Sugar Export : ખાંડ એક્સપોર્ટ માટે સારા સમાચાર, આગામી સિઝનમાં 60 લાખ ટન ખાંડની નિકાસ થઇ શકે છે
વિશ્વમાં ભારત ખાંડનું બીજું સૌથી મોટો ઉત્પાદક દેશ છે. વર્ષ 2020-21 સીઝન (ઓક્ટોબર-સપ્ટેમ્બર) ના પહેલા 11 મહિનામાં દેશમાં લગભગ 66.7 લાખ ટન ખાંડની નિકાસ થઈ છે. જે અગાઉના વર્ષમાં 55.7 લાખ ટનની નિકાસ કરતા ઘણી વધારે છે.
વિશ્વ બજારમાં ખાંડના ઊંચા ભાવનો લાભ લઈને ભારત આગામી મહિનાથી શરૂ થનારી નવી ખાંડની સિઝનમાં 60 લાખ ટન ખાંડની નિકાસ કરી શકે છે. ભારત વિશ્વમાં ખાંડનું બીજું સૌથી મોટો ઉત્પાદક દેશ છે. વર્ષ 2020-21 સીઝન (ઓક્ટોબર-સપ્ટેમ્બર) ના પહેલા 11 મહિનામાં દેશમાં લગભગ 66.7 લાખ ટન ખાંડની નિકાસ થઈ છે, જે અગાઉના વર્ષમાં 55.7 લાખ ટનની નિકાસ કરતા ઘણી વધારે છે. હાલની ખાંડની સિઝનમાં ખાંડની કુલ નિકાસ 70 લાખ ટનને પાર કરી શકે છે.
સુગર મિલ્સ એસોસિએશન ઓફ ઈન્ડિયા (ISMA) એ જણાવ્યું હતું કે, બ્રાઝિલમાં ઉત્પાદનમાં સંભવિત ઘટાડાને કારણે આગામી સિઝનમાં વિશ્વ બજારમાં અછતની સંભાવના પર વૈશ્વિક ખાંડના ભાવ લગભગ 20 સેન્ટ પ્રતિ પાઉન્ડની ચાર વર્ષની ઊંચી સપાટીએ વેપાર કરી રહ્યા છે. આનો અર્થ એ થશે કે ભારતીય ખાંડ મિલોને આગામી થોડા મહિનામાં જાન્યુઆરી 2022 સુધી અને ત્યારબાદ બ્રાઝીલીયન ખાંડ બજારમાં આવે તે પહેલા એપ્રિલ 2022 સુધી તેમની વધારાની ખાંડની નિકાસ કરવાની સારી તક મળશે.
જાન્યુઆરી 2022 પછી થાઈલેન્ડની ખાંડ આવશે અનેક ખાંડ મિલોએ આગામી સિઝનમાં નિકાસ માટે વાયદા કરાર કર્યા છે. ઈસ્માએ કહ્યું છે કે, તેથી માનવામાં આવે છે અને અપેક્ષિત છે કે ભારતીય ખાંડ મિલો આ તકનો લાભ લેશે અને આગામી સિઝનમાં પણ 60 લાખ ટન ખાંડની નિકાસ કરવાની સ્થિતિમાં હશે.
તદુપરાંત થાઇલેન્ડમાં ખાંડનું ઉત્પાદન તેના અગાઉના વર્ષોની સરખામણીમાં આગામી સિઝનમાં વધવાની સંભાવના છે, પરંતુ તેમ છતાં તે તેના સામાન્ય ઉત્પાદન 1.4-14.5 કરોડ ટનથી લગભગ 30-35 લાખ ટન ઓછું રહેશે. ઇસ્માએ કહ્યું, થાઇલેન્ડની ખાંડ જાન્યુઆરી 2022 પછી જ બજારમાં આવશે.
આ વર્ષે 70 લાખ ટનને પાર કરી શકે છે કુલ નિકાસ ISMA અનુસાર, આ મહિને સમાપ્ત થતી 2020-21 સીઝનમાં ઓગસ્ટ સુધી દેશમાં 66.7 લાખ ટન ખાંડની નિકાસ થઈ હતી. આમાંથી 62.2 લાખ ટન ખાદ્ય મંત્રાલય દ્વારા નક્કી કરાયેલા ક્વોટા હેઠળ અને કેટલાક જથ્થા ઓપન જનરલ લાયસન્સ હેઠળ નિકાસ કરવામાં આવી હતી. 6 સપ્ટેમ્બર સુધીમાં, 2,29,000 ટન ખાંડ બંદરો પર હતી અથવા તો જહાજો પર લાદવામાં આવી હતી અથવા કાર્ગો જહાજોની રાહ જોતા વેરહાઉસમાં પડી હતી.
ISMA એ કહ્યું, ‘આનો મતલબ એ થશે કે વર્તમાન સિઝનમાં 20 દિવસો બાકી છે તે જોતા કુલ નિકાસ 70 લાખ ટનને પાર કરી શકે છે. કુલ નિકાસમાં ભરમાંથી 34.2 લાખ ટન કાચી ખાંડ, 25.6 લાખ ટન સફેદ ખાંડ અને 1,88,000 ટન શુદ્ધ ખાંડની નિકાસ કરવામાં આવી હતી.
આ પણ વાંચો :પહેલી વાર જો બાયડેને કર્યો શી જિનપિંગને કોલ, શું આ વાતચીત અમેરીકા તરફથી ચીનને ચેતવણી છે ?
