SBI CBO Recruitment 2021: સરકારી બેંકમાં 1226 જગ્યાઓ માટે કરાશે ભરતી, આ રીતે કરો અરજી

SBI CBO Recruitment 2021 : સ્ટેટ બેંક ઓફ ઈન્ડિયા સર્કલ ઓફિસર (SBI CBO ) બનવાની તૈયારી કરી રહેલા યુવાનો માટે સારા સમાચાર છે. બેંકે સર્કલ આધારિત ઓફિસર (SBI CBO Exam) ની 1226 જગ્યાઓ માટે અરજીઓ આમંત્રિત કરી છે. બેંક (State Bank of India) દ્વારા જારી કરાયેલ નોટિફિકેશનમાં આ નોકરી વિશે વિગતવાર માહિતી શેર કરવામાં આવી છે.

જે ઉમેદવારો બેંકિંગ નોકરીઓ શોધી રહ્યા છે તેઓને અહીં નોકરી મેળવવાની મોટી તક છે. નોટિફિકેશન મુજબ 1226 જગ્યાઓ પર ભરતી થવાની છે. જે ઉમેદવારો આ પોસ્ટ્સ માટે અરજી કરવા માંગે છે તેઓ પહેલા બેંકની સત્તાવાર વેબસાઇટ પર જાઓ અને આ નોકરી સંબંધિત સૂચનાને ધ્યાનથી વાંચો. સ્ટેટ બેંક ઓફ ઈન્ડિયાની સત્તાવાર વેબસાઈટ sbi.co.in પર જઈને અરજી કરી શકાય છે.

આ રીતે નોકરી માટે અરજી કરો સર્કલ બેઝ્ડ ઓફિસર રિક્રુટમેન્ટ (SBI CBO Recruitmen) માટે અરજી કરવા સૌ પ્રથમ તમારે સત્તાવાર વેબસાઇટ sbi.co.in પર જવું પડશે. આ પછી કરિયર કલ્પ પર ગયા પછીCurrent Openings પર ક્લિક કરો. આ પછી, સૂચનામાં આપેલા પગલાંને અનુસરીને અરજી ફોર્મ યોગ્ય રીતે ભરવાનું રહેશે. આ માટે તમારે પહેલા રજીસ્ટ્રેશન કરાવવું પડશે. આ નોકરીની સૂચનામાં તમને આ બધી બાબતો વિશે માહિતી મળશે.

અરજી ફી, ઉંમર અને ભરતી પ્રક્રિયા જાણો આ નોકરી માટે, જનરલ, OBC અને EWS કેટેગરીના ઉમેદવારોએ 750 રૂપિયાની અરજી ફી ચૂકવવી પડશે. SC, ST અને દિવ્યાંગ માટે અરજી મફત છે. ઉમેદવારોની લઘુત્તમ વય 21 વર્ષ અને મહત્તમ વય 30 વર્ષ હોવી જોઈએ. આ જગ્યાઓ માટે ભરતી ત્રણ તબક્કામાં કરવામાં આવશે. જે ઉમેદવારો લેખિત કસોટી, સ્ક્રીનીંગ અને ઇન્ટરવ્યુમાં લાયક ઠરે છે તેમની પસંદગી કરવામાં આવશે.

આ પણ વાંચો :  UPSC DCIO Result 2021: ડેપ્યુટી સેન્ટ્રલ ઇન્ટેલિજન્સ ઓફિસરની ભરતી પરીક્ષાનું પરિણામ જાહેર, સીધા લિંક પરથી તપાસી શકો

આ પણ વાંચો : Naukri News: બેન્કિંગ ક્ષેત્રે નોકરીની ખાસ તકો, 1 થી 5 લાખ સુધીનો મળશે પગાર, વાંચો કેવી રીતે કરી શકાશે એપ્લાય