Israel Education System : માત્ર પુસ્તકીયું જ્ઞાન જ નહીં, મિલેટ્રી ટ્રેનિંગ પણ, 5 પોઈન્ટમાં જાણો ઇઝરાયેલની શિક્ષણ વ્યવસ્થા અન્ય દેશો કરતાં કેમ છે ચડિયાતી

ઈઝરાયેલ અને હમાસ વચ્ચે તાજેતરમાં ચાલી રહેલા યુદ્ધમાં 700થી પણ વધુ ઈઝરાયેલના નાગરીકો મરી ગયા હોવાના અહેવાલ આવી રહ્યા છે. આ દિવસોમાં ઇઝરાયેલ હમાસના હુમલાઓ સામે ઝઝૂમી રહ્યું છે. વિશ્વની બેસ્ટ એજ્યુકેશન સિસ્ટમમાં ઇઝરાયેલ દેશનું નામ લેવામાં આવે છે. અહીં લશ્કરી તાલીમ એ શિક્ષણની સાથે જ આપવામાં આવે છે.

આ પણ વાંચો : Israel Palestine War: ઈઝરાયેલ પર હમાસના હુમલાની આગાહી 450 વર્ષ પહેલા કરવામાં આવી હતી, આ વ્યક્તિએ કહ્યું હતું કે…

સમગ્ર વિશ્વની અંદર ઈઝરાયેલનો ઈતિહાસ, ધર્મ, ભૂગોળ, પડોશીઓ સાથેના સંબંધોને લઈને અને આર્મી ફોર્સને લઈને ચર્ચામાં રહે છે. મીડિયાના અહેવાલો અનુસાર ઇઝરાયેલની શિક્ષણ પ્રણાલી શીખવા માટે એક ભારતીય પ્રતિનિધિમંડળે વર્ષ 2022માં ઇઝરાયેલની મુલાકાત લીધી હતી. તો અહીંયા આપણે એ જાણીએ કે ઈઝરાયેલની શિક્ષણ વ્યવસ્થા અન્ય દેશો કરતા શા માટે ચડિયાતી છે.

Israel Education System આ બાબતે છે ચડિયાતી

1. AI આધારિત એજ્યુકેશન સિસ્ટમ : ઈઝરાયેલ ઘણા સમયથી ડેટા એનાલિટિક્સ અને આર્ટિફિશિયલ ઈન્ટેલિજન્સ એટલે કે AIની મદદથી ઈનોવેશન આધારિત શિક્ષણ પ્રણાલીનું સફળતાપૂર્વક સંચાલન કરી રહ્યું છે. ઇઝરાયેલની ઘણી સંસ્થાઓ, કોલેજો, યુનિવર્સિટીઓ અને સંસ્થાઓમાં લાંબા સમયથી AI Training અભ્યાસક્રમોનો એક ભાગ છે.
2. મિલેટ્રી ટ્રેનિંગ ફરજીયાત : ઇઝરાયેલની Educationj system મુજબ તમામ વિદ્યાર્થીઓએ Military Training લેવી ફરજીયાત છે. બધા વિદ્યાર્થીઓ ઇઝરાયેલ ડિફેન્સ ફોર્સ (IDF) સાથે જોડાયેલા રહે છે. IDF ટ્રેનિંગ સેન્ટરની ગણતરી વિશ્વના સૌથી અઘરા સેન્ટરમાં કરવામાં આવે છે. મીડિયા રિપોર્ટ્સ અનુસાર ઈઝરાયેલમાં રવિવારને વિકનો પ્રથમ દિવસ ગણવામાં આવે છે. આ દિવસે સોમવારની જેમ પૂરા ઉત્સાહ અને આનંદથી કામ કરવામાં આવે છે.
3. સરકારી ખર્ચ પર શિક્ષણ : ઇઝરાયેલમાં એજ્યુકેશન ફંડ વિવિધ યોજનાઓ અને પદ્ધતિઓ દ્વારા વિદ્યાર્થીઓને મદદ કરે છે. કોઈપણ વિદ્યાર્થીને શિક્ષણ મળે તે માટે આર્થિક સહયોગ આપવાનું કામ કરવામાં આવે છે. તે સરકારી અને ખાનગી એજન્સીઓ દ્વારા વ્યક્તિગત રીતે પણ પ્રદાન કરી શકાય છે.
4. શાળામાં જવું ફરજિયાત : ઇઝરાયેલમાં 6 થી 18 વર્ષની ઉંમરના બાળકોએ શાળામાં જવું ફરજિયાત છે. શાળામાં અભ્યાસ ફરજિયાત છે. ઔપચારિક શિક્ષણ પ્રાથમિક શાળાઓમાં ધોરણ 1 થી 6 સુધી આપવામાં આવે છે. તે પછી મધ્યવર્તી શાળામાં ચાલુ રહે છે, જેમાં ગ્રેડ 7 થી 9 અને માધ્યમિક શાળા, જેમાં ગ્રેડ 10 થી 12નો સમાવેશ થાય છે. તમને જણાવી દઈએ કે પ્રાથમિક શિક્ષણ પછી 9% શાળાની વસ્તી બોર્ડિંગ સ્કૂલમાં ભણે છે.
5. પુસ્તકિયું જ્ઞાન જ નહીં, ટ્રેનિંગ પણ : ઈઝરાયેલની Education System ની ખાસ વાત એ છે કે અહીંની શાળાઓ માત્ર પુસ્તકીયું જ્ઞાન જ નથી આપતી પણ અહીંની શાળાઓમાં વિદ્યાર્થીઓને દરેક પ્રકારના અભ્યાસ શીખવવામાં આવે છે. વૈશ્વિક સ્તરે તેમની છાપ બનાવવા માટે વિદ્યાર્થીઓએ આંતરરાષ્ટ્રીય કસોટીઓ આપવી પડે છે. આ માટે બીજા દેશોની ભાષાઓ તેમજ તેમના ઇતિહાસ અને દેશની ભૂગોળનું જ્ઞાન પણ ભણાવવામાં આવે છે.