Karnataka Election 2023: કર્ણાટકમાં મુખ્યપ્રધાનનો મામલો વધુ ગુંચવાયો, હવે આ ત્રીજા નામની થઈ એન્ટ્રી
સિદ્ધારમૈયા એક દિવસ પહેલાથી જ દિલ્હીમાં પડાવ નાખીને બેઠા છે. જ્યારે ડીકે શિવકુમાર આજે સવારે દિલ્હી પહોંચી ગયા હતા. ખડગેના ઘરે સીએમ ચહેરાને લઈને બેઠક તાજેત્તરમાં પૂર્ણ થઈ છે.
Karnataka conundrum: કર્ણાટક વિધાનસભા ચૂંટણીમાં કોંગ્રેસે જીત મેળવી છે, પરંતુ મુખ્યમંત્રીનો મુદ્દો હજુ ઉકેલાયો નથી. સિદ્ધારમૈયા અને ડીકે શિવકુમાર, (DK Shivakumar) જે કર્ણાટકની કમાન સંભાળશે, તેના પર શંકાની સ્થિતિ છે. બંને નેતાઓ દિલ્હીમાં પડાવ નાખીને બેઠા છે. કોંગ્રેસ અધ્યક્ષ મલ્લિકાર્જુન ખડગેના ઘરે કોંગ્રેસ નેતાઓની બેઠક તાજેત્તરમાં પૂર્ણ થઈ છે.
Tumakuru, Karnataka | Supporters of Congress leader G Parameshwara staged a protest demanding CM post for him. pic.twitter.com/cjdpEFqQvf
— ANI (@ANI) May 16, 2023
તે જ સમયે, આ દરમિયાન, અન્ય એક વ્યક્તિ રેસમાં પ્રવેશી છે. કોંગ્રેસના નેતા જી પરમેશ્વરાના સમર્થકોએ મંગળવારે તુમાકુરુમાં તેમને સીએમ બનાવવા માટે ઉગ્ર વિરોધ કર્યો હતો. આ વખતે કર્ણાટક ચૂંટણીમાં કોંગ્રેસે ઐતિહાસિક જીત મેળવી છે. 135 બેઠકો જીતીને કોંગ્રેસે ભાજપને સત્તા પરથી હટાવી દીધી. કોંગ્રેસ રાજ્યમાં પૂર્ણ બહુમતીના આધારે સરકાર બનાવશે. પરંતુ મુખ્યમંત્રીને લઈને હજુ સ્થિતિ સ્પષ્ટ થઈ નથી.
સીએમ ચહેરાને લઈને ખડગેના ઘરે બેઠક
સિદ્ધારમૈયા એક દિવસ પહેલાથી જ દિલ્હીમાં પડાવ નાખીને બેઠા છે. જ્યારે ડીકે શિવકુમાર આજે સવારે દિલ્હી પહોંચી ગયા હતા. ખડગેના ઘરે સીએમ ચહેરાને લઈને બેઠક તાજેત્તરમાં પૂર્ણ થઈ છે. આ બેઠકમાં કોંગ્રેસના મહાસચિવ રણદીપ સુરજેવાલા સહિત ઘણા વરિષ્ઠ નેતાઓ હાજર છે. નિરીક્ષકોના રિપોર્ટના આધારે કર્ણાટકના આગામી મુખ્યમંત્રી કોણ હશે તે નક્કી કરવામાં આવશે.
માતા જેવી કોંગ્રેસ પાર્ટી: ડીકે શિવકુમાર
હાઈકમાન્ડે બંને નેતાઓને એક દિવસ દિલ્હી બોલાવ્યા. પરંતુ શિવકુમારે 15મીએ દિલ્હી આવવાની ના પાડી દીધી હતી. આ પાછળ તેમને પોતાના જન્મદિવસનું કારણ આપ્યું હતુ. મીડિયા સાથે વાત કરતાં તેમણે કહ્યું હતું કે સિદ્ધારમૈયા સાથે તેમનો કોઈ મતભેદ નથી. પાર્ટી હાઈકમાન્ડ જે નિર્ણય લેશે તે મને સ્વીકાર્ય રહેશે. તે જ સમયે, દિલ્હી જતા પહેલા ડીકે શિવકુમારે પાર્ટીને માતા સમાન ગણાવી હતી.