e Shram Card Benefits: શું ખેડૂતોનું પણ બની શકે છે ઈ-શ્રમ કાર્ડ, જાણો શું કહે છે નિયમ?
ગ્રામીણ વિસ્તારોમાં રહેતા ખેડૂતોનો પ્રશ્ન એ છે કે શું તેઓ પણ ઈ-શ્રમ કાર્ડ મેળવી શકશે? આજે અમે તમને જણાવીશું કે કયા લોકો ઈ-શ્રમ કાર્ડ મેળવી શકે છે અને કયા ખેડૂતો આ કાર્ડ બનાવવા માટે પાત્ર છે? ચાલો તેના વિશે વિગતવાર જાણીએ.
e-Shram Card: આ દિવસોમાં મોટી સંખ્યામાં લોકો તેમના ઈ-શ્રમ કાર્ડ (e Shram Card) મેળવી રહ્યા છે. ખાસ કરીને અસંગઠિત ક્ષેત્ર સાથે સંકળાયેલા મજૂરો અને કામદારો માટે ઈ-શ્રમ કાર્ડ શરૂ કરવામાં આવ્યું છે. આ કાર્ડ બનાવવાથી તેમને ઘણા ફાયદા થાય છે. પ્રધાનમંત્રી સુરક્ષા વીમા યોજના હેઠળ, ઈ-શ્રમ કાર્ડ ધારકોને 2 લાખ રૂપિયાનું વીમા કવચ આપવામાં આવે છે. આ સિવાય સરકારી રેકોર્ડમાં આવવાથી તેમની રોજગાર મળવાની શક્યતાઓ પણ વધી જાય છે. ઈ-શ્રમ કાર્ડ દ્વારા કામદારો સરકારની વિવિધ મહત્વકાંક્ષી યોજનાઓનો લાભ લઈ શકે છે.
ગ્રામીણ વિસ્તારોમાં રહેતા ખેડૂતો (Farmers)નો પ્રશ્ન એ છે કે શું તેઓ પણ ઈ-શ્રમ કાર્ડ મેળવી શકશે? આજે અમે તમને જણાવીશું કે કયા લોકો ઈ-શ્રમ કાર્ડ મેળવી શકે છે અને કયા ખેડૂતો આ કાર્ડ બનાવવા માટે પાત્ર છે? ચાલો તેના વિશે વિગતવાર જાણીએ.
ઈ-શ્રમ કાર્ડ કોણ મેળવી શકે છે
અસંગઠિત ક્ષેત્રનો કોઈપણ કાર્યકર જે EPFO અને ESIC ના સભ્ય નથી. તે પોતાનું ઈ-શ્રમ કાર્ડ બનાવી શકે છે. આ કામદારોને તેમનું ઈ-શ્રમ કાર્ડ બનાવતી વખતે કોઈપણ પ્રકારની સમસ્યાનો સામનો કરવો પડશે નહીં. આ લોકો લેબર પોર્ટલ પર જઈને સરળતાથી ઈ-શ્રમ કાર્ડ મેળવી શકે છે.
શ્રમ અને રોજગાર મંત્રાલયના જણાવ્યા અનુસાર, બાંધકામ કામદારો, સ્થળાંતર મજૂરો, શેરી વિક્રેતાઓ, ઘરેલું કામદારો, કૃષિ કામદારો અને અન્ય કોઈપણ કામદાર તેમનું ઈ-શ્રમ કાર્ડ બનાવી શકે છે.
ખેડૂતો પણ ઈ-શ્રમ કાર્ડ બનાવી શકશે
ઈ-શ્રમ પોર્ટલ પર ઉલ્લેખ કરવામાં આવ્યો છે કે કોઈપણ ખેતમજૂર અને જમીન વિહોણા ખેડૂત પોતાનું ઈ-શ્રમ કાર્ડ બનાવી શકે છે. ત્યારે જે ખેડૂતોની પોતાની જમીન છે તેમના માટે ઈ-શ્રમ કાર્ડ બનાવવામાં આવશે નહીં. એટલે કે માત્ર ખેતમજૂર અને જમીન વિહોણા ખેડૂત આ કાર્ડ બનાવડાવી શકે છે.
આ પણ વાંચો: Reliance Jio 5G સ્પીડ ટેસ્ટની માહિતી થઈ લીક, 4Gની સરખામણીએ હશે આટલી ગણી ડાઉનલોડ સ્પીડ
Latest News Updates
