Karnataka Result 2023: PM મોદી, અમિત શાહ, રાહુલ ગાંધી અને પ્રિયંકા ગાંધીએ જ્યાં જ્યાં પ્રચાર કર્યો ત્યાં કોણ જીત્યું? વાંચો દરેકનો જાદુ ચાલ્યો કે નહીં
કર્ણાટક વિધાનસભા ચૂંટણી 2023માં પોતપોતાના પક્ષો માટે જોરદાર પ્રચાર કરનારા સ્ટાર પ્રચારકોનો સ્ટ્રાઈક રેટ સામે આવ્યો છે. જેમના દ્વારા ભાજપ અને કોંગ્રેસ પોતાના જીતનો દાવો કરતા હતા તેમના સ્ટાર પ્રચારકે કેવુ પરફોર્મન્સ આપ્યું.
કર્ણાટક વિધાનસભા ચૂંટણીના પરિણામો લગભગ સ્પષ્ટ છે અને કોંગ્રેસને સંપૂર્ણ બહુમતી મળી છે. કોંગ્રેસ, ભાજપ અને જેડીએસના નેતાઓએ 10 મેના રોજ યોજાયેલા મતદાન માટે જોરદાર પ્રચાર કર્યો હતો. આ નેતાઓએ કેટલી સીટો પર પ્રચાર કર્યો અને કેટલી સીટોને પોતાના પક્ષની જીતમાં પરિવર્તિત કરી?
વડાપ્રધાન નરેન્દ્ર મોદીથી લઈને કોંગ્રેસના પૂર્વ અધ્યક્ષ રાહુલ ગાંધીએ આ ચૂંટણીમાં જોરદાર પ્રચાર કર્યો હતો. ઘણી રેલીઓને સંબોધિત કરી અને રોડ શો પણ કર્યા. આવો જાણીએ કેવો રહ્યો ટોચના નેતાઓનો સ્ટ્રાઈક રેટ. આ સ્ટ્રાઈક રેટ 2.15 વાગ્યા સુધીના પરિણામો અને વલણો પર આધારિત છે.
નેતાઓની રેલી/રોડ શોનો સ્ટ્રાઈક રેટ
- ભાજપ
ભાજપ વતી વડાપ્રધાન નરેન્દ્ર મોદી, ગૃહ પ્રધાન અમિત શાહ અને ઉત્તર પ્રદેશના મુખ્ય પ્રધાન યોગી આદિત્યનાથ, પક્ષ પ્રમુખ જેપી નડ્ડા અને આસામના મુખ્ય પ્રધાન હિમંતા બિસ્વા સરમા કમાન્ડમાં હતા. જેમાં પીએમ મોદીએ 44 એસેમ્બલી કવર કરી હતી. જેમાંથી 17 પર ભાજપે, 24 પર કોંગ્રેસે જીતનો ઝંડો લહેરાવ્યો છે. જ્યારે જેડીએસને 3 બેઠકો મળી છે. પીએમ મોદીનો સ્ટ્રાઈક રેટ 39 ટકા રહ્યો છે.
તે જ સમયે, ગૃહ પ્રધાન અમિત શાહ 36 એસેમ્બલીઓને આવરી લીધી હતી. જેમાંથી ભાજપે 10 અને કોંગ્રેસે 23 બેઠકો જીતી છે. જ્યારે જેડીએસને 3 બેઠકો મળી છે. તે મુજબ તેમની સ્ટ્રાઈક રેટ 28 ટકા રહ્યો છે. ઉત્તર પ્રદેશના સીએમ યોગી આદિત્યનાથે 11 વિધાનસભા સીટો પર પ્રચાર કર્યો. જેમાંથી ભાજપે 3 અને કોંગ્રેસે 7 બેઠકો જીતી છે. તે જ સમયે, એક બેઠક કલ્યાણ રાજ્ય પ્રગતિ પક્ષના હાથમાં છે. યોગી આદિત્યનાથની સ્ટ્રાઈક રેટ 27 ટકા હતી.
- કોંગ્રેસ
કોંગ્રેસ વતી પૂર્વ સાંસદ રાહુલ ગાંધીએ 26 વિધાનસભાઓમાં જોરશોરથી પ્રચાર કર્યો હતો. જેમાંથી તેમણે 17 સીટો પર પોતાની પાર્ટીને જીત અપાવી છે. જેમાંથી 8 પર ભાજપ અને એક સીટ પર જેડીએસનો વિજય થયો છે. તે મુજબ રાહુલ ગાંધીની સ્ટ્રાઈક રેટ 65 ટકા છે.
પાર્ટીના મહાસચિવ પ્રિયંકા ગાંધીએ પણ 26 વિધાનસભાને આવરી લીધી હતી. જેમાં કોંગ્રેસે 16 બેઠકો પર પોતાનો ઝંડો ફરકાવ્યો છે. ભાજપે 9 અને JDSએ એક સીટ જીતી છે. કોંગ્રેસ અધ્યક્ષ મલ્લિકાર્જુન ખડગેએ 28 વિધાનસભાઓમાં પ્રચાર કર્યો હતો જેમાં કોંગ્રેસે 16 બેઠકો જીતી છે અને ભાજપે 9 બેઠકો જીતી છે. જ્યારે જેડીએસને 3 બેઠકો મળી છે. આવી સ્થિતિમાં મલ્લિકાર્જુન ખડગેની સ્ટ્રાઈક રેટ 57 ટકા રહ્યી છે.
Latest News Updates
