, મોદી હૈ તો મુમકીન હૈ.

Maharashtra Election Results 2024 LIVE : સૂત્રોના જણાવ્યા અનુસાર, મહારાષ્ટ્રમાં બંધારણ દિવસ પર શપથ ગ્રહણ સમારોહ યોજાશે. તેના એક દિવસ પહેલા એટલે કે 25મી નવેમ્બરે વિધાનસભા પક્ષની બેઠક મળશે જેમાં મહાયુતિના જીતેલા તમામ ધારાસભ્યો ઉપસ્થિત રહેશે.

મહારાષ્ટ્રની વિધાનસભાના પરિણામોને લઈને, મહાયુતિમાં જીતનો જશ્ન શરૂ થઈ ગયો છે. કેન્દ્રીય ગૃહમંત્રી અમિત શાહે, CM એકનાથ શિંદે, ડેપ્યુટી સીએમ દેવેન્દ્ર ફડણવીસ અને અજિત પવારને ગ્રુપ ફોન કરીને અભિનંદન પાઠવ્યા હતા.

મહારાષ્ટ્ર વિધાનસભાની ચૂંટણીનુ સૌ પ્રથમ પરિણામ વડાલા બેઠકનું આવ્યું છે. વડાલા બેઠક પરથી ભાજપના કાળીદાસ નિલકંઠ કોલમંકર તેમના નજીકના પ્રતિસ્પર્ધી કરતા 24973 મતે વિજય મેળવ્યો છે.

Maharashtra Election Results 2024 LIVE : નાસિક જિલ્લાની કુલ 15માંથી 13 બેઠકો પર મહાયુતિના ઉમેદવારો આગળ ચાલી રહ્યા છે. માલેગાંવમાં અપક્ષ ઉમેદવારો આગળ ચાલી રહ્યા છે અને કલવાનમાં માર્ક્સવાદી કમ્યુનિસ્ટ પાર્ટીના જેપી ગાવિત આગળ ચાલી રહ્યા છે.

1. નાસિક પૂર્વ: રાહુલ ઢીક્લે ભાજપ 2. નાસિક મધ્ય: દેવયાની ફરાંદે ભાજપ 3. નાસિક પશ્ચિમ: સીમા હિરે ભાજપ 4. દેવલાલી: સરોજ આહેર અજિત પવાર જૂથ 5. ઈગતપુરી: હિરામન ખોસ્કર અજિત પવાર જૂથ 6. સિન્નર: માણિકરાવ કોકાટે અજીત પવાર જૂથ 7. ડિંડોરી: નરહરિ જીરવાલ અજિત પવાર જૂથ 8. કલવાન: જે.પી. ગાવિત માઓવાદી સામ્યવાદી પક્ષ 9.બાગલાન: દિલીપ બોરસે ભાજપ 10.ચાંદવાડ: રાહુલ આહેર ભાજપ 11.નિફાડ: દિલીપ બેંકર અજિત પવાર જૂથ 12.નાંદગાંવ: સુહાસ કાંડે શિંદે જૂથ 13.યેવલા: છગન ભુજબલ અજિત પવાર જૂથ. 14. માલેગાંવ આઉટર: દાદા ભુસે શિંદે ગ્રુપ 15. માલેગાંવ સેન્ટ્રલ: આસિફ શેખ સ્વતંત્ર

મહારાષ્ટ્ર વિધાનસભા ચૂંટણીના જાહેર થઈ રહેલા પરિણામોમાં એનડીએને સ્પષ્ટ બહુમતી મળી રહી છે. જેને લઈને મહારાષ્ટ્રના મુખ્ય પ્રધાન એકનાથ શિંદેએ પ્રતિક્રિયા આપતા કહ્યું કે, મહાયુતિ રાજ્યમાં સરકાર બનાવી રહી છે. મુખ્ય પ્રધાન કોણ બનશે તેનો નિર્ણય હવે પછી કરાશે.

ભાજપ- 124

શિવસેના (શિંદે જૂથ)- 56

NCP (અજીત જૂથ)- 37

કોંગ્રેસ- 19

શિવસેના (UBT) – 19

NCP(શરદ જૂથ)-13

Maharashtra Election Results 2024 LIVE :બાંદ્રા પશ્ચિમ વિધાનસભા મતવિસ્તારમાં આશિષ શેલાર 14 હજારથી વધુ મતોથી આગળ છે

આશિષ શેલાર – 25,590

આસિફ ઝકરિયા – 10,775

Maharashtra Election Results 2024 LIVE :  મંગલ પ્રભાત લોઢાની મલબાર હિલથી વિજયની કૂચ. 12મા રાઉન્ડના અંતે મંગલ પ્રભાત લોઢાના વોટ માર્જિન 36 હજારને પાર કરી ગયા છે. મંગલ પ્રભાત લોઢાને 57,390 મત મળ્યા અને ઠાકરે જૂથના ભૈરુલાલ ચૌધરીને 21,028 મત મળ્યા છે.

મહારાષ્ટ્ર અને ઝારખંડમાં અત્યાર સુધી જે નથી થયું તે બન્યું છે. ભાજપે મહારાષ્ટ્રમાં ઈતિહાસ રચ્યો છે, તો હેમંત સોરેને ઝારખંડમાં 24 વર્ષની પરંપરા તોડી છે. પહેલા મહારાષ્ટ્રની વાત કરીએ. અહીં ભાજપે અત્યાર સુધીનું શ્રેષ્ઠ પ્રદર્શન કર્યું છે. ટ્રેન્ડ મુજબ તેને 126 સીટો મળી રહી છે. અગાઉ 2014માં તેણે 122 બેઠકો જીતી હતી. 24 વર્ષની પરંપરા તોડીને હેમંત સોરેન ઝારખંડમાં ફરી સરકાર બનાવી રહ્યા છે. ઝારખંડમાં હજુ સુધી અહીં સરકારનું પુનરાવર્તન થયું નથી.

મહારાષ્ટ્ર અને ઝારખંડ વિધાનસભાની ચૂંટણીના જાહેર થયેલા પરિણામોમાં એનડીએને સ્પષ્ટ બહુમતી મળી રહી હોવાના વલણો સામે આવી રહ્યાં છે. વલણો અનુસારની  જ સ્થિતિ આખરી રહેવાની ધારણા છે. બન્ને રાજ્યોની વિધાનસભાની ચૂંટણીના પરિણામો સ્પષ્ટ થયા બાદ, વડાપ્રધાન નરેન્દ્ર મોદી, દિલ્હી સ્થિત ભાજપ કાર્યાલયે જાય તેવી સંભાવના છે.

Maharasthra Election Result 2024: ચાલીસગાંવ વિધાનસભા બેઠક પરથી ભાજપ મહાગઠબંધનના ઉમેદવાર મંગેશ ચવ્હાણ આઠમા રાઉન્ડમાં પણ આગળ ચાલી રહ્યા છે. મંગેશ ચવ્હાણ 30 હજાર 600 મતોની લીડ ધરાવતા હતા.

મહારાષ્ટ્ર વિધાનસભાની ચૂંટણીના જાહેર થઈ રહેલા પરિણામોથી ઉત્સાહીત થઈને, અજીત પવાર જૂથના ટેકેદારોએ બારામતીમાં ફટાકડી ફોડીને આનંદ ઉત્સાહ વ્યક્ત કર્યો હતો. જુઓ વીડિયો

Maharashtra Election Results 2024 LIVE :  સંજય રાઉતે વિધાનસભા ચૂંટણીના પરિણામ પર શંકા વ્યક્ત કરતા કહ્યું કે, મહારાષ્ટ્ર વિધાનસભાના અત્યાર સુધીના પરિણામોમાં કંઈક તો ગરબડ છે. આ મહારાષ્ટ્રના લોકોનો અભિપ્રાય નથી

Maharashtra Election Results 2024 LIVE : મહારાષ્ટ્ર વિધાનસભાની ચૂંટણીની મતગણતરીના સામે આવી રહેલા ટ્રેન્ડ મુજબ મહારાષ્ટ્રમાં NDAએ 200નો આંકડો પાર કરી લીધો છે. તેઓ 217 સીટો પર આગળ ચાલી રહ્યા છે. જ્યારે MVA 749 સીટો પર આગળ છે.

Maharashtra Election Results 2024 LIVE : મહારાષ્ટ્ર વિધાનસભા ચૂંટણીના સામે આવી રહેલા પરિણામોથી એવું લાગી રહ્યું છે કે, વિધાનસભાની ચૂંટણીમાં કોંગ્રેસના અનેક દિગ્ગજોને મોટો ઝટકો લાગ્યો છે. કરાડ દક્ષિણથી પૃથ્વીરાજ ચવ્હાણ પાછળ ચાલી રહ્યા છે. બાળાસાહેબ થોરાટ, વિજય વડેટ્ટીવાર, યશોમતી ઠાકુર, અમિત દેશમુખ પણ પાછળ ચાલી રહ્યાં છે.

Maharashtra Election Results 2024 LIVE : શિવસેનામાં બળવો કરીને મહાગઠબંધનમાં સામેલ થયેલા એકનાથ શિંદેના જૂથને મોટી સફળતા મળી હોય તેમ લાગે છે. મહા વિકાસ આઘાડી 50થી ઓછી બેઠકો પર આગળ છે, જ્યારે શિવસેના શિંદે જૂથ 58 બેઠકો પર આગળ છે.

Maharashtra Election Results 2024 LIVE : મહારાષ્ટ્રના મુખ્ય પ્રધાન એકનાથ શિંદે કોપરી-પચપક્કડી બેઠક પરથી આગળ ચાલી રહ્યા છે.

મહારાષ્ટ્ર વિધાનસભાની ચૂંટણીની હાથ ધરાયેલ મત ગણતરીના સામે આવી રહેલા પ્રાથમિક વલણો અનુસાર, એનડીએ એ સ્પષ્ટ બહુમતી મેળવી લીધી છે. 288 બેઠકની વિધાનસભામાં, એનડીએ 202 બેઠક પર આગળ ચાલી રહી છે. જ્યારે મહાવિકાસ અઘાડી 73 બેઠક પર આગળ ચાલે છે.

મહારાષ્ટ્ર વિધાનસભાની ચૂંટણીની મતગણતરી અંગે  કેન્દ્રીય ચૂંટણી પંચના અહેવાલ અનુસાર એનડીએ એ સ્પષ્ટ બહુમતી મેળવી છે. ચૂંટણી પંચના શરૂઆતી વલણો અનુસાર 163 બેઠક પર એનડીએના ઉમેદવારો આગળ ચાલી રહ્યાં છે. જુઓ કયા પક્ષના કેટલા ઉમેદવારો આગળ ચાલી રહ્યાં છે ?

બનાસકાંઠાની વાવ વિધાનસભા બેઠક પર, ત્રીજા રાઉન્ડના અંતે કોંગ્રેસના ગુલાબસિંહ રાજપૂત 1166 મત આગળ ચાલી રહ્યાં છે. કોંગ્રેસને 4558, ભાજપના સ્વરૂપજીને 3689 અને અપક્ષ માવજી પટેલને 1710 મત મળ્યાં છે.

Maharasthra Election Result 2024: મહારાષ્ટ્ર વિધાનસભાની ચૂંટણીના આજે યોજાઈ રહેલ મતગણતરીમાં અત્યાર સુધીના સામે આવી રહેલા વલણોને જોતા એનડીએ મહારાષ્ટ્રમાં બહુમતી તરફ આગળ વધી રહી છે. 288 બેઠક પૈકી 164 બેઠક પર એનડીએના ઉમેદવારો આગળ ચાલી રહ્યાં છે. જ્યારે મહાવિકાસ અઘાડીના 99 ઉમેદવારો આગળ ચાલી રહ્યાં છે. જ્યારે અપક્ષ અને અન્ય રાજકીય પક્ષના 16 ઉમેદવારો આગળ ચાલી રહ્યાં છે.

Maharashtra Election Results 2024 LIVE : બાંદ્રા ઈસ્ટથી વરુણ સરદેસાઈ આગળ છે. બાબા સિદ્દીકીના પુત્ર જીશાન સિદ્દીકી પાછળ ચાલી રહ્યાં છે.

Maharasthra Election Result 2024: માહિમ મતવિસ્તારમાં ત્રિપાંખિયો જંગ ચાલી રહ્યો છે અને MNSના અમિત ઠાકરેને આંચકો લાગ્યો છે. શિવસેના શિંદે જૂથના સદા સરવણકર, MNSના અમિત ઠાકરે કરતા આગળ છે.

અમિત ઠાકરે – 2 હજાર 156 વોટ

મહેશ સાવંત – 2 હજાર 142 વોટ

સદા સરવણકર – 2 હજાર 270 મત

Vav seat by-election result 2024 : બનાસકાંઠા જિલ્લાની વાવ વિધાનસભા બેઠકની પેટાચૂંટણીમાં, કોંગ્રેસના ગુલાબસિંહ રાજપૂત શરૂઆતી વલણોમાં ભાજપના સ્વરૂપજી ઠાકોર અને અપક્ષ માવજીભાઈ પટેલ કરતા આગળ ચાલી રહ્યાં છે. જો કે, આખરી પરિણામ આવતા બપોરનો સમય થવાની ધારણા છે.

Maharasthra Election Result 2024: ઘાટકોપરમાં ભારતીય જનતા પાર્ટીના રામ કદમ આગળ ચાલી રહ્યા છે.

બીજા રાઉન્ડના અંતે, શિવેન્દ્રરાજે ભોસલે સતારા વિધાનસભા મતવિસ્તારમાં 8613 મતોની મોટી લીડ ધરાવે છે.

Maharasthra Election Result 2024: એનસીપી અજિત પવાર જૂથના છગન ભુજબલ યેવલ્યામાં પાછળ ચાલી રહ્યાં છે. મતગણતરીમાં માણિકરાવ શિંદેએ આગળ ચાલી રહ્યાં છે.

મહારાષ્ટ્રમાં વિધાનસભાની ચૂંટણીમાં ભાજપ 82 બેઠક પર, શિવસેના શિંદે જૂથ 25 બેઠક પર, એનસીપી અજીત જૂથ 18 બેઠક પર આગળ છે. જ્યારે મહાવિકાસ અઘાડીમાં કોંગ્રેસ 44 બેઠક પર, શિવસેના ઉદ્ધવ ઠાકરે જૂથ 31 અને શરદ પવાર જૂથની એનસીપી 36 બેઠક પર આગળ ચાલી રહ્યાં છે.

Maharasthra Election Result 2024:  ઉત્તર નાગપુર મતવિસ્તારમાં કોંગ્રેસના નીતિન રાઉત પોસ્ટલ વોટમાં આગળ છે.

વડાલામાંથી શરૂઆતી ટ્રેન્ડ સામે આવ્યો છે અને ભાજપના કાલિદાસ કોલંબકર આગળ છે.

Maharasthra Election Result 2024: માહિમમાં પોસ્ટલ બેલેટની ગણતરી શરૂ થઈ ગઈ છે અને પહેલો ટ્રેન્ડ મળ્યો છે. MNSના અમિત ઠાકરે આગળ છે. માહિમમાં અમિત ઠાકરે, સદા સરવણકર અને મહેશ સાવંત વચ્ચે ત્રિપાંખિયો જંગ છે.

Maharasthra Election Result 2024: લાતુરમાં પોસ્ટલ ગણતરી શરૂ થઈ ગઈ છે અને પહેલો ટ્રેન્ડ બહાર આવ્યો છે. લાતુર શહેરમાં અમિત દેશમુખ પોસ્ટલ રાઉન્ડમાં અને ધીરજ દેશમુખ લાતુર ગ્રામીણમાં આગળ છે.

Maharasthra Election Result 2024: વરલીમાં પોસ્ટલ બેલેટની ગણતરી શરૂ થઈ ગઈ છે, પહેલો ટ્રેન્ડ જાહેર થયો છે. વરલી વિધાનસભા બેઠક પરથી ઉદ્ધવ ઠાકરે જૂથના આદિત્ય ઠાકરે આગળ ચાલી રહ્યા છે.

Maharasthra Election Result 2024: ડોમ્બિવલીમાં પોસ્ટલ બેલેટની ગણતરી શરૂ થઈ ગઈ છે અને પહેલો ટ્રેન્ડ મળ્યો છે. ભારતીય જનતા પાર્ટીના રવિન્દ્ર ચવ્હાણ આગળ છે, દિપેશ મ્હાત્રે પાછળ છે.

Maharasthra Election Result 2024: બારામતી મતવિસ્તારની પોસ્ટલ ગણતરી શરૂ થઈ ગઈ છે. બારામતીમાં યુગેન્દ્ર પવાર પોસ્ટલ વોટની ગણતરીમાં આગળ છે. અજિત પવાર પાછળ છે. તેથી અજીતદાદા જૂથના કાર્યકરોની ચિંતા વધી ગઈ છે. જો કે ઈવીએમની ગણતરી હવે પછી હાથ ધરાશે.

મહારાષ્ટ્રની 288 બેઠક માટે 20મી નવેમ્બરે યોજાયેલ ચૂટણીની મતગણતરીનો ચુસ્ત બંદોબસ્ત વચ્ચે પ્રારંભ થયો છે. મતગણતરી દરમિયાન સૌથી પહેલા પોસ્ટલ બેલેટની ગણતરી હાથ ધરાશે. અત્રે ઉલ્લેખનીય છે કે, પોસ્ટલ બેલેટ દ્વારા ચૂંટણી કામગીરીમાં સંકળાયેલા કર્મચારીઓ મતદાન કરતા હોય છે.

Maharashtra Election Results 2024 LIVE : મતગણતરી પૂર્વે, મુંબાદેવી બેઠક પરથી શિવસેના શિંદે જૂથના શાયના એનસીએ દાદર ખાતે આવેલ સિદ્ધિ વિનાયક મંદિરે દર્શન કર્યા હતા.

Maharasthra Election Result 2024: ભાજપ મહાગઠબંધન બળવાખોર અને અપક્ષ વિજેતા ઉમેદવારો પર ચાંપતી નજર રાખી રહ્યું છે. બળવાખોર અને અપક્ષ ચૂંટાયેલા ધારાસભ્યોનો સંપર્ક કરવા ભાજપે મહત્વના નેતાઓને જવાબદારી સોંપી છે. મંત્રી રવિન્દ્ર ચવ્હાણ, ભાજપના નેતા પ્રવીણ દરેકર, સંજય કુટે, મોહિત કંબોજ, નિતેશ રાણે અને નિરંજન દાવખરેને આ જવાબદારી સોંપવામાં આવી છે.

Maharasthra Election Result 2024: પરિણામો પહેલા મહારાષ્ટ્ર કોંગ્રેસના પ્રભારી રમેશ ચેન્નીથલાએ મોટો દાવો કર્યો છે. તેમણે કહ્યું કે મહારાષ્ટ્રમાં MVA સરકાર બનશે. બહુમતી મળ્યા બાદ સીએમ અંગેનો નિર્ણય લેવામાં આવશે. આ નિર્ણય MVAની બેઠકમાં લેવામાં આવશે.

Maharasthra Election Result 2024:  પરભણી જિલ્લામાં આજે સવારે 8 વાગ્યાથી મતગણતરી શરૂ થશે અને શરૂઆતમાં પોસ્ટલ મતોની ગણતરી 8 ટેબલ પર કરવામાં આવશે. ચારેય એસેમ્બલીમાં 14 ટેબલ પર 25 થી 32 રાઉન્ડ યોજાશે.

મહારાષ્ટ્ર ચૂંટણી પરિણામો પહેલા રામદાસ આઠવલેએ મોટું નિવેદન આપ્યું છે. તેમણે કહ્યું કે કોંગ્રેસ મહારાષ્ટ્રમાં શિવસેનાને ખતમ કરવાનો પ્રયાસ કરી રહી છે. શિવસેનાએ મહાયુતીમાં જોડાવવું જોઈએ.

મહારાષ્ટ્ર વિધાનસભાના પરિણામો ટૂંક સમયમાં જાહેર થશે. એવું કહેવાય છે કે મહારાષ્ટ્ર રાજ્યમાં પહેલો ટ્રેન્ડ વિદર્ભ અને નાગપુરમાંથી આવશે પ્રથમ ટ્રેન્ડ સવારે 8.45 વાગ્યે આવશે. આથી સૌનું ધ્યાન એ વાત તરફ પણ ગયું છે કે, કોની જીત અને કોની હાર વિદર્ભથી શરૂ થાય છે.

મધ્યપ્રદેશ સરકારના મંત્રી કૈલાશ વિજયવર્ગીયએ કહ્યું કે, મેં કહ્યું હતું કે મતદાનના દિવસે મહારાષ્ટ્રમાં 160-165 બેઠકો જીતવામાં આવશે. વડાપ્રધાન મોદી, નીતિન ગડકરી અને દેવેન્દ્ર ફડણવીસ પ્રભાવશાળી છે. સહયોગી લોકોનો પણ પોતપોતાના વિસ્તારોમાં પ્રભાવ છે. તેથી ત્યાં ભાજપની સરકાર આવશે. ઝારખંડમાં પણ શિવરાજ સિંહ ચૌહાણ અને હિમંતા બિસ્વા સરમાએ મહેનત કરી છે, ત્યાં પણ ભાજપની સરકાર આવશે.

મહાગઠબંધનમાં, ભારતીય જનતા પાર્ટીએ 149 વિધાનસભા બેઠકો પર ઉમેદવારો ઉભા રાખ્યા હતા, શિવસેના શિંદે જૂથે 81 બેઠકો પર અને અજિત પવારના નેતૃત્વવાળી રાષ્ટ્રવાદી કોંગ્રેસ પાર્ટી (NCP) એ 59 બેઠકો પર ઉમેદવારો ઉભા રાખ્યા હતા. વિપક્ષ MVA ગઠબંધનમાં, કોંગ્રેસે 101, શિવસેના ઉદ્ધવ ઠાકરે જૂથે 95 અને NCP શરદ પવાર જૂથે 86 ઉમેદવારોને મેદાનમાં ઉતાર્યા હતા.

મહારાષ્ટ્ર રાજ્યમાં 2019ની વિધાનસભા ચૂંટણીની સરખામણીમાં 2024માં યોજાયેલ ચૂંટણીમાં ઉભા રહેલા ઉમેદવારોની સંખ્યામાં 28 ટકાનો વધારો થયો છે. આ વર્ષે, 4,136 ઉમેદવારોએ ચૂંટણી લડી હતી, જ્યારે 2019ની ચૂંટણીમાં 3,239 ઉમેદવારો મેદાનમાં હતા. આ ઉમેદવારોમાંથી 2,086 અપક્ષ છે. બળવાખોર ઉમેદવારો 150 થી વધુ બેઠકો પર મેદાનમાં હતા, જેમાં મહાયુતિ અને MVA ઉમેદવારો તેમના પક્ષના સત્તાવાર ઉમેદવારો સામે ચૂંટણી લડી રહ્યા હતા.