નિઝર બેઠકનું પરિણામ 2022 LIVE Updates: Gujarat Election 2022 નિઝર વિધાનસભા બેઠક ઉપર ભાજપના જયરામ ગામીતની જીત થઈ છે. આ બેઠક પર ભાજપે 47 વર્ષીય ડો. જયરામ ગામીતને ટિકિટ આપી છે. જેમણે Ph.D સુધી અભ્યાસ કર્યો છે તો તેમની પાસે બેંકમાં એક લાખ 90 હજાર રુપિયા બેક ખાતામાં છે તો આ બેઠક પર આમ આદમી પાર્ટીએ અરવિંદભાઈ ગામીતને ટિકિટ આપી છે. 66 વર્ષના અરવિંદભાઈએ SSC સુધીનો અભ્યાસ કર્યો છે. તેમની પાસે આઠ લાખ રુપિયા જંગમ મિલકત છે.
ગુજરાતની 182 વિધાનસભા બેઠકો પૈકી નિઝર વિધાનસભા મતવિસ્તાર 172 નંબરની વિધાનસભા બેઠક છે. 2007માં જ્યારે તાપી જિલ્લાની રચના કરવામાં આવી, ત્યારે નિઝર સુરત જિલ્લામાંથી અલગ કરવામાં આવ્યું હતું. વર્ષ 2017ની ચૂંટણીમાં નિઝર વિધાનસભા બેઠક પરથી કોંગ્રેસના સુનિલભાઈ રતનજીભાઈ ગામીત જીત્યા હતા. તેમને ચૂંટણીમાં 106234 મત મળ્યા હતા. તેમણે ભાજપના કાંતિલાલભાઈ રેશમાભાઈ ગામેતને 23129 મતોની જંગી સરસાઈથી હરાવ્યા હતા.
નિઝર દક્ષિણ ગુજરાતમાં તાપી જિલ્લામાં આવેલી વિધાનસભા બેઠક છે. નિઝર વિધાનસભા બેઠક પર આદિવાસી લોકોનું પ્રભુત્વ જોવા મળે છે. અહીં વર્ષોથી પૂર્વપટ્ટીનાં આદિવાસી મતદારો હજુ કોંગ્રેસ સાથે રહ્યા છે. અહીંના આદિજાતિના લોકોના મતો નિર્ણાયક સાબિત થાય છે.
આ પણ વાંચો:
ગુજરાત વિધાનસભા ચૂંટણી લાઈવ અપડેટ