Covid-19 Britain:આ દેશ બન્યો માસ્ક ફ્રી, કોવિડ પાસની જરૂરિયાત પણ નહિ, જાણો કેમ ઉઠાવવામાં આવ્યું આ પગલું
બ્રિટનમાં 12 વર્ષથી વધુ ઉંમરના લગભગ 84 ટકા લોકોએ રસીનો બીજો ડોઝ મેળવ્યો છે અને પાત્રતા ધરાવતા 81 ટકા લોકોએ તેમનો બૂસ્ટર ડોઝ લીધો છે.
Covid-19 in Britain: (Britain) સરકારે કહ્યું કે, માસ્ક પહેરવા ફરજિયાત સહિત મોટાભાગના કોવિડ પ્રતિબંધો (Covid Restrictions)ગુરુવારે હટાવી લેવામાં આવ્યા છે. સરકારનું કહેવું છે કે, બૂસ્ટર ડોઝ (Booster Dose) આપવાનો ઝુંબેશ શરૂ થયા બાદ રોગની ગંભીરતા અને કોવિડ-19ને કારણે હોસ્પિટલમાં દાખલ લોકોની સંખ્યામાં ઘટાડો થયો છે. ગુરુવાર સુધી ઇંગ્લેન્ડ (England)માં ક્યાંય પણ માસ્ક કાયદેસર નથી, અને નાઇટક્લબો અને અન્ય મોટા સ્થળોમાં પ્રવેશવા માટે કોવિડ પાસ માટેની કાનૂની આવશ્યકતા પણ નાબૂદ કરવામાં આવી છે.
સરકારે ગયા અઠવાડિયે લોકોને ઘરેથી કામ કરવાની સલાહ આપવાની સાથે વર્ગમાં માસ્ક પહેરવા અંગેની તેની માર્ગદર્શિકા પાછી ખેંચી લીધી હતી. કોરોનાવાયરસ (Coronavirus)ના ઓમિક્રોન વેરિઅન્ટ(Omicron Variant) ને કારણે આરોગ્ય સેવાઓ પર દબાણ વધારીને અને રસીના બૂસ્ટર ડોઝ (Booster Dose) લઈને રોગચાળાના પ્રકોપને ઘટાડવાના પ્રયાસના ભાગરૂપે ડિસેમ્બરની શરૂઆતમાં કહેવાતા ‘પ્લાન બી’ની રજૂઆત કરવામાં આવી હતી. તે સમય દરમિયાન બ્રિટનમાં કોરોના કેસ (Covid-19 in Britain)માં મોટો ઉછાળો આવ્યો હતો.
અમે કોવિડ સાથે જીવતા શીખ્યા ગયા: આરોગ્ય પ્રધાન સાજિદ જાવિદ
આરોગ્ય પ્રધાન સાજિદ જાવિદે જણાવ્યું હતું કે, સરકાર દ્વારા રસીકરણ ઝુંબેશની શરૂઆત, પરીક્ષણ અને એન્ટિવાયરલ સારવાર યુરોપમાં કેટલીક મજબૂત નિવારણ પદ્ધતિઓમાંની છે. આ સામાન્ય સ્થિતિમાં પાછા ફરવામાં મદદ કરે છે. તેમણે કહ્યું કે, અમે કોવિડ સાથે જીવતા શીખી ગયા છે, પરંતુ આપણે એ સ્પષ્ટ કરવાની જરૂર છે કે, આ વાયરસ આપણાથી દૂર થયો નથી. સંક્રમણના કેસ સતત ઘટી રહ્યા છે, પરંતુ આરોગ્ય અધિકારીઓના જણાવ્યા અનુસાર, ઓમિક્રોન સમગ્ર દેશમાં છે, ખાસ કરીને બાળકો અને વૃદ્ધો તેનાથી પ્રભાવિત છે.
એક લાખથી પણ ઓછા કેસ સામે આવ્યા
અધિકારીઓએ જણાવ્યું હતું કે, બ્રિટનમાં 12 વર્ષથી વધુ ઉંમરના લગભગ 84 ટકા લોકોએ રસીનો બીજો ડોઝ મેળવ્યો છે અને જેઓ પાત્ર છે તેમાંથી 81 ટકા લોકોએ તેમનો બૂસ્ટર ડોઝ લીધો છે. હોસ્પિટલમાં દાખલ થવાના કેસો અને ICUમાં લોકોની સંખ્યા ઘટી છે અને નવા વર્ષની શરૂઆતની આસપાસ જ્યાં દૈનિક કેસ એક દિવસમાં 2,00,000 થી વધુ આવતા હતા, તાજેતરના દિવસોની તુલનામાં તે ઘટીને ઓછા થઈ ગયા છે. વડા પ્રધાન બોરિસ જ્હોન્સ(Boris Johnson)ને ગયા અઠવાડિયે કહ્યું હતું કે ઓમિક્રોનથી ચેપના કેસોમાં વધારો હવે તેની રાષ્ટ્રીય ટોચ પર છે.
લંડનમાં બસ અને મેટ્રો ટ્રેનમાં માસ્ક પહેરવા પડશે
સરકારે કાયદાકીય પગલાં હળવા કર્યા છે, પરંતુ કેટલાક દુકાનદારો અને જાહેર પરિવહન સંચાલકો કહે છે કે તેઓ લોકોને ફેસ માસ્ક પહેરવાનું કહેતા રહેશે. લંડનના મેયર સાદિક ખાને કહ્યું કે, રાજધાનીની બસો અને મેટ્રો ટ્રેનોમાં હજુ પણ માસ્ક પહેરવું જરૂરી રહેશે.
ચેપગ્રસ્ત લોકો માટે સંપૂર્ણ પાંચ દિવસ ક્વોરેન્ટાઇનમાં રહેવું કાયદાકીય રીતે જરૂરી છે, પરંતુ જોન્સને કહ્યું કે આ નિયમ પણ ટૂંક સમયમાં સમાપ્ત થશે. આરોગ્ય અધિકારીઓએ કહ્યું છે કે, તેઓ કોવિડ-19ને સામાન્ય ફ્લૂની જેમ સારવાર માટે લાંબા ગાળાની પોસ્ટ-પેન્ડેમિક વ્યૂહરચના પર કામ કરી રહ્યા છે. સ્કોટલેન્ડ, વેલ્સ અને ઉત્તરી આયર્લેન્ડ, જેઓ તેમના પોતાના જાહેર આરોગ્ય નિયમો બનાવે છે, એ જ રીતે તેમના વાયરસ પ્રતિબંધોને હળવા કર્યા છે.
આ પણ વાંચો-Child Vaccination : 15 થી 18 વર્ષના કિશોરોનુ રસીકરણ પૂરજોશમાં, 24 દિવસમાં આટલા તરૂણોએ મેળવી વેક્સિન
