Coimbatore rape case: વાયુસેના પ્રમુખ વી આર ચૌધરીએ કહ્યું કે મહિલા અધિકારીનો ટુ-ફિંગર ટેસ્ટ કરવામાં નોહતો આવ્યો
મહિલા વાયુસેના અધિકારીએ ભારતીય વાયુસેનાના અધિકારીઓ પર ગંભીર આરોપો લગાવ્યા છે. મહિલા અધિકારીનું કહેવું છે કે તેમને પ્રતિબંધિત 'ટુ-ફિંગર ટેસ્ટ' કરાવવાની અને આરોપી ફ્લાઇટ લેફ્ટનન્ટ સામેની ફરિયાદ પાછી ખેંચવાની ફરજ પડી
Coimbatore rape case: એર ચીફ વી આર ચૌધરી(VR Choudhary)એ મંગળવારે જણાવ્યું હતું કે, કોઇમ્બતુરમાં ઇન્ડિયન એરફોર્સ ટ્રેનિંગ એકેડેમીમાં જાતીય સતામણીનો આરોપ લગાવનાર મહિલા અધિકારી પર ‘ટુ-ફિંગર ટેસ્ટ’ (Two-Finger Test) કરવામાં આવ્યું નથી. 8 ઓક્ટોબરના રોજ IAF દિવસ પહેલા વાર્ષિક પરિષદને સંબોધતા તેમણે કહ્યું હતું કે, ટુ-ફિંગર ટેસ્ટ પરીક્ષણ કરવામાં આવ્યું નથી. ટુ-ફિંગર ટેસ્ટ પરીક્ષણ વિશેની માહિતી ખોટી છે. એરફોર્સ કાયદો ઘણો કડક છે. સત્ય એ છે કે પરીક્ષણ કરવામાં આવ્યું ન હતું. તપાસ રિપોર્ટના આધારે કાર્યવાહી કરવામાં આવશે.
તમિલનાડુ પોલીસે પ્રાથમિક તપાસ હાથ ધર્યાના થોડા દિવસો પછી, સ્થાનિક કોર્ટે ભારતીય વાયુસેનાને આ મામલાની સંપૂર્ણ તપાસ કરવાની મંજૂરી આપી છે. વાયુસેના પ્રમુખે કહ્યું કે અમે તપાસ રિપોર્ટના આધારે મામલામાં શિસ્તભંગની કાર્યવાહી કરીશું. 10 સપ્ટેમ્બરના રોજ કોઇમ્બતુરમાં ભારતીય વાયુસેનાની મહિલા અધિકારીએ એક સાથી પર જાતીય સતામણીનો આરોપ લગાવ્યો હતો. એક 28 વર્ષીય મહિલા વાયુસેના અધિકારીએ ભારતીય વાયુસેનાના અધિકારીઓ પર ગંભીર આરોપો લગાવ્યા છે. મહિલા અધિકારીનું કહેવું છે કે તેમને પ્રતિબંધિત ‘ટુ-ફિંગર ટેસ્ટ’ કરાવવાની અને આરોપી ફ્લાઇટ લેફ્ટનન્ટ સામેની ફરિયાદ પાછી ખેંચવાની ફરજ પડી હતી.
સાથી લેફ્ટનન્ટ પર બળાત્કારનો આરોપ
મહિલા અધિકારીએ તેના પર બળાત્કારની પુષ્ટિ કરવા અને તેના પ્રત્યે ખરાબ વલણ અપનાવવા માટે તેના પર બે આંગળીના ગેરકાયદે પરીક્ષણના ગંભીર આરોપો લગાવ્યા છે. મહિલા અધિકારીનું કહેવું છે કે પુરાવા સાથે પણ છેડછાડ કરવામાં આવી છે. હકીકતમાં, ભૂતકાળમાં, તમિલનાડુમાંથી એક મહિલા વાયુસેના અધિકારી પર બળાત્કારનો કિસ્સો પ્રકાશમાં આવ્યો હતો. મહિલા અધિકારીએ સાથી લેફ્ટનન્ટ પર તેના પર બળાત્કાર કરવાનો આરોપ લગાવ્યો હતો.
20 સપ્ટેમ્બરે તમિલનાડુ પોલીસ દ્વારા નોંધાયેલી એફઆઈઆર અનુસાર, મહિલા અધિકારીએ કહ્યું કે તમિલનાડુના કોઈમ્બતુર જિલ્લામાં એરફોર્સ એડમિનિસ્ટ્રેટિવ કોલેજના પરિસરમાં તેના પર બળાત્કાર થયો હતો. તેણીએ એમ પણ કહ્યું કે કોલેજના સત્તાવાળાઓએ તેને કહ્યું કે જો તે પગની ઘૂંટીની પીડા સહન કરી શકે (જે તેણે કથિત ગુનાના કલાકો પહેલા ભોગવી હતી), તો તે કેમ્પસમાં તેના બળાત્કારીને જોવાની પીડાનો પણ સામનો કરી શકે છે. જોકે, IAF એ આરોપો પર ટિપ્પણી કરવાનો ઇનકાર કર્યો હતો.
Latest News Updates
