Ahmedabad ના ગોમતીપુરમાં કિન્નરે નજર ચૂકવી દાગીના અને રોકડ રકમની ચોરી કરી, પોલીસે ધરપકડ કરી

અમદાવાદ(Ahmedabad) ના ગોમતીપુર(Gomtipur)મા પુત્ર જન્મને લઈને આશિર્વાદ આપવાના બહાને કિન્નર ઘર સાફ કરીને ફરાર થઈ ગયો હતો. જો કે પોલીસે(Police)ગણતરીના કલાકોમા કિન્નરની ધરપકડ કરીને ચોરીનો મુદ્રામાલ જપ્ત કર્યો. પોલીસ તપાસમાં સામે આવ્યું કે મોજશોખ કરવા માટે કિન્નરે ચોરીને અંજામ આપ્યો હતો.

આ કિન્નરનું નામ રાહુલ ઉર્ફે આઇશા ઉર્ફે રમેશ સોલંકી છે તેની ધરપકડ કરવામાં આવી છે. કિન્નર બાળકને આશિર્વાદ આપવાના બહાને ચોરી કરી હતી. આ ઘટનાની વાત કરીએ તો ગોમતીપુર વિસ્તારમા એક મહિલાના ઘરે પુત્ર જન્મ થયો.

જેની જાણ કિન્નર રાહુલ ઉર્ફે આઇશાને થઈ હતી અને તે આશિર્વાદ આપના બહાને મહિલાના ઘરે પહોંચી ગયો હતો અને પુત્ર જન્મ માટે રૂ 5 હજારની માંગ કરી હતી. પરંતુ મહિલાએ આપવાનો ઈન્કાર કરતા તેના ઘરમાથી સોના-ચાંદીના દાગીના અને રોકડની ચોરી કરી ફરાર થઈ ગયો હતો.

આ ઘટના તમામ લોકો માટે એક ઉદાહરણ પૂરું પાડે છે… એક કિન્નર કે જે નવજાત શિશુને આશીર્વાદ આપવાના બહાને ફરિયાદીના ઘરે ગયો. બાદમાં મસમોટી રકમની બક્ષીસ તરીકે માંગણી કરી અને જ્યારે મરજી મુજબના રૂપિયા ન મળ્યા ત્યારે પાણી પીવું છે તેમ કહી મહિલા ને રસોડા માં મોકલી અને ઘરમાં તિજોરીમાં પડેલા સોના-ચાંદીના દાગીના અને રોકડ રકમ પર હાથફેરો કરી લીધો.

કિન્નર ઘર છોડીને ગયો ત્યાં સુધી મહિલાને ભાન જ ન પડ્યું કે તેણે ઘરમાં કેવી રીતે ચોરી કરી. બાદમાં જ્યારે સમગ્ર હકીકત સામે આવી ત્યારે ચોરી કરનાર આરોપી કિન્નર સામે ગોમતીપુર પોલીસ સ્ટેશનમાં ફરિયાદ દાખલ કરવામાં આવી. ફરિયાદ નોંધાતા પોલીસે ટેકનિકલ સર્વેલન્સ અને હ્યુમન સર્વેલન્સના આધારે આરોપી કિન્નરને ગણતરીના કલાકોમાં ઝડપી પાડયો.

પોલીસે કિન્નરની કડક પૂછપરછ કરતા ચોરી કરેલા દાગીના અને રોકડ રકમ કિન્નર પાસેથી રિકવર કરવામાં આવ્યા હતા. હાલ પોલીસે ચોરીનો તમામ મુદ્દામાલ રિકવર કરી કિન્નર સામે કાયદાકીય કાર્યવાહી હાથ ધરી છે.

પકડાયેલ કિન્નર નો કિસ્સો લાલબત્તી સમાન છે.. નવજાત બાળકને આશીર્વાદ આપવા આવતા હોય કે કોઈ અન્ય પ્રસંગો દરમિયાન આશીર્વાદ આવતા તમામ કિન્નરો એક સરખા નથી હોતા. જે બાબત ગોમતીપુરની આ ઘટના પરથી સ્પષ્ટ થાય છે. શંકાસ્પદ કિન્નરોને ઘરમાં પ્રવેશતા પહેલા સો વાર ચેતજો નહીતો તમારી સાથે પણ ગોમતીપુર જેવી આ ઘટના બની શકે છે.

આ પણ વાંચો : Rajkot : કોર્પોરેશનના આવાસ પર ગેરકાયદે કબ્જો કરનાર સામે લેન્ડ ગ્રેબિંગ એક્ટ હેઠળ કાર્યવાહી કરાશે

આ પણ વાંચો : GANDHINAGAR : ગાંધીનગર મહાનગરપાલિકાની ચૂંટણી જાહેર, ત્રીજી ઓક્ટોબરના રોજ યોજાશે મતદાન