Assembly Election 2022: ચૂંટણી પ્રચારમાં છૂટ કે પ્રતિબંધ, આજે ચૂંટણી પંચની બેઠકમાં લેવાશે મહત્વનો નિર્ણય
પાંચ રાજ્યો- ઉત્તર પ્રદેશ, ઉત્તરાખંડ, પંજાબ, મણિપુર અને ગોવામાં વિધાનસભા ચૂંટણી માટે મતદાન 10 ફેબ્રુઆરીથી 7 માર્ચની વચ્ચે યોજાશે. પાંચ રાજ્યોમાં ચૂંટણી 7 તબક્કામાં પૂર્ણ થશે. મતગણતરી 10 માર્ચે થશે.
દેશમાં કોરોના મહામારીના (Coronavirus Pandemic) ફેલાવા વચ્ચે ફેબ્રુઆરી અને માર્ચમાં પાંચ રાજ્યોમાં ચૂંટણીઓને ધ્યાનમાં રાખીને રેલીઓ, રોડ શો અને શેરી સભાઓ પરનો પ્રતિબંધ ચાલુ રહેશે કે હટાવવાનો નિર્ણય ચૂંટણી પંચ કરશે. 22 જાન્યુઆરીએ ચૂંટણી પંચે (Election Commission) પાંચ ચૂંટણી રાજ્યોમાં રેલીઓ અને રોડ શો પરનો પ્રતિબંધ 31 જાન્યુઆરી સુધી લંબાવ્યો હતો. જો કે, ડોર ટુ ડોર પ્રચારની મંજૂરી આપવામાં આવી હતી.
સૂત્રોના જણાવ્યા અનુસાર ચૂંટણી પંચ સોમવારે એટલે કે આજે પાંચ રાજ્યો ઉત્તર પ્રદેશ, ઉત્તરાખંડ, ગોવા, મણિપુર અને પંજાબમાં કોરોનાની સ્થિતિ અને કોરોના રસીકરણ અભિયાનની સમીક્ષા કરશે. આયોગ કેન્દ્રીય આરોગ્ય સચિવ, મુખ્ય સચિવો અને પાંચ રાજ્યોના મુખ્ય ચૂંટણી અધિકારીઓ સહિત અન્ય લોકો સાથે પણ આ અંગે ચર્ચા કરશે. સૂત્રોએ જણાવ્યું છે કે દેશમાં કોરોનાની સ્થિતિમાં સુધારો થયો હોવા છતાં ચૂંટણી પંચ હજુ પ્રતિબંધ હટાવવાના મૂડમાં નથી. જોકે, પ્રતિબંધોમાં થોડી છૂટછાટ મળવાની શક્યતા છે.
10 ફેબ્રુઆરીથી 7 માર્ચ સુધી ચૂંટણી રાજ્યોમાં મતદાન
આયોગે અગાઉ રાજકીય પક્ષો અને ઉમેદવારોને 10 ફેબ્રુઆરીએ યોજાનાર પ્રથમ તબક્કાના મતદાન માટે 28 જાન્યુઆરીથી મહત્તમ 500 લોકોની મર્યાદા સાથે જાહેર સભાઓ યોજવાની મંજૂરી આપી હતી અને 14 ફેબ્રુઆરીએ યોજાનાર બીજા તબક્કાના મતદાન માટે 1 ફેબ્રુઆરીથી જાહેર સભાને મંજૂરી આપવામાં આવી હતી. આ ઉપરાંત પ્રચાર માટે વીડિયો વાનને પણ COVID-19 પ્રતિબંધો સાથે નિયુક્ત ખુલ્લી જગ્યાઓ પર મંજૂરી આપવામાં આવી હતી.
ચૂંટણી પંચે 8 જાન્યુઆરીએ ઉત્તર પ્રદેશ, ઉત્તરાખંડ, ગોવા, પંજાબ અને મણિપુરમાં ચૂંટણીની તારીખોની જાહેરાત કરતી વખતે 15 જાન્યુઆરી સુધી રેલીઓ, રોડ શો અને બાઈક રેલીઓ અને અન્ય આવા પ્રચાર કાર્યક્રમો પર પ્રતિબંધની જાહેરાત કરી હતી. 15 જાન્યુઆરીએ કમિશને આ પ્રતિબંધોને 22 જાન્યુઆરી સુધી લંબાવી દીધા હતા. આ પછી આ પ્રતિબંધો 31 જાન્યુઆરી સુધી લંબાવવામાં આવ્યા હતા.
જો કે, પ્રતિબંધ આગળ ચાલુ રહેશે કે નહીં, જો તે વધશે તો કેટલા સમય માટે તેનો નિર્ણય આવતીકાલે ચૂંટણી પંચ લેશે. પાંચ રાજ્યો ઉત્તર પ્રદેશ, ઉત્તરાખંડ, પંજાબ, મણિપુર અને ગોવામાં વિધાનસભા ચૂંટણી માટે મતદાન 10 ફેબ્રુઆરીથી 7 માર્ચની વચ્ચે યોજાશે. પાંચ રાજ્યોમાં ચૂંટણી 7 તબક્કામાં પૂર્ણ થશે. મતગણતરી 10 માર્ચે થશે.
આ પણ વાંચો : અમેરિકી રાષ્ટ્રપતિ જો બાઈડને કરી તાલિબાનને અપીલ, અફઘાનિસ્તાનમાં નૌસેનાના બંધક જવાનોને મુક્ત કરવા કરી વિનંતી
આ પણ વાંચો : ફોન પર કેવી રીતે ડાઉનલોડ કરવું ચૂંટણી કાર્ડ, જાણો શું છે સ્ટેપ બાય સ્ટેપ પ્રોસેસ