NIOS 10th 12th Exam 2021: ઓપન સ્કૂલિંગ ધોરણ 10 અને 12 ની પરીક્ષાની તારીખ થઈ જાહેર, જુઓ તમામ વિગતો
NIOS 10th 12th Exam 2021: નેશનલ ઇન્સ્ટિટ્યૂટ ઓફ ઓપન સ્કૂલિંગે 10 અને 12ની પરીક્ષાની તારીખો જાહેર કરી છે.
NIOS 10th 12th Exam 2021: નેશનલ ઇન્સ્ટિટ્યૂટ ઓફ ઓપન સ્કૂલિંગ (NIOS)એ 10 અને 12ની પરીક્ષાની તારીખો જાહેર કરી છે. ધોરણ 10 અને 12 ની થિયરી પેપર પરીક્ષા 12 નવેમ્બરથી શરૂ થશે. તે જ સમયે વિદેશી વિદ્યાર્થીઓ માટે પરીક્ષા (NIOS 10th 12th Exam 2021) 11 નવેમ્બરથી એક દિવસ વહેલી શરૂ થશે.
નેશનલ ઇન્સ્ટિટ્યૂટ ઓફ ઓપન સ્કૂલિંગના (National Institute of Open Schooling) સત્તાવાર ટ્વિટર હેન્ડલ પરથી ટ્વિટ કરીને આ માહિતી આપવામાં આવી છે. નેશનલ ઇન્સ્ટિટ્યુટ ઓફ ઓપન સ્કૂલિંગ (NIOS) એ તમામ પ્રાદેશિક નિર્દેશકોને પ્રાદેશિક કેન્દ્રની સત્તાવાર વેબસાઇટ પર થિયરી પરીક્ષાની તારીખની શીટ અપલોડ કરવા કહ્યું છે. પરીક્ષાને લગતી વધુ માહિતી માટે વિદ્યાર્થીઓને સત્તાવાર વેબસાઇટની મુલાકાત લેવાની સલાહ આપવામાં આવે છે.
The Public Exam (Theory) of NIOS for Oct-Nov 2021 for Secondary and Sr.Secondary courses is scheduled from 12 .11.2021 for All India & from 11.11.2021 for overseas learners.For details pl visit: https://t.co/qYIbmwADQu @EduMinOfIndia @dpradhanbjp @Annapurna4BJP @Drsubhassarkar pic.twitter.com/PnLKR1ab7n
— NIOS (@niostwit) October 13, 2021
પરીક્ષાઓ 15 ડિસેમ્બર સુધી ચાલશે
નેશનલ ઈન્સ્ટીટ્યુટ ઓફ ઓપન સ્કૂલિંગ (NIOS) દ્વારા બહાર પાડવામાં આવેલી નોટિસ અનુસાર, પરીક્ષાઓ 15 ડિસેમ્બર સુધી યોજાશે. વિદેશી ઉમેદવારોની પરીક્ષાઓ 6 ડિસેમ્બરે પૂરી થશે. વિદ્યાર્થીઓ નેશનલ ઇન્સ્ટિટ્યુટ ઓફ ઓપન સ્કૂલિંગ (NIOS) ની સત્તાવાર વેબસાઇટ nios.ac.in અને sdmis.nios.ac.in પર તારીખ પત્રક ચકાસી શકે છે.
પરીક્ષામાં ઉપસ્થિત વિદ્યાર્થીઓ સત્તાવાર વેબસાઇટ પર સૂચના ચકાસી શકે છે. આ ઉપરાંત, પરીક્ષા દરમિયાન વિદ્યાર્થીઓએ માર્ગદર્શિકાનું ધ્યાન રાખવું જરૂરી રહેશે. જણાવી દઈએ કે આ પરીક્ષાઓ માટે નોંધણી જુલાઈ-ઓગસ્ટમાં કરવામાં આવી હતી. તે જ સમયે, જૂન 2021ની પરીક્ષાનું પરિણામ જુલાઈમાં જાહેર કરવામાં આવ્યું હતું.
પ્રેક્ટિકલ 27 સપ્ટેમ્બરના રોજ યોજાયું હતું
અગાઉ, NIOS એ તાજેતરમાં 13 સપ્ટેમ્બર 2021 ના રોજ ઓક્ટોબર-નવેમ્બર 2021 ની જાહેર પરીક્ષા માટે પ્રાયોગિક પરીક્ષાઓ અંગેનું જાહેરનામું બહાર પાડ્યું હતું. આ સૂચના મુજબ, માધ્યમિક અને ઉચ્ચત્તપર માધ્યમિક વર્ગો માટેની પ્રાયોગિક પરીક્ષાઓ 27 સપ્ટેમ્બર 2021 થી લેવામાં આવી હતી.
