Gujarat Corona Update: રાજ્યમાં કોરોના વકર્યો, દોઢ મહિના બાદ 500થી વધુ કેસ

Gujarat Corona Update: રાજ્યમાં ફરી એકવાર કોરોનાના કેસ વધવા લાગ્યા છે. રાજ્યમાં આજે 5 માર્ચના દિવસે લગભગ દોઢ મહિના બાદ કોરોનાના નવા 500થી વધુ કેસ નોંધાયા છે.

  • Tv9 webdesk42
  • Published On - 21:36 PM, 5 Mar 2021
Gujarat Corona Update: રાજ્યમાં કોરોના વકર્યો, દોઢ મહિના બાદ 500થી વધુ કેસ
અમદાવાદમાં કોરોનાના કેસમાં ચિંતાજનક રીતે થઈ રહ્યો છે વધારો

Gujarat Corona Update: રાજ્યમાં ફરી એકવાર કોરોનાના કેસ વધવા લાગ્યા છે. રાજ્યમાં આજે 5 માર્ચના દિવસે લગભગ દોઢ મહિના બાદ કોરોનાના નવા 500થી વધુ કેસ નોંધાયા છે. છેલ્લા 24 કલાકમાં રાજ્યમાં 515  નવા કેસ નોંધાયા, આ સાથે જ આ સમયગાળામાં કોરોનાના કારણે એક દર્દીનું  મૃત્યુ થયું છે. 

 

 

આજે રાજ્યના મહાનગરોમાં નોંધાયેલા કોરોનાના નવા કેસોની વાત કરીએ તો અમદાવાદમાં સૌથી વધુ 113, સુરતમાં 101, વડોદરામાં 90 અને રાજકોટમાં 46 નવા કેસ સામે આવ્યા છે. આજના દિવસે રાજ્યમાં 405 અને અત્યાર સુધીમાં 2,64,969 દર્દીઓ કોરોનાથી મુક્ત થઈ સાજા થયા છે.  રાજ્યમાં કોરોનાના નવા કેસોની સાથે એક્ટિવ કેસોમાં પણ વધારો થઈ  રહ્યો છે. રાજ્યમાં કોરોનાના એક્ટિવ કેસ 109 વધીને 2,858  થયા છે, જે ગત દિવસે 4  માર્ચે  2,749 હતા. 

 

આ પણ વાંચો: Assam Assembly Election 2021: ભાજપે 70 ઉમેદવારોની પ્રથમ યાદી કરી જાહેર