એક મહિનામાં ટામેટાના ભાવમાં 25 ટકા સુધીનો ઘટાડો નોંધાયો, છૂટક બજારમાં ટામેટા 58 રૂપિયા પ્રતિ કિલો સસ્તા થયા
ટામેટાંના ભાવ પાછલા એક સપ્તાહની તુલનામાં 12.89 ટકા નીચા અને છેલ્લા એક મહિના કરતાં 23.69 ટકા નીચા નોંધાયા હતા. ભારતના તમામ મોટા શહેરોમાં ટામેટાંના છૂટક ભાવ એક અઠવાડિયા પહેલા અને એક મહિના પહેલાની સરખામણીમાં લગભગ 15 રૂપિયા પ્રતિ કિલો ઘટી ગયા છે.
છૂટક બજારમાં ટામેટાંના ભાવ (Tomato Price) પાછલા એક સપ્તાહની તુલનામાં 12.89 ટકા નીચા અને છેલ્લા એક મહિના કરતાં 23.69 ટકા નીચા નોંધાયા હતા. ભારતના તમામ મોટા શહેરોમાં ટામેટાંના છૂટક ભાવ એક અઠવાડિયા પહેલા અને એક મહિના પહેલાની સરખામણીમાં લગભગ 15 રૂપિયા પ્રતિ કિલો ઘટી ગયા છે. રાજધાની દિલ્હીમાં (Delhi) 21 ડિસેમ્બરે ટામેટાંના ભાવ 43 રૂપિયા પ્રતિ કિલો નોંધાયા હતા, જ્યારે 20 ડિસેમ્બરે આ ભાવ 45 રૂપિયા, 14 ડિસેમ્બરે 48 રૂપિયા અને 21 નવેમ્બરે ટામેટાંના ભાવ 63 રૂપિયા પ્રતિ કિલો હતા. આ સંદર્ભમાં, એક મહિનાની અંદર, દિલ્હીમાં ટામેટાના ભાવમાં 31.75 ટકા સાથે સીધો 20 રૂપિયા પ્રતિ કિલોનો ઘટાડો થયો છે.
બેંગ્લોરમાં ટામેટાં 31 રૂપિયા પ્રતિ કિલો સસ્તા થયા
મુંબઈમાં (Mumbai) 21 ડિસેમ્બરે ટામેટાંનો ભાવ 41 રૂપિયા પ્રતિ કિલો હતો. 20 ડિસેમ્બરે પણ આ ભાવ માત્ર 41 રૂપિયા હતા, જ્યારે 14 ડિસેમ્બરે ટામેટાંના ભાવ 45 રૂપિયા પ્રતિ કિલો અને 21 નવેમ્બરે મુંબઈમાં 54 રૂપિયા પ્રતિ કિલો હતા. તે મુજબ એક મહિનામાં મુંબઈમાં ટામેટાના ભાવમાં 24.07 ટકા સાથે 13 રૂપિયા પ્રતિ કિલોનો ઘટાડો થયો છે.
21 ડિસેમ્બરે કર્ણાટકની રાજધાની બેંગલુરુમાં ટામેટાની કિંમત 57 રૂપિયા પ્રતિ કિલો હતી. 20 ડિસેમ્બરે પણ આ ભાવ માત્ર 57 રૂપિયા હતા, જ્યારે 14 ડિસેમ્બરે ટામેટાની કિંમત 66 રૂપિયા અને બેંગલુરુમાં 21 નવેમ્બરે ટામેટાની કિંમત 88 રૂપિયા પ્રતિ કિલો હતી. એટલે કે બેંગલુરુમાં એક મહિનાની અંદર ટામેટાંના ભાવમાં 35.23 ટકા સાથે 31 રૂપિયા પ્રતિ કિલોનો મોટો ઘટાડો થયો છે.
ચેન્નાઈમાં ટામેટા રૂ.100થી રૂ.42ના ભાવે આવ્યા હતા
તમિલનાડુની રાજધાની ચેન્નાઈમાં ટામેટાંની કિંમત 100 રૂપિયા પ્રતિ કિલો સુધી પહોંચી ગઈ છે. 21 નવેમ્બરે ચેન્નાઈમાં ટામેટાંનો ભાવ 100 રૂપિયા હતો. 14 ડિસેમ્બરે તે ઘટીને 63 રૂપિયા પર આવી ગયો, ત્યારબાદ 21 ડિસેમ્બરે ચેન્નાઈમાં ટામેટાની કિંમત 42 રૂપિયા પ્રતિ કિલો થઈ ગઈ. છેલ્લા એક મહિનામાં ચેન્નાઈમાં ટામેટાંના ભાવમાં 58 ટકાનો ઘટાડો થયો છે અને તે 100 રૂપિયાથી ઘટીને 58થી 42 રૂપિયા સુધી આવી ગયો છે.
અમદાવાદમાં ટામેટાંનો ભાવ 45 થી 50 પ્રતિ કિલો
જો તમે એક મહિના પહેલા અને હવેના ભાવની સરખામણી કરો તો ચેન્નાઈમાં ટામેટાંના ભાવ સૌથી વધુ ઘટ્યા છે. જ્યારે પુણેમાં ટામેટાના ભાવમાં માત્ર 19.05 ટકાનો ઘટાડો થયો છે. જણાવી દઈએ કે પૂણેમાં 21 નવેમ્બરે ટામેટાની કિંમત 42 રૂપિયા પ્રતિ કિલો હતી, જે 21 ડિસેમ્બરે 34 રૂપિયા પ્રતિ કિલો નોંધાઈ છે. તેવી જ રીતે ગુજરાતના અમદાવાદમાં હાલ ટામેટાંનો ભાવ 45 થી 50 પ્રતિ કિલો છે.
આ પણ વાંચો : રાજ્ય સરકાર વિધાનસભા સત્રમાં જાહેર કરશે નવી બે એગ્રો પોલિસી, કૃષિ મંત્રી રાઘવજી પટેલે TV9 સાથે કરી ખાસ વાતચીત
આ પણ વાંચો : ખેડૂતોની આવક વધારવા માટે ફૂડ પ્રોસેસિંગ ઉદ્યોગે મોટા પગલા ભરવા પડશે: કેન્દ્રીય રાજ્ય મંત્રી પ્રહલાદ પટેલ
