ધનતેરસના દિવસે આ એક વસ્તુ ખરીદો, મા લક્ષ્મીની થશે અપાર કૃપા

આસો માસના કૃષ્ણ પક્ષની તેરસના દિવસે ધનતેરસના પર્વને મનાવવામાં આવ છે. 25 ઓકટોબર 2019 શુક્રવારના દિવસે ધનતેરસ છે. માન્યતા અનુસાર ધનતેરસના દિવસે ખરીદી કરવી શુભ મનાય છે. આ દિવસે ખરીદી કરવાથી ઘરમાં હંમેશા સુખ-શાંતિ અને સમૃધ્ધિ આવે છે, સાથે માતા લક્ષ્મીનો આશિર્વાદ પણ મળે છે. જાણીએ ધનતેરસના દિવસે કઇ વસ્તુ ખરીદવાથી ઘરમાં હંમેશા સમૃદ્ધિ રહેશે.

ઘરમાં માતા લક્ષ્મીની થાય છે કૃપા ધનતેરસના દિવસે તમે માતા લક્ષ્મીનું સ્ફટિકનું શ્રીયંત્ર ખરીદી શકો છો. આ દિવસે શ્રીયંત્ર ખરીદવાથી માતા લક્ષ્મીનો આશિર્વાદ પ્રાપ્ત થાય છે, અને ઘરમાં સમૃદ્ધિનો વાસ થાય છે. શ્રીયંત્રની પૂજા દિવાળીના દિવસે લક્ષ્મી પૂજનમાં કરો.

સાવરણી (ઝાડૂ) ખરીદો ધનતેરસના દિવસે ઝાડૂ એટલે કે સાવરણીની ખરીદી કરવી શુભ મનાય છે. કહેવાય છેકે આ દિવસે સાવરણીની ખરીદી કરવાથી ઘરમાંથી નકારાત્મક ઉર્જા દૂર થાય છે, અને સકારાત્મક ઉર્જાનો પ્રવેશ થાય છે.

માતા લક્ષ્મીને અર્પિત કરો આ વસ્તુ આ શુભ દિવસે ધાણાને ખરીદવા શુભ માનવામાં આવે છે. શાસ્ત્રોમાં પણ આનો ઉલ્લેખ કરવામાં આવ્યો છે. ધાણાના દાણાને દિવાળી પૂજનમાં માતા લક્ષ્મીને અર્પિત કરો. કેટલાક ધાણાને તમારી તિજોરી કે કબાટમાં મૂકી દો.

ચાંદીના સિક્કા ધનતેરસના દિવસે સોના અથવા ચાંદીના સિક્કાની ખરીદી કરી શકો છો. સોના-ચાંદીના સિક્કા સિવાય ચાંદીના વાસણોની પણ ખરીદી કરી શકાય છે. જે શુભ મનાય છે. સોના-ચાંદીના સિક્કા કે વાસણનું ધનતેરસના દિવસે પૂજન કરો.

ખરીદો પિત્તળના વાસણ પિત્તળના વાસણોની ખરીદી પણ ધનતેરસના દિવસે કરી શકો છો. અમૃત કલશ પિતળનું બનેલું હોય છે. પિત્તળ ભગવાન ધનવંતરીની પ્રિય ધાતુ છે. આ દિવસે દરવાજા પર સ્વસ્તિક (સાથિયો) ચોક્કસથી દોરજો.

ગોમતી ચક્ર પરિવારમાં દરેક લોકોનું સ્વાસ્થ્ય સારુ રહે અને ઘરમાં સમૃદ્ધિ રહે તે માટે ધનતેરસે 11 ગોમતી ચક્ર ખરીદો. ગોમતી ચક્રની પૂજા કર્યા બાદ તેને પીળા રંગના કપડાંમાં બાંધી તિજોરી કે કબાટમાં રાખો, જયા પૈસા મૂકવામાં આવતા હોય.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો